ဓညဝတီသည် ရခိုင်တိုင်းရင်းသားများ၏ ရှေးဟောင်းအမွေအနှစ်ဖြစ်သကဲ့သို့ သုဝဏ္ဏဘုမ္မိဟု ခေါ်ဆိုသော သထုံမြို့သည် ရှေးဟောင်းမွန် နေပြည်တော်ဖြစ်သဖြင့် အထက်ပါရေးသားချက်သည် ဒို့တာဝန်အရေး သုံးပါး၏ ဒုတိယအချက်ဖြစ် သည့် “တိုင်းရင်းသားစည်းလုံးညီညွတ် မှုမပြိုကွဲရေး”ကို ထိခိုက်စေခြင်း ဖြစ်သည်။
အမျိုးသားမှတ်တမ်းများ မော်ကွန်း တိုက်ဦးစီးဌာန၊ အငြိမ်းစားညွှန်ကြားရေးမှူး နိုင်မောင်တိုးက “ပျူ လည်းဗမာ၊ ဗမာလည်းပျူဆိုတဲ့ အယူ အဆကနေ အခုဆိုရင် တကောင်း၊ ဟန်လင်း၊ ဗိဿနိုး၊ သရေခေတ္တရာ ဒေသတင်မကတော့ဘူး မွန်တွေရဲ့သထုံနဲ့ ရခိုင်တို့ရဲ့ဓညဝတီ ကို လည်း ပျူတွေ ရဲ့မြို့ပြနိုင်ငံဖြစ်ခဲ့ဘူးတယ်လို့ လိုရာဆွဲသွင်းလာပြန်တယ်” ဟု ပြော သည်။
ရာဇကုမာရ်၏ မြစေတီကျောက်စာ၌ နောက်ဆုံးပျူအက္ခရာကျောက်စာအရေးအသား နှင့် မထမဦးဆုံး မြန်မာစာအရေးသားတို့ကို တပြိုင် တည်းတွေ့ရှိနိုင်သည်ဟုလည်း သူကထောက် ပြသည်။
ထို့ကြောင့် မွန်သမိုင်းများထိန်းသိမ်းဖေါ်ထုတ်ရေးအတွက် မွန်သံဃာတော်များ၊မွန်နိုင်ငံရေးပါတီ များနှင့် မွန်လူမှုအဖွဲ့အစည်းများပါဝင် သည့် မွန်သမိုင်းသုတေသနကော်မတီကို ပြီးခဲ့သည့် အောက်တိုဘာ ၂၂ ရက်နေ့တွင် မုဒုံမြို့နယ်၊ ကမာဝက်ကျေးရွာ၌ ဖွဲ့စည်းခဲ့ကြောင်း အဖွဲ့ဝင် တဦးဖြစ်သူ ဒေါက်တာမင်း ကြည်ဝင်းက ပြောသည်။
“ကျနော်တို့ မွန်စာပေယဉ်ကျေးမှုပူးပေါင်းဆောင်ရွက်ရေးအဖွဲ့ချုပ်အနေနဲ့ ပါဝင်ခဲ့တာပါ၊ ဒေါက်တာ ချစ် စံဝင်းတို့ရဲ့စာတမ်းဖတ်ပွဲမှာ မွန်ပ ညာရှင်တွေအနေနဲ့ သုဝဏ္ဏဘုမ္မိ မွန်နေပြည်တော် အကြောင်း စာ တမ်းဖတ်ကြားခွင့်ရအောင် နည်း လမ်းရှာဖွေသွားမှာပါ”ဟု သူကဆက် ပြောသည်။
ထွန်းဖောင်ဒေးရှင်းဘဏ်၏ ကူညီပံ့ပိုးမှုဖြင့်“ပျူလူမျိုးနှင့် ပျူနိုင်ငံတော်” စာတမ်းဖတ်ပွဲကို လာမည့် နိုဝင် ဘာလ ၁၆ ရက်နေ့မှ ၁၈ ရက်နေ့ထိ ရန်ကုန်မြို့တွင် ကျင်းပမည်ဖြစ်ပြီး ပျူလူမျိုးအကြောင်း ရှုထောင့်မျိုးစုံ ပါဝင်သော စာ တမ်းစောင်ရေ ၄ဝ ကျော်၌ ဓာတ်ပုံပေါင်း ၇ဝဝ ကျော် ပါဝင်သည့် စာတမ်းတစောင်၊ အင်္ဂ လိပ်ဘာသာ ၄ စောင်တင်သွင်းဖတ်ကြားမည် ဟု အထက်ပါ ကြေးမုံသတင်း စာတွင် ဖော်ပြထား သည်။
အလားတူ လာမည့်နိုဝင်ဘာလ ၃ ရက်နှင့် ၄ ရက်နေ့များတွင် ရွှေအဆင်းဝင်းသောသုဝဏ္ဏဘူမိ ပထမ အကြိမ်ဒေသအတွင်း စာတမ်း ဖတ် ပွဲကို မော်လမြိုင်တက္ကသိုလ်မှကြီးမှုး၍ မွန်ပြည်နယ်၊ မော်လမြိုင်မြို့ ပြည်နယ်ခန်းမဆောင်၌ ကျင်းပသွားရန် အစီအစဉ်ရှိကြောင်း သတင်း ထုတ်ပြန် ထားသည်။
No comments:
Post a Comment