မုံရွာမြို့၊ ဝင်းယူနီတီ ဟိုတယ်တွင် သောကြာနေ့ နံနက်ပိုင်းက ဒေါ်အောင်ဆန်းစုကြည်နှင့် စီမံကိန်းဒေသခံ ရွာသားများ တွေ့ဆုံကြပြီး နောက် ဆားလင်းကြီးမြို့နယ်၊ ဝက်မှေးရွာသူ မသွဲ့သွဲ့ဝင်း က ပြောဆိုလိုက်ခြင်း ဖြစ်သည်။
“အမေစုက ဒီဒေသခံတွေကလည်း ပါရမယ်။ အာဏာပိုင်တွေ ဘက်ကလည်း ပါရမယ်၊ လွှတ်တော်ထဲ ကလည်းပါရမယ်၊ပညာရှင်တွေလည်း ပါရမယ်။ စုံစမ်းစစ်ဆေးရေး ကော်မရှင် တရပ်ကို ဖွဲ့ရမှာပါရှင့်။ အမေစု ကြားဝင်စေ့စပ်ပေး မယ် ဆိုတော့ ကျမတို့က အကောင်းဆုံး ဖြစ်လာ လိမ့်မယ်လို့ မျှော်လင့်ပါတယ်ရှင်” ဟု မဇ္ဈိမကို ပြောသည်။
“တောင်သူလယ်သမားတွေမှာ လယ်ယာမြေတွေလည်း ဆုံးရှုံးနစ်နာတယ်။ ပညာရေးတွေလည်း ဆုံး ရှုံးနစ်နာတယ်၊ ဘုန်းကြီးကျောင်း တွေ လည်း ချိတ်ပိတ်ခံရတယ်။ ကုမ္ပဏီဝန်ထမ်းတွေက ဒေသခံတွေ အပေါ် ရိုင်းစိုင်းတဲ့ အပြုအမူ မျိုး တွေ လုပ်တဲ့အကြောင်းတွေလည်း အမေစု ကို ပြောပြလိုက်ပါတယ်” ဟု ဆိုသည်။
ကြာသပတေးနေ့နံနက်ဦးပိုင်း အကြမ်းဖက်ဖြိုခွင်းမှုကြောင့် သံဃာတော်များ မီးလောင်၊ ဒဏ်ရာ အနာတရ ဖြစ်ခဲ့ သည့်အတွက် လက်ပံ တောင်းတောင် အရေးကို ဒီထက်မက ပိုမို ကြိုးစားလုပ်ဆောင်သွားမည်ဟု သန္နိဋ္ဌာန် ချထားကြောင်း ၎င်းက ဆက်လက် ရှင်းပြသည်။
“ကျမတို့ အခု ဖြိုခွဲခံလိုက်ရတဲ့ သပိတ်ကြီးမှာ မတရား အာဏာသုံးပြီးတော့ ဖြိုခွဲလိုက်တယ်လို့ပဲ သုံး သပ်ပါတယ်။ အဲဒီတော့ သံဃာတွေ ရော၊ ဒေသခံတွေရော ထိခိုက် အနာတရ ဖြစ်ပေမယ့် ဒေသခံ အပါအဝင် ကျမတို့ တနိုင်ငံလုံး က သူတို့ ကို ရှုံ့ချတယ်လေ။ ကျမတို့ကတော့ သိ က္ခာရှိတယ်။ သူတို့ဘက်က မတရား လက်နက် အင်အားတွေနဲ့ ဖြိုခွင်းလိုက်တဲ့အတွက် သူတို့ သိက္ခာ မရှိတာပဲ” ဟု သပိတ် ခေါင်း ဆောင် မသွဲ့သွဲ့ဝင်း က ပြောဆိုလိုက်သည်။
မသွဲ့သွဲ့ဝင်း မှာ လက်ပံတောင်းအရေး စက်တင်ဘာ ဆန္ဒပြပွဲတွင်လည်း တက်ကြွစွာ ဦးဆောင်ခဲ့၍ မုံရွာရဲများက အကြမ်းဖက် ဖမ်းဆီးကာ လေးရက်တာ ချုပ်နှောင်းခံခဲ့ရဖူးသည်။
ဒေါ်အောင်ဆန်းစုကြည် အနေနှင့် တရုတ်နိုင်ငံအား အိမ်နီးချင်းနိုင်ငံအဖြစ် ချစ်ကြည်စွာ ဆက်ဆံလိုပြီး ကြေးနီ စီမံကိန်းပြဿနာအား တိုင်း ပြည်သိက္ခာရှိစွာနှင့် ပြည်သူများ သက်တောင့်သက်သာရှိစွာ ဖြေရှင်းလိုကြောင်းနှင့်ပြည်သူများ ၎င်း၏ ဆန္ဒအတိုင်း ပါဝင်လာပါက အောင်မြင် စွာဖြေရှင်းနိုင်မည်ဟုလည်း ကြာသပတေးနေ့နှင့်သောကြာနေ့ ချင်းတွင်း သဲသောင် မိန့်ခွန်းများတွင် ထည့်သွင်းပြောဆိုသွား သည်။
မန္တလေးမြို့၊ မစိုးရိမ်တိုက်သစ် ဆရာတော် ဦးဝီရသူ ကလည်း ‘ဒေါ်အောင်ဆန်းစုကြည်ကကြားဝင် ဆောင်ရွက်ပေးမည့်အပေါ်ကြိုဆိုကြောင်း’ မဇ္စျိမ ကို မိန့်ကြားထားသည်။
အာဏာပိုင်များက သပိတ်စခန်းများ အကြမ်းဖက် ဖြိုခွင်းလိုက်သည့် ကြာသပတေးနေ့က ရန်ကုန်မြို့ရှိ တရုတ်ပြည်သူ့သမ္မတနိုင်ငံ သံရုံးက ကြေညာချက် တစောင် ထုတ်ပြန်ခဲ့သေးသည်။ စီမံကိန်း ချောမွေ့စွာ အကောင်အထည်ဖော်နိုင်ရန် မြန်မာ့ လူ့မှုအဖွဲ့အစည်း အဆင့် ဆင့်အား မေတ္တာရပ်ခံ ပန်ကြားထားခြင်း ဖြစ်သည်။
ကြာသပတေးနေ့နံနက် အကြမ်းဖက်ဖြိုခွင်းမှုကြောင့် သံဃာအပါး ၇ဝ နှင့် ဒေသခံ ၅ ဦးတို့ မီးလောင်ဒဏ်ရာများ ရရှိထားပြီး လက်ရှိ မုံ ရွာ ဆေးရုံတွင် သံဃာတော် ၂၆ ပါး အတွင်းလူနာအဖြစ် တက်ရောက် ကုသမှုခံယူနေရကာနှစ်ပါးမှာ ခွဲစိတ်ကုသမှု ခံယူထားရသည်။
No comments:
Post a Comment