ရှမ်းပြည်နယ်မြောက်ပိုင်း လားရှိုးမြို့မှာ ဓါတ်ဆီရောင်းချတဲ့ အမျိုးသမီးကို အစ္စလာမ်ဘာသာဝင် ရှမ်းအမျိုးသားတစ်ဦးက ဓါတ်ဆီလောင်းပြီး မီးရှို့ခဲ့တဲ့အတွက် ရဲကဖမ်းဆီးထားတယ်လို့ ဆိုပါတယ်။
ဒီဖြစ်ရပ်နဲ့ပတ်သက်ပြီး ဗုဒ္ဓဘာသာဘုန်းတော်ကြီးတွေအပါအဝင် ဒေသခံတချို့က အုပ်စုဖွဲ့ဖျက်ဆီးမှုတွေလုပ်ခဲ့တဲ့အတွက် လူစုခွဲခဲ့ရပြီး အိမ်ခြေတချို့နဲ့ ဗလီအဆောက်အဦးတစ်ခု တိုက်ခိုက်ဖျက်ဆီးခံခဲ့ရတယ်လို့ ဆိုပါတယ်။
ဒေါသထွက်နေတဲ့ လူအုပ်ကြီးက အဖမ်းဆီးခံထားရတဲ့ မွတ်စလင်အမျိုးသားကို သူတို့လက်ကိုအပ်ဖို့တောင်းဆိုခဲ့ပြီး မွတ်စလင်တွေပိုင်ဆိုင်တဲ့ ဈေးဆိုင်တွေနဲ့ မွတ်စလင်စာသင်ကျောင်း အဆောက်အဦးတစ်ခုကိုလည်း မီးတင်ရှို့မှုတွေ ရှိခဲ့တယ်လို့ AFP သတင်းဌာနကို ဒေသခံတစ်ဦးက တယ်လီဖုန်းကတဆင့် ပြောခဲ့တယ်လို့လည်း ဆိုပါတယ်။
တချို့နေရာတွေမှာ မီးစွဲလောင်မှုတွေရှိခဲ့တာကို ငြိမ်းသတ်နိုင်ခဲ့ပြီဖြစ်ပြီး စစ်တပ်လုံခြုံရေးတွေ ချထားတယ်လို့ နာမည်မဖေါ်လိုတဲ့ ဒေသခံရဲအရာရှိတစ်ဦးက ပြောခဲ့တယ်လို့ AFP သတင်းဌာနက ဖေါ်ပြခဲ့ပါတယ်။
လတ်တလောမှာ အကြမ်းဖက်မှုတွေ ဆက်မဖြစ်ရအောင် ပုဒ်မ ၁၄၄ ထုတ်ထားတယ်လို့လည်း သိရပါတယ်။
ရှမ်းလူမျိုးစုကြီးဟာ မြန်မာနိုင်ငံမှာ ဒုတိယအကြီးဆုံး တိုင်းရင်းသားအုပ်စုကြီးဖြစ်ပြီး အများစုက ဗုဒ္ဓဘာသာဝင်တွေဖြစ်ကြတယ်လို့လည်း ဆိုကြပါတယ်။
No comments:
Post a Comment