မြန်မာအစိုးရနဲ့ ကချင်ပြည်လွတ်မြောက်ရေးတပ်ဖွဲ့တို့ကြား ဆွေးနွေးညှိနှိုင်းမှုတွေ ပိုမိုလုပ်ဆောင်သွားဖို့ ဆုံးဖြတ်ခဲ့တဲ့အကြောင်းနဲ့ နှစ်ဖက်စလုံး အပစ်အခတ်ရပ်စဲနိုင်ဖို့ ကြိုးစားသွားမှာဖြစ်တယ်လို့ အစိုးရဖက်ကကိုယ်စားလှယ်တဦးဖြစ်တဲ့ ဒုတိယ ဗိုလ်ချုပ်ကြီး မြင့်စိုးကပြောပါတယ်။
အစိုးရနဲ့ ကေအိုင်အိုတို့ နှစ်ဖက်ကြား အပစ်အခတ်ရပ်စဲရေးအတွက် တရုတ်နိုင်ငံ အတွင်းနဲ့ ထိုင်းနိုင်ငံအတွင်းအပါအ၀င် ရှစ်ကြိမ်လောက် ငြိမ်းချမ်းရေး ဆွေးနွေးပွဲတွေ ပြုလုပ်ခဲ့ကြပေမယ့် ခုချိန်ထိ အောင်မြင်မှုမရှိသေးကြောင်းသိရပါတယ်။
ကေအိုင်အိုဖက်က ကိုယ်ပိုင်အုပ်ချုပ်ခွင့်ပိုရအောင် အစိုးရကိုတောင်းဆိုတာဖြစ်ပြီးတော့ ထာဝရငြိမ်းချမ်းရေးအတွက် ပိုမိုကောင်းမွန်တဲ့ နိုင်ငံရေးတွေ့ဆုံဆွေးနွေးမှုတွေ ပြုလုပ်ဖို့ အတွက် လည်းတောင်းဆိုနေတာဖြစ်ပါတယ်။
ကချင်ပြည်သူလူထုရဲ့လိုအင်ဆန္ဒ၊ ကေအိုင်အိုဖက်ကလားချက်တွေနဲ့ နိုင်ငံတကာ အသိုင်းအ၀ိုင်းက အခြေအနေတွေ အဲ့ဒီ နှစ်ဖက်စလုံးက လက်ရှိအခြေအနေကို အခြေခံပြီးတော့ အဖြေရှာသွားမှာဖြစ်တယ်လို့ ကေအိုင်အေက ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော်က ပြောပါတယ်။
မနေ့က စတင်ပြုလုပ်တဲ့ဆွေးနွေးပွဲအတွင်း ကုလသမဂ္ဂ အထွေထွေ အတွင်းရေးမှူးချုပ် ရဲ့ မြန်မာပြည်အထူးကိုယ်စားလှယ်ဖြစ်တဲ့ ဗီဂျေ နမ်ဘီယားလည်း တက်ရောက်ခဲ့သလို တရုတ်နိုင်ငံကကိုယ်စားလှယ်တွေနဲ့ တခြားတိုင်းရင်းသားအဖွဲ့က ကိုယ်စားလှယ်တွေလည်း တက်ရောက်ခဲ့ပါတယ်။ ဒါပေမဲ့ ဒီကိစ္စနဲ့ပတ်သက်ပြီး ရန်ကုန်က ကုလသမဂ္ဂတာဝန်ရှိသူတွေက ထင်မြင်ချက်ပေးဖို့ ငြင်းဆိုခဲ့ပါတယ်။
ကချင်နဲ့အစိုးရတွေ့ဆုံမှုသတင်း
ကချင်လွတ်လပ်ရေးအဖွဲ့ (KIO)နဲ့ အစိုးရကိုယ်စားလှယ်တွေကြား ၈ ကြိမ်မြောက် တွေ့ဆုံဆွေးနွေးပွဲတွေ ကျင်းပနေကြပြီး ကုလသမဂ္ဂ အထူးကိုယ် စားလှယ် မစ္စတ ဗီဂျေ နမ်ဘီယား၊ မြန်မာနိုင်ငံဆိုင်ရာတရုတ်သံမှူးနဲ့ တိုင်းရင်းသားလက်နက်ကိုင်အဖွဲ့ ၈ဖွဲ့လည်း လေ့လာသူတွေအဖြစ် တက်ရောက်ခဲ့ပါတယ်။
KIOနဲ့ အစိုးရကိုယ်စားလှယ်တွေကြား ဆွေးနွေးပွဲမစခင်မှာ အခက်အခဲတွေရှိခဲ့ပေမဲ့ တကယ် ဆွေးနွေးတဲ့အခါ နှစ်ဖက်စလုံးက လိုက်လိုက်လျောလျာနဲ့ ဆွေးနွေးတာတွေ့ရတယ်လို့ ငြိမ်းချမ်းရေးအကျိုးတော်ဆောင် ဦးလှ မောင်ရွှေက အခုလိုပြောပါတယ်။
“ဆွေးနွေးပွဲမှာ ပြည်ထောင်စုဘက်က အစည်းဝေးမလုပ်ခင်ကတည်းက အဆိုပြုထားတဲ့အချက် ၄ချက်ကို ဆွေးနွေးတယ်၊ KIO ဖက်ကတော့ သူတို့ပေးပို့ထားတဲ့အချက် ၂ချက်ပေါ့လေ၊ အဲဒီအချက် ၂ချက်ကို ဆွေး နွေးတယ်၊ နှစ်ဖက်လုံးကတော့ ဆွေးနွေးပွဲဟာ ရှေ့ပိုင်းမှာတော့ အတော်ကို အခက်အခဲတွေနဲ့ ရက် တွေ ရွှေ့ရတယ်၊ ပျက်မလိုဖြစ်တယ်၊ ပြဿနာပေါင်းအများကြီးရှိပေမဲ့ ဒီနေ့ဆွေးနွေးပွဲစတဲ့အချိန်မှာ တော်တော်လေး လိုက်လိုက်လျောလျောနဲ့ ဆွေးနွေးတာကို တွေ့ရပါတယ်။”
KIO ဖက်က နိုင်ငံရေးဆွေးနွေးပွဲတွေ လုပ်ဆောင်ဖို့နဲ့ ပဋိပက္ခဖြစ်စဉ်စောင့်ကြည့်လေ့လာတဲ့အဖွဲ့ ဖွဲ့စည်းဖို့ ဆွေးနွေးခဲ့ပြီး အစိုးရဖက်ကတော့ နှစ်ဖက်သဘောတူ ဆွေးနွေးပွဲတွေဆက်လုပ်ဖို့၊ တပ်ပိုင်းဆိုင်ရာကိစ္စတွေ နိုင်ငံရေးဆွေးနွေးရေးကိစ္စတွေ ဆွေးနွေးခဲ့တယ်လို့ ပြောပါတယ်။
ဒါအပြင် ကချင်ပြည်နယ်ထဲက သောင်းနဲ့ချီတဲ့ ဒုက္ခသည်အရေးနဲ့ ပတ်သက်ပြီး နှစ်က်ေအဖွဲ့တွေက ဒုက္ခ သည် တွေ နေရပ်မပြန်နိုင်သေးခင် လုံခြုံစိတ်ချရပြီး လိုအပ်ချက်တွေဖြည့်ဆည်းပေးဖို့နဲ့ အပစ်အခတ်တွေရပ်စဲနိုင်တဲ့ အချိန်မှာ ဒုက္ခသည်တွေအနေနဲ့ နေရပ်မှာ ပြန်လည်အခြေချနိုင်ရေးအတွက် ညှိနှိုင်းဆွေးနွေးခဲ့ကြတယ်လို့ ဦးလှမောင်ရွှေက ဆက်ပြောပါတယ်။
“KIO ဖက်ကတော့ သူတို့ရဲ့ မူလရပ်တည်ချက်ဖြစ်တဲ့ နိုင်ငံရေးဆွေးနွေးတာအဓိက ၊ အပစ်အခတ်ရပ်စဲရေးက ဒုတိယ အဆင့်၊ ပြည်ထောင်စုဖက်ကတော့ အပစ်အခတ်ရပ်စဲရေးက ပထမ၊ နိုင်ငံရေးဆွေးနွေးတာက အဲဒီနောက်ပိုင်းမှ၊ ဒါပေမဲ့ ဦးအောင်မင်းထောက်ပြတာကတော့ အပစ်အခတ်ရပ်စဲရေးကို လက်မှတ်ရေးထိုးနိုင်မှ နောက်တဆင့်သွားမဲ့ political ဒိုင်ယာလော့အတွက်ကို ပိုအဆင်ပြေမယ်၊ အားလုံးအပစ်အခတ်တွေရပ်စဲနိုင်ခဲ့ မယ်ဆိုရင် တနိုင်ငံလုံးလွမ်းခြုံတဲ့အပစ်အခတ်ရပ်စဲရေး လက်မှတ်ရေးထိုးပွဲလိုဟာမျိုးပေါ့ စဉ်းစားထားတယ် ဆိုတာကို ရှင်းပြပါတယ်၊ အဲဒါမှ ၁၇(၁)လိုဟာမျိုးပေါ့နော် မတရားအသင်းကနေ ပယ်ဖျက်နိုင်ဖို့အတွက် အပစ်အခတ်ရပ်ဖို့ဆိုတာလည်း ထောက်ပြတော့ ဒီမူကိုတော့ KIO ဖက်ကစဉ်းစားပါ့မယ် ပြောပါတယ်။”
မြန်မာနိုင်ငံတွင်းမှာ ပထမဆုံးအကြိမ် ပြုလုပ်တဲ့ ဆွေးနွေးပွဲရဲ့ ပထမနေ့ ညနေပိုင်းနဲ့ ဒီကနေ့မှာတော့ နှစ်ဖက်အဖွဲ့ခေါင်းဆောင်တွေပဲ သီးခြားတွေ့ဆုံဆွေးနွေးသွားမှာဖြစ်ပြီး မေလ ၃၀ရက် နေ့ မှာတော့ စောင့်ကြည့်လေ့လာလိုသူတွေ အားလုံးပါတဲ့ ဆွေးနွေးပွဲကို ပြုလုပ်မှာဖြစ်တယ်လို့ ဦးလှမောင်ရွှေက ပြောပြခဲ့တယ်လို့ ရေဒီယိုသြစတြေးလျ သတင်းထောက် မြတ်မိုးက သတင်းပေးပို့ခဲ့ပါတယ်။
No comments:
Post a Comment