ဇူလိုင်လ ၃၁ရက်နေ့မှာကျင်းပတဲ့ ပြည်ထောင်စုလွှတ်တော်အစည်းအဝေးမှာ အခုလို တာဝန်အလွဲ အပြောင်းတွေပြုလုပ်ခဲ့တာဖြစ်ပြီးတော့ တာဝန်လွဲယူမှု အခမ်းအနားကို သမ္မတဦးသိန်းစိန်၊ ဒု-သမ္မတ၊ ကာကွယ်ရေးဦးစီးချုပ်နဲ့ အစိုးရအဖွဲ့ဝင် ၀န်ကြီးတွေ တက်ရောက်ခဲ့ကြတယ်လို့ သိရပါတယ်။ အခုလို လွဲပြောင်းတာဝန်ယူတာဟာ ပြဌာန်းထားတဲ့ ဖွဲ့စည်းပုံအခြေခံဥပဒေအရ တာဝန်ယူ ဆောင်ရွက် တာဖြစ်တယ်လို့ ပြည်သူ့လွှတ်တော်အမတ် ဦးဖြိုးမင်းသိန်းက ပြောပါတယ်။
“ပြဌာန်းထားတဲ့ဥပဒေအရ လွှတ်တော်သက်တမ်း ၅နှစ်မှာ အမျိုးသားလွှတ်တော်ဥက္ကဌ ဦးခင်အောင်မြင့် လွှတ်တော်သက်တမ်း တ၀က်ပေါ့နော် လပေါင်း ၃၀ထမ်းဆောင်ပြီးသွားတယ်၊ ကျန်တဲ့လပေါင်း ၃၀ကိုတော့ ပြည်သူ့လွှတ်တော်ဥက္ကဌ ဦးရွှေမန်းက ပြည်ထောင်စုလွှတ်တော်နာယကအဖြစ် တာဝန်လွဲပြောင်းရယူ တာဖြစ်ပါတယ်။”
ပြည်ထောင်စုလွှတ်တော်ကလပေါင်း ၃၀အတွင်း လယ်ယာမြေနဲ့အခြားမြေများ သိမ်းဆည်းခံရမှု စုံစမ်းစစ်ဆေးရေးကော်မတီဖွဲ့စည်းဆောင် ရွက်နိုင်ခဲ့တာ၊ ၂၀၀၈ ဖွဲ့စည်းပုံပြင်ဆင်ရေးအတွက် လေ့လာ ဆန်းစစ်ရေးကော်မတီဖွဲ့စည်းဖို့ ဆောင်ရွက်နိုင်တာနဲ့ ရွေးကောက်ပွဲကော်မရှင်က တင်သွင်းခဲ့တဲ့ အချိုးကျကိုယ်စာပြုစနစ်ကို ပယ်ချခဲ့တာတွေ လုပ်ဆောင်နိုင်ခဲ့တယ်လို့ ပြောပါတယ်။
ပြည်ထောင်စုလွှတ်တော်နာယကအဖြစ် နောက်ထပ်လပေါင်း ၃၀ တာဝန်ထမ်းဆောင်ဖို့ လွဲပြောင်း ရယူခဲ့တဲ့ သူရဦးရွှေမန်းက အကောင်းဆုံးဖြစ်အောင် ဆောင်ရွက်သွားမယ်လို့ ဂတိက၀တ်ပြုခဲ့တဲ့ အကြောင်း ဦးဖြိုးမင်းသိန်းက ဆက်ပြောပါတယ်။
လွှတ်တော်အမတ်အများစုကတော့ သူရဦးရွှေမန်းအနေနဲ့ ပြည်ထောင်စုလွှတ်တော်နာယက သက် တမ်းလပေါင်း ၃၀အတွင်း ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးနဲ့ပတ်သက်ပြီး ၂၀၁၅ခု မတိုင်ခင် မှာ အပြောင်းအလဲတွေလုပ်ဆောင်နိုင်မယ်လို့ မျှော်လင့်နေတဲ့အကြောင်း ရေဒီယိုသြစတြေးလျ သတင်းထောက် မြတ်မိုးက သတင်းပေးပို့ထားတာဖြစ်ပါတယ်။
No comments:
Post a Comment