ပညာရေး ဖွံ့ဖြိုးတိုးတက်မှု အတွက် အဓိက ထောက်ပံ့ကူညီသွားမည် ဖြစ်ရာ ဖွံ့ဖြိုးတိုးတက်မှု နည်းပါးနေသည့် ပဋိပက္ခ ဖြစ်ပွားခဲ့သောတိုင်း ရင်းသား ဒေသများရှိ ကလေးများ အပါအဝင် မြန်မာပြည် အတွင်းရှိ ဆင်းရဲနွမ်းပါးသောကလေးငယ် ၂ သန်းကျော်ကိုအရည်အသွေးကောင်း မွန်သော မူလတန်းပညာ သင်ကြားနိုင်ရန် အတွက် ယင်း ငွေကြေးအများစုကို အသုံးပြု သွားမည်ဖြစ်ကြောင်း ဗြိတိန် – သြစတေးလျ နှစ်နိုင်ငံ ပူးပေါင်းကူညီရေး အဖွဲ့က ယနေ့ ကျင်းပသည့် သတင်းစာ ရှင်းလင်းပွဲတွင် ပြောဆိုသည်။
ယနေ့မွန်းလွဲ ၁၂ နာရီက ရန်ကုန်မြို့ ရွှေတောင်ကြားလမ်းရှိ သြစတေးလျန်း ကလပ်တွင်ကျင်းပသောသတင်းစာရှင်းလင်းပွဲသို့ တက်ရောက် လာသည့် ဗြိတိန်နိုင်ငံ အပြည် ပြည်ဆိုင်ရာ ဖွံ့ဖြိုးတိုးတက်ရေး ဌာန၏ အမြဲတမ်းအတွင်းရေးမှူး Mark Lowcock နှင့်သြစတေးလျနိုင်ငံအပြည် ပြည်ဆိုင်ရာ ဖွံ့ဖြိုးတိုးတက်မှု အေဂျင်စီ၏ ညွှန်ကြားရေးမှူးချုပ် Peter Baxter တို့က မြန်မာပြည် ၏ ပြောင်းလဲမှုကို ကြိုဆိုကြောင်းနှင့် ဖွံ့ဖြိုး တိုးတက်ရေး ကိစ္စများအတွက် အတူတကွ ပူးပေါင်း ဆောင်ရွက်ရန် ကတိကဝတ် ပြုခဲ့ပြီးဖြစ်ကြောင်း သတင်းထောက်များကို ရှင်းလင်းခဲ့ သည်။
မြန်မာပြည် ဖွံ့ဖြိုးတိုးတက်ရေးအတွက် ကူညီရာတွင် ပညာရေးကိစ္စ အပါအဝင် လယ်သမားများ ဝင်ငွေ တိုးတက်ရေး၊ ပြည်သူများ၊ အထူးသ ဖြင့် အမျိုးသမီးများ၏ ကျန်းမာရေး ဝန်ဆောင်မှု ပိုမို တိုးတက်စေ ရေး၊ တိုင်းရင်းသား လူမျိုးစု ဒေသများ၏ ငြိမ်းချမ်းရေးနှင့် ဖွံ့ဖြိုးရေး လုပ် ငန်းများ လုပ်ဆောင်နိုင်ရန် လက်တွေ့ကျသော စီးပွားရေး ကူညီထောက်ပံ့မှုများ ပေးရေး၊ တာဝန် ယူမှုရှိသော ရင်းနှီးမြှုပ်နှံမှုကို မြှင့်တင် နိုင် ရေး၊ လွှတ်တော်၏ လုပ်ငန်းများကို အားဖြည့်ဆောင်ရွက်ရေး၊ တရားဥပဒေ စိုးမိုးရေး စသည်တို့အတွက် အားဖြည့်ပေးသွားမည် ဖြစ် ကြောင်း သိရ သည်။
“ငြိမ်းချမ်းရေးအတွက် ကချင်ပြည်နယ်မှာ ဖြစ်နေတဲ့ စစ်ပွဲတွေကို အမြန်ဆုံးရပ်ဖို့ ကချင်လွတ်မြောက်ရေး အဖွဲ့ (KIO) ကိုရော၊ အစိုးရ ဘက် ကိုပါ ပြောခဲ့ပါတယ်။ စစ်ဖြစ် နေတဲ့ နေရာက ပြည် သူတွေအတွက် လူသားချင်း စာနာထောက်ထားပေးဖို့ ပြောပြီးပြီ ဖြစ်ပါတယ်” ဟု Mr. Peter Baxter က ဆိုသည်။
တိုင်းရင်းသား ဒေသများအတွင်း ပဋိပက္ခ ကိစ္စများ၊ စစ်မက်များ ဖြစ်ပွားခဲ့ခြင်းသည် ကူညီထောက်ပံ့ရေး အဖွဲ့များအတွက် စိန်ခေါ်မှုများ ဖြစ် လာနိုင်ကြောင်း၊ ထိုဒေသများရှိ ပြည်သူများသည် ဖွံ့ဖြိုးတိုးတက်မှု နှောင့်နှေးခဲ့ရသော်လည်း ယခုအခါတွင် တိုးတက်ရန် အခွင့်အရေးများ ရသင့်ပြီ ဖြစ်ကြောင်း၊ တိုင်းပြည်အနေဖြင့် အကောင်းဘက်ကို ဦးတည် ပြောင်းလဲနေချိန်တွင် ၎င်းတို့ အ နေဖြင့် ငြိမ်းချမ်းရေး ဖြစ်စဉ်များ နှင့် ဖွံ့ဖြိုးတိုးတက်ရေး ကိစ္စများအတွက် ကူညီသွားမည် ဖြစ်ကြောင်း Mr. Mark Lowcock ကလည်း ပြောသည်။
ယင်းအဖွဲ့အနေဖြင့် မြန်မာပြည်တွင်းရှိ ကျောင်းများတွင် ကျောင်းသားများ ယခုပိုမို တက်ရောက် ပညာသင်ကြားနိုင်ရေး အတွက် အဓိကထား ကူညီသွားမည်ဖြစ်ကြောင်း၊ ငွေကြေးမတတ်နိုင် သူများ အတွက် အနစ်နာခံ သင်ကြားပေးနေသော ဘုန်းတော်ကြီးသင် ပညာရေးကျောင်း များကိုလည်း အားပေးသွားမည် ဖြစ်ကြောင်း သိရသည်။
“အစိုးရဟာ အခွန်ပေးမယ့် ပြည်သူတွေကို တာဝန်ခံရမယ်၊ အခွန်ပေးမယ့် ပြည်သူတွေရဲ့ အရင်းအမြစ်တွေကိုလည်း ကောင်းမွန်စွာ အသုံးချ ရမယ်လို့ တာဝန်ရှိသူတွေကို ကျနော်တို့ ပြောခဲ့ပါ တယ်။ လူသားချင်း စာနာ ထောက်ထားတဲ့ အကူအညီတွေ ပေးဖို့အတွက် စိန်ခေါ်မှုတွေ ဘယ်လောက် ကျန်သေးလဲ ဆိုတာက အဓိကမကျပါဘူး။ အောင်မြင်မှု ဘယ်လောက် ရခဲ့ပြီလဲ ဆိုတာ သာ အဓိကပါ” ဟု Mr. Peter Baxter က ဆိုသည်။
ဗြိတိန် – သြစတေးလျ ပူးပေါင်းကူညီရေး အဖွဲ့သည် ၂၀၀၈ ခုနှစ်က နာဂစ်ဆိုင်လုန်း မုန်တိုင်းဒဏ်ခံစားခဲ့ရသောဧရာဝတီတိုင်းအတွင်းရှိ ဒေ သများသို့ မကြာခင်ရက်ပိုင်းက သွားရောက်လေ့လာ၍ပြည်သူ များနှင့် တွေ့ဆုံကာ စစ်တမ်းများလည်း ကောက်ယူခဲ့သည့် အပြင်၊ မြန်မာ ပြည် ငြိမ်းချမ်းရေးနှင့် ဖွံ့ဖြိုးတိုးတက်ရေး အတွက် ကူညီမည့် အစီအစဉ်များ အတွက် ပြည်သူ့ လွှတ်တော် ဥက္ကဋ္ဌ သူရ ဦးရွှေမန်း၊ ဝန်ကြီး ဦး အောင်မင်း၊ အတိုက်အခံ အဖွဲ့အစည်းများမှ ပုဂ္ဂိုလ်များ၊ တိုင်းရင်းသား ခေါင်းဆောင်များ၊ စီးပွားရေးနှင့် လူမှုရေး ကဏ္ဍမှ တာဝန် ရှိသူများ နှင့် လည်း တွေ့ဆုံ ဆွေးနွေးခဲ့ကြောင်း သိရသည်။
No comments:
Post a Comment