အစိုးရတပ် အမြောက်ဆံကျ၍ အရပ်သား ၁ ဦးသေ၊ ၃ ဦးဒဏ်ရာရ

ဆိုင်မွန် ရောက်ဂ်နင်း

ကချင် လွတ်လပ်ရေး တပ်မတော် (KIA) လိုင်ဇာ ဌာနချုပ် အနီးသို့ ယနေ့ နံနက်ပိုင်းက အစိုးရတပ် ဖက်မှ ပစ်ခတ်သည့် အမြောက်ဆံ ကျ ရောက်မှုကြောင့် အမျိုးသား ၁ ဦးသေဆုံးပြီး ဒဏ်ရာရရှိသူ ၃ ဦးအနက် နှစ်ဦး ဒဏ်ရာ ပြင်းထန် ကြောင်း သတင်းရရှိသည်။

သေဆုံးသူမှာ အသက် ၄၂ နှစ် အရွယ် လယ်သမား ဂျာဂျီ တူးဂျာ ဆိုသူဖြစ်ပြီး ၄င်းအား လိုင်ဇာ ဆေးရုံသို့ ပို့ဆောင်ရာ ဆေးရုံအရောက်တွင် သေဆုံးသွားကြောင်း သိရသည်။

ကွယ်လွန်သူ၏ ဇနီးနှင့် ဆွေးမျိုးများ၏ ပြောဆိုချက်အရ လယ်ကွင်းထဲတွင် ကားပြင်နေစဉ် အနီးသို့ အစိုးရ စစ်တပ်ဘက်မှ ပစ်ခတ်သည့် အ မြောက်ဆံ ကျရောက်ပေါက်ကွဲပြီး ပြင်းထန်စွာ ဒဏ်ရာရှိခဲ့ကြောင်း သိရှိရသည်။

ဒဏ်ရာရရှိသူ ၃ ဦးတို့သည် ဖရဲသီးခင်းထဲတွင် ရှိနေကြစဉ် နောက်ထပ် အမြောက်ဆံ ကျရောက်ပေါက်ကွဲပြီး ပြင်းထန်စွာ ဒဏ်ရာရရှိသွား ခြင်း ဖြစ်သည်။

ကျောင်းဆရာမ၊ ကလေးနှစ်ဦး၏ မိခင်ဖြစ်သူ အသက် ၂၅ နှစ်အရွယ် မလာမုန် ခိုင်လင်းမှာ ဒဏ်ရာအ များအပြား ရရှိကြောင်း သိရသည်။ ဒေါက်တာ လာစန်း၏ အဆိုအရ မလာမုန် ခိုင်လင်းမှာ အရေးပေါ်သွေးသွင်းရန် လိုအပ်ကြောင်း၊ သို့သော် အသက်အန္တရာယ် စိုးရိမ်စရာ မရှိ ကြောင်း သိရသည်။

တတိယမြောက် ဒဏ်ရာရရှိပြီး ဆေးရုံ ရောက်လာသူ အမျိုးသားမှာ အသက် ၅၃ နှစ်အရွယ် မာရစ် မာဆန်း ဖြစ်ပြီး ခြေထောက်တွင် ဒဏ် ရာ ရှိကြောင်း၊ ခြေထောက်ဖြတ်တောက်ရန် လိုမလိုကို ရှင်းလင်းစွာ မသိရသေးကြောင်း ဒေါက်တာ လာစန်း က ဆိုသည်။

ထို့အပြင် အသက် ၅၃ နှစ်အရွယ် ဒေါ်လာမာလူးမှာလည်း ဒဏ်ရာ အသေးစား အနည်းငယ်ရရှိသည်ဟု သိရသည်။

ဒဏ်ရာရရှိသူများ၏ ဆွေမျိုးသားချင်းများ အဆိုအရ ယနေ့နံနက် ၁၀ နာရီ ၂၀ မိနစ်တွင် ၁၀၅ မမ အမြောက်ဆံကျရောက်ခြင်းဖြစ် ကြောင်း သိရှိရသည်။

မကြာသေးမီ ရက်ပိုင်းအတွင်းကလည်း KIA လိုင်ဇာ ဗဟိုဌာနချုပ် အနီးရှိ စစ်ပြေး ဒုက္ခသည်စခန်း ၅ ခုမှဒေသခံများကိုမိမိလုံခြုံရေးအ တွက် ကြိုတင်ပြင် ဆင်မှုများ ပြုလုပ်ထားရန် အသိပေးထားသည်။

ဒုက္ခသည်များကို စခန်းအပြင် မထွက်ရန်နှင့် ကတုတ်ကျင်းများ တူးထားရန်အသိပေးထားကြောင်းကချင်ဒုက္ခသည်များကယ်ဆယ်ရေး ကော် မတီ ဥက္ကဋ္ဌ ဆလန်ကဘာ ဒွဲပီဆာ ပြောသည်။

လိုင်ဇာဌာနချုပ် အနီးအနားတွင် အစိုးရတပ်များ တိုးချဲ့လာနေကြောင်း၊ အစိုးရတပ်က လိုင်ဇာဌာနချုပ် အနီးတွင် လှုပ်ရှားနေသည့် KIA တပ်ဖွဲ့ဝင်များကို ဖယ်ရှားပေးရန် သတိပေး ပြောကြားထားကြောင်း ၎င်းက ဆက်ပြောသည်။

KIA တပ်များကို ဖယ်ရှားပေးရန် မြောက်ပိုင်းတိုင်း စစ်ဌာနချုပ် (မပခ) တိုင်းမှူး ဗိုလ်မှူးချုပ် ထွန်းထွန်းနောင်က မြစ်ကြီးနားမြို့ရှိ ကချင် ပြည် နယ် ငြိမ်းချမ်းရေး အကျိုးဆောင် (PCG) အဖွဲ့မှ တဆင့် ဒီဇင်ဘာ ၂၃ ရက်နေ့က စာဖြင့်သတိပေး အကြောင်းကြားခဲ့သည်။

“လဂျားယန်တပ်စခန်းအတွက်အုပ်ချုပ်မှုကိစ္စများဆောင်ရွက်ရန် လမ်းကြောင်းအတိုင်းတပ်များဝင် ရောက်ရန်ရှိပါသည်။သို့ပါ၍လမ်း ကြောင်း တလျှောက်ရှိ KIA အဖွဲ့များအား ၂၀၁၂ ခုနှစ် ဒီဇင်ဘာလ ၂၅ ရက်နေ့ နောက်ဆုံးထား၍ နောက်ဆုတ်ပေးရေး KIO အဖွဲ့သို့ သတိပေးသွား ရန်” ဟု အဆိုပါ သတိပေး အကြောင်းကြားစာတွင် ဖော်ပြပါရှိသည်။

ကချင်လွတ်လပ်ရေးအဖွဲ့ (KIO) ခေါင်းဆောင်ဟောင်း ဒေါက်တာ တူးဂျာက “စစ်ရေးအရပဲ ဒါကို ရင် ဆိုင်နေကြတယ် ဆိုတဲ့အခါကျတော့ အ ခြေအနေတွေ အရမ်းဆိုးလာတယ်။ အပစ်မဲ့ ပြည်သူတွေ အများကြီး ဒုက္ခရောက်တယ်။ ကျနော် ကတော့ ဒီလိုအခြေအနေအထိ ရောက်လာ တာကို အံ့လည်း အံ့သြတယ်၊ နောက်ပြီး ကြိုက်လည်း မကြိုက်ဘူး၊ လိုလည်း မလိုလားဘူး” ဟု ပြောသည်။

အပစ်အခတ်ရပ်စဲရေးနှင့် ပတ်သက်၍ နှစ်ဖက် ကိုယ်စားလှယ်များက ငြိမ်းချမ်းရေး ဖော်ဆောင်ရေး လုပ်ငန်းကော်မတီများ ဖွဲ့စည်းထား သည့် အတွက် အမြန်ဆုံး စေ့ဆပ်စေလိုကြောင်း ၎င်းက ဆိုသည်။

“ငြိမ်းချမ်းရေး ဆွေးနွေးပွဲတခုကို တနာရီ နှစ်နာရီပဲ ထိုင်ပြီး ပျက်ပြားသွားတာ ဒါမကောင်းဘူးလို့ထင် တယ်၊ စိတ်ရှည်ရှည်နဲ့ အချိန်ယူပြီးတော့ ထိုင်ဆွေးနွေးရမှာပေါ့။ မဖြစ်မနေလုပ်မယ် ဆိုတဲ့ သံန္နိဌာန်ချပြီးတော့ လုပ်စေချင်တယ်” ဟု ဒေါက်တာ တူးဂျာက ဆက်ပြောသည်။

အစိုးရငြိမ်းချမ်းရေး ကိုယ်စားလှယ်များက KIA ကိုယ်စားလှယ်များကို လာမည့်နှစ် ဇန်န၀ါရီလဆန်းပိုင်း၌ နိုင်ငံရေး တွေ့ဆုံဆွေးနွေးရန် ကမ်း လှမ်းထားရာ KIA ဘက်မှ အကြာင်းမပြန်သေးကြောင်း သိရသည်။