“ ၁၉ ရက်နေ့မှာနဲ့ ၂၁-၂၂ ရက်နေ့တွေမှာ ၃ ကြိမ်ဖြစ်ပွါးတယ်။ တောင်ပိုင်းသျှမ်းတပ်ဖွဲ့နဲ့ မြန်မာ့ တပ် မ တော်ပေါ့။ ဆနိန်းရွာဘက် ကပေါ့။ အခုလဆန်းပိုင်းက သျှမ်းတပ်ဖွဲ့က စစ်သား ၂ ယောက်ဆိုင်ကယ် စီး တာကို မြန်မာစစ်တပ် ကတွေ့တော့ လိုက်ပစ်တယ် ။ သျှမ်းစစ်သား ၂ ယောက်ကလဲ ဆိုင်ကယ် ပစ်ပြီး ထွက်ပြေးတယ်။ သူတို့ဆိုင်ကယ် ဗမာစစ်သားသိမ်း သွားတယ်။ အဲဒီကစပြီးတော့ သျှမ်းတပ်က ပြန်စောင့် ရင်းနဲ့ အခုလို တိုက်ပွဲဖြစ်သွားတာ” ဟု ပင်လုံရောက် ဆနိန်းဒေသခံက ပြောသည်။
ပင်လုံမြို့နယ် ဆနိန်းအုပ်စုဘက်၌ ရလခတိုင်းလက်အောက်ခံ ခလရ ၂၉၆ တပ်ရင်းမှ အင်အား ၈၀ ခန့် စစ်ကြောင်း ၂ ကြောင်း ခွဲကာ လှုပ် ရှားကြောင်း၊ ယခုလ ၁၉ ရက်နေ့ကလည်း ဆနိန်းအုပ်စု ကောင်းလုံး ရွာ ဘုန်းကြီးကျောင်းအနီး သျှမ်းတပ်ဖွဲ့က လမ်းကူးစဉ် မြန်မာ့ တပ် မတော်၏အဆိုပါစစ်ကြောင်း နောက်မှ လိုက်လံပစ်ခတ်ခဲ့ကြောင်း သျှမ်းတပ်ဖွဲ့ကတုန့်ပြန်ပစ်ခတ်ခြင်းမရှိကြောင်း အဆိုပါ ဒေသခံ က ပြော သည်။
“ ၂၁ နဲ့ ၂၂ ရက်နေ့တုန်းက ပင်လုံအနောက်မြောက် ဆနိန်းအုပ်စုနဲ့ကပ်ရက် လွယ်ခူးကျေးရွာအုပ် စုဘက်မှာလဲ သျှမ်းတပ်ဖွဲ့ကို မြန်မာစစ် ကြောင်းက လိုက်ပစ်တယ်။ အဲတာတော့သျှမ်းဘက် ကပြန်ပစ် တယ် ။ တိုက်ပွဲ ၂ ကြိမ်ဖြစ် တယ်။ မြန်မာ့တပ်မတော်ဘက်က ၂ ယောက် ဒဏ်ရာရတယ်။ သေတာတော့ မရှိဘူး” ဟု အဆိုပါ ဒေသခံကဆက်ပြောပါ သည်။
ယနေ့နေ့လည်ပိုင်းကလည်း စစ်သားအပြည့်ပါ မြန်မာစစ်ယာဉ်တန်း ၄ စီး ဆနိန်းအုပ်စုဘက် ထပ်တက်သွားသည်ကိုတွေ့ရကြောင်း မြင်တွေ့ရသည့်မြို့ခံများကပြောသည်။
အဆိုပါ ဆနိန်းအုပ်စုဘက်သို့ မြန်မာ့တပ်မတော်မှစစ်ကြောင်းများပြန်လည် လှုပ်ရှားလာသည့် အတော အတွင်း ဒေသခံများအပေါ် လူ့အခွင့် အရေးချိုးဖောက်မှုများလည်း ပြန်လည်တွေ့ရသည်ဟု ဒေသခံ များကပြောပါသည်။
သျှမ်းပြည်တပ်မတော် RCSS/SSA နှင့်မြန်မာအစိုးရတို့ ငြိမ်းချမ်းရေး ဆွေးနွေးခဲ့ကြသည့် တနှစ်တာ ကာလအတွင်း တိုက်ပွဲပေါင်း ၆၈ ကြိမ် ထက်မနည်းဖြစ်ပွါးခဲ့ပြီး ၄၄ ကြိမ်မှာ မြန်မာ့တပ်မတော် နှင့်ပစ် ခတ်ခဲ့ရကြောင်း ကျန်တိုက်ပွဲများမှာ ပြည်သူ့စစ်တပ်ဖွဲ့နှင့်ပစ်ခတ်ခဲ့ရကြောင်း သျှမ်းပြည်တပ်မတော်၏ နှစ်ပတ်လည်အစည်းအဝေး၌အစီရင်ခံတင်ခဲ့ကြသည်ဟု ဆိုပါသည်။
No comments:
Post a Comment