ဒဏ်ရာရရှိသူ ၅ ဦးထဲမှ သုံးဦးကို မယ်ဆောင်ဆောင်ဆေးရုံသို့ အရေးပေါ် ပို့ပေးခဲ့ရပါတယ်။ မွန်းလွဲပိုင်း ၃ နာရီခန့်က စတင်လောင်ကျွမ်းပြီး ညနေ ၅နာရီလောက်မှာ ငြိမ်းသွားတယ်လို့သိရပါတယ်။ ရပ်ကွက် ၁နဲ့ ရပ်ကွက် ၄က အိမ်ခြေ ၄၂၀ ကျော်ကို ပြာကျသွားစေခဲ့ပါတယ်။
ရပ်ကွက်၂ ခုစလုံးထဲက အိမ်ခြေအားလုံးနီးပါး မီးလောင်ကျွမ်းသွားခဲ့တဲ့အတွက် လက်ရှိ ရပ်ကွက် ၁ မှ လူဦးရေ ၁၁၂၃ ဦးနဲ့ ရပ်ကွက်၎မှ လူဦးရေ ၁၂၀၇ဦးအတွက် NGO အဖွဲ့အစည်းများဖြစ်တဲ့ IRC, TBBC, IOM နဲ့ ဒေသခံ ထိုင်းအာဏာပိုင်တို့ကနေ အရေးပေါ် ကယ်ဆယ်ရေးတွေ လုပ်ပေးနေပါတယ်။
ထိုင်း - မြန်မာနယ်စပ် ကယ်ဆယ်ရေးညွန့်ပေါင်းအသင်း TBBC ရဲ့ ၂၀၁၃ ခုနှစ် ဖေဖေါ်ဝါရီ လူဦးရေစာရင်းပြုစုထားချက်အရ အမှတ် ၂ ဒုက္ခသည်စခန်းမှာ ဒုက္ခသည်ဦးရေ ၃၄၅၈ ဦးဖြစ်ပါတယ်။
ဒုက္ခရောက်နေတဲ့ ရပ်ကွက် ၁ အိမ်ခြေ ၂၀၇အိမ်ထောင်၊ လူဦးရေ ၁၁၂၃ဦး နဲ့ ရပ်ကွက် ၄ အိမ်ခြေ ၂၁၃အိမ်ထောင်၊ လူဦးရေ ၁၂၀၇ဦး ဖြစ်ပါတယ်။ တချို့က ချောင်းနံဘေးမှာမီးဖိုပြီး အိပ်တယ်။ တချို့က မိမိဆွေမျိုးအိမ်မှာ သွားအိပ်နေကြပါတယ်။
No comments:
Post a Comment