မုံးဝီးရွာတွင် ၄င်းနေ့နံနက် ၆ နာရီခွဲခန့်က မူးယစ်ဆေးဖြန့်ဖြူးသူတစ်ဦး၊ ၀ယ်ယူသုံးစွဲသူ ၁၃ ဦးနှင့် မူးယစ်ဆေးဝါး အမြောက်အများကို ဖမ်း ဆီး ခဲ့ကြောင်း အဆိုပါ လူငယ်အဖွဲ့နှင့် နီးစပ်သူ ဒေသခံတစ်ဦးက သျှမ်းသံတော်ဆင့်သို့ ပြောသည်။
“မနက်စောစော ရွာထဲမှာ မူးယစ်ဆေးအရောင်းအဝယ်လုပ်တဲ့အချိန် စောင့်ဖမ်းတာပေါ့နော် ရောင်း တဲ့လူက အိုက်မြင့်လို့ခေါ်တယ် ။ တခြား ရွာသားပေါ့နော်။ သုံးစွဲတဲ့သူတွေက မုံးဝီးရွာသားတွေပဲ အမျိုးသမီး၊ အမျိုးသား စုစုပေါင်း ၁၃ ဦး၊ ဘိန်းဖြူဆပ်ပြာခွက်တစ်ခွက် ရာဘ ဆေး ပြား ၁၁၀ ဖမ်းမိပါတယ် ” ဟု သူက ပြောသည်။
အဆိုပါဖမ်းဆီးမိသူများကို ပထမအဆင့်အနေဖြင့် အသိပညာပေး၍ ဒဏ်ငွေဆောင်ခိုင်းကာ ပြန်လည်လွတ်ပေးခဲ့ပြီး ဖမ်းဆီးမိသည့် ဆေး ဝါး များကို ရပ်မိရပ်ဖများရှေ့မှောက်တွင် မီးရှို့ဖျက်ဆီးခဲ့ကြောင်း သိရသည်။
မူးယစ်ဆေးဝါးသုံးစွဲသူများအထဲတွင် ဒေသခံပြည်သူ့စစ်တပ်ဖွဲ့ဝင်များ ပါဝင်ပြီး ၄င်းအဖွဲ့၏ မူးယစ် ဆေးဝါးနှိမ်နှင်းရေး လုပ်ငန်းများတွင် ဒေ သ ခံရဲတပ်ဖွဲ့နှင့် အုပ်ချုပ်ရေးအာဏာပိုင်များ ပူးပေါင်းဆောင်ရွက်ခြင်း မရှိကြောင်း သိရသည်။
အဆိုပါအဖွဲ့အား လွန်ခဲ့သည့် နိူဝင်ဘာလကုန်ပိုင်းက မူးယစ်ဆေးဝါးနှိမ်နှင်းရေးအတွက် ရွာသားများ ကိုယ်တိုင် ဖွဲ့စည်းခဲ့ ခြင်းဖြစ်ပြီး ယခုလ ၁၅ ရက်နေ့မှစ၍ မူးယစ်ဆေးနှိမ်နှင်းရေးလုပ်ငန်းများကို အရှိန်မြင့်လုပ်ဆောင်နေကြောင်း သိရသည်။
No comments:
Post a Comment