သမ္မတဦးသိန်းစိန်အနေဖြင့် ၂၀၁၅ ရွှေးကောက်ပွဲတွင် သမ္မတရာထူး ပါဝင်ယှဉ်ပြိုင်ခြင်းကို သမ္မတကိုယ်တိုင် တိုင်းပြည်သို့ အသိပေးမည် ဖြစ်ပြီး ကြားလူမှ တဆင့် အသိပေးစရာ အကြောင်းမရှိဟု ဦးရဲထွဋ်က အောက်တိုဘာလ ၂၇ ရက်နေ့ထုတ် 7 Day Daily သတင်းစာသို့ ထုတ်ဖော်ပြောဆိုခဲ့သည်။
” ဦးရွှေမန်း ဘယ်လိုသဘောမျိုးနဲ့ ဒါကို ထုတ်ပြောတယ် ဆိုတာတော့ မသိပါဘူး။ ဒါပေမဲ့ သမ္မတကြီးက သူ့သဘောထား ဆုံးဖြတ်ချက်တွေကို ပြည်သူထံ အသိပေးဖို့လိုရင် လိုအပ်တဲ့အချိန်မှာ တိုက်ရိုက် အသိပေးပြောကြားမှာပါ။ အခုလို ကြားလူကတဆင့် ပြည်သူကို အသိပေးဖို့ အကြောင်းမရှိပါဘူး”ဟု သမ္မတပြောရေးဆိုခွင့် ရှိသူက ပြောဆိုကြောင်း 7 Day Daily သတင်းစာတွင် ဖော်ပြထားသည်။
ထိုကဲ့သို့ ၂၀၁၅ ရွေးကောက်ပွဲတွင် မည်သူက ပါတီကို ဦးဆောင်ပြီး သမ္မတရာထူးအတွက် ယှဉ်ပြိုင်မည်ကို နှစ်ဘက်စလုံးက အလျှော့ပေးမည့်ပုံ မပေါ်သောအခါ အာဏာရ ပြည်ထောင်စုကြံခိုင်ရေးနှင့် ဖွံဖြိုးရေးပါတီတွင် လက်ရှိသမ္မတဦးသိန်းစိန်ကို ထောက်ခံသော အုပ်စုနှင့် လွှတ်တော် နာယက သူရဦးရွှေမန်းကို ထောက်ခံသော အုပ်စုဟူ၍ နှစ်မျိုးပေါ်ပေါက်လာနိုင်ကြောင်း ပါတီနှစ်ခြမ်းကွဲနိုင်သည် အထိ ဖြစ်နိုင်ကြောင်း နိုင်ငံရေးအသိုင်းအဝိုင်းက ထင်မြင်သုံးသပ်လာကြသည်။
ပြည်ထောင်စုကြံ့ခိုင်ရေးနှင့် ဖွံဖြိုးရေးပါတီမှာ စစ်တပ်ကျောထောက်နောက်ခံဖြင့် ဖွဲ့စည်းထားသော ပါတီတခုဖြစ်သောကြောင့် အလွယ်တကူ မပြိုကွဲနိုင်သော်လည်း လက်ရှိနိုင်ငံရေး အခြေအနေအရ သမ္မတဦးသိန်းစိန် ပါတီတခု ထပ်၍ ထူထောင်ပါကလည်း တိုင်းပြည်မပြိုကွဲနိုင်ကြောင်း ကြံ့ခိုင်ရေးပါတီ ဗဟိုကော်မတီဝင်လည်းဖြစ် အမျိုးသားလွှတ်တော်အမတ်ဖြစ်သူ ဦးလှဆွေက ဧရာဝတီသို့ ပြောသည်။
” ဦးသိန်းစိန် ပါတီထောင်မယ်ဆိုရင်လည်း တိုင်းပြည်ပြိုကွဲဖို့တော့ မရှိဘူး။ အခုတိုင်းပြည်မှာက အမျိုးသားအကျိုးစီးပွားကိုပဲ လုပ်မယ်ဆိုတဲ့ အမျိုးသားရေးပါတီပေါ်လာရင် ထောက်ခံမယ့် အမျိုးသားရေးစိတ်ဓါတ်ကဲတဲ့ အုပ်စုတွေ ရှိနေတယ်။ အဲဒါကို ဦးသိန်းစိန်က တွက်ချက်ပြီးတော့ ကြားအဖွဲ့တဖွဲ့ထောင်လိုက်ရင် လက်ရှိအတိုင်း ဘာမှမပြောင်းဘဲနဲ့ NLD ရော ကြံခိုင်ရေးရော ငြိမ်သွားလိမ့်မယ်” ဟု ဦးလှဆွေက မှတ်ချက်ပေးသည်။
ထိုကဲ့သို့ အမျိုးသားရေးပါတီ ပေါ်ပေါက်လာပါက ဒေသစွဲ၊ လူမျိုးစွဲ ၊ ၀ါဒစွဲကြီးသော ဗမာလူမျိုးများက ထောက်ခံလိမ့်မည် ဖြစ်ကြောင်း၊ ယခု နိုင်ငံရေးအခြေအနေတွင် NLD ပါတီနှင့် ကြံခိုင်ရေး ပါတီ နှစ်ခုစလုံးကို မကြိုက်ကြသူများ ရှိနေကြောင်း၊ တိုင်းရင်းသားဒေသများတွင်လည်း ဒေသခံပါတီများကသာ အောင်ပွဲခံလိမ့်မည် ဖြစ်ကြောင်း ဦးလှဆွေက သုံးသပ်သည်။
သို့ရာတွင် သမ္မတ လုပ်ချင်နေသူများနှင့် ပတ်သက်ပြီး သဘောထားမှတ်ချက်မပေးလိုသော်လည်း ပါတီမှာ တဦးတယောက်၏ ဦးဆောင်မှုအောက်တွင် မရှိဘဲ အများဆန္ဒဖြင့် ဖွဲ့စည်းထားသောကြောင့် လုံးဝမပြိုကွဲနိုင်ကြောင်း ကြံ့ခိုင်ရေးပါတီ ဒုတိယဥက္ကဌ ဦးဌေးဦးက ဧရာဝတီသို့ ပြောသည်။
”သမ္မတကတော့ လူတိုင်းလုပ်နိုင်ပါတယ်။ သူ( ဦးရွှေမန်း) လည်းပဲ အရင်တုန်းက ထိပ်ပိုင်းခေါင်းဆောင်ပဲလေ။ လုပ်နိုင်မှာပေါ့။ ကျနော်တို့ ပါတီမှာတော့ ဘယ်သူကို သမ္မတဆိုတာတော့ မသတ်မှတ်သေးဘူး။ မဆွေးနွေးကြသေးဘူး။ လောလောဆယ် စောသေးတယ်။ လက်ရှိတော့ ပါတီဥက္ကဌ ရာထူးကို ဦးရွှေမန်း ယူထားပါတယ်”ဟု ဦးဌေးဦးက ဆိုသည်။
အုပ်ချုပ်ရေးတာဝန်ကို ထမ်းဆောင်နေသောသူများ မည်သည့်ပါတီ နိုင်ငံရေးတာဝန်များကို မထမ်းဆောင်ရဟု ၂၀၀၈ ဖွဲ့စည်းပုံက ဆိုထားသဖြင့် ၂၀၁၂ အောက်တိုဘာလတွင် ပါတီဥက္ကဋ္ဌအဖြစ် ပြန်လည်ရွေးကောက်ခံရသောကြောင့် ရာထူးတာဝန် နှစ်ခုကို ယူထားခဲ့သော ဦးသိန်းစိန်သည် ၂၀၁၃ မေလတွင် ပါတီဥက္ကဋ္ဌရာထူးကို သူရဦးရွှေမန်းထံ လွှဲပေးခဲ့ရသည်။
ယမန်နှစ် ဥရောပခရီးစဉ်အတွင်း ဘီဘီစီနှင့် တွေ့ဆုံမေးမြန်းမှုတွင် သမ္မတဦးသိန်းစိန်က ၂၀၁၅ တွင် ထပ်မံ အရွေးချယ်ခံရန် အစီအစဉ် လတ်တလော မရှိသေးဟု မတင်မကျ ပြောထားပြီး အမေရိကန်ပြည်ထောင်စု ခရီးတွင်မူ လူအများက လိုလားလျှင် သမ္မတရာထူး ထပ်မံထမ်းဆောင်မည်ဟု ပြောဆိုခဲ့ဖူးသည်။ သို့ရာတွင် ယမန်နှစ် မေလအတွင်း အလုပ်ပိ၍ ကျန်းမာရေး အခြေအနေ ကျဆင်းကာ စင်္ကာပူသို့ ဆေးကုသမှု ခံယူရပြီး နှလုံးခုန်စက်များ တပ်ထားရသော ဦးသိန်းစိန်သည် နောက်သက်တမ်း ထမ်းဆောင်ရန် ဖြစ်နိုင်မည်လောဟု မေးခွန်းများလည်း ရှိနေသည်။
ကြံ့ခိုင်ရေးပါတီ ထိပ်တန်းခေါင်းဆောင်များကမူ သမ္မတဦးသိန်းစိန်မှာ ကျန်းမာရေးကောင်းမွန်ကြောင်း၊ လိုအပ်သော ကျန်းမာရေးစောင့်ရှောက်မှုများ ရှိနေပြီးဖြစ်သောကြောင့် ဒုတိယ သမ္မတသက်တမ်းအတွက် ပြဿနာ မရှိနိုင်ကြောင်း ပြောသည်။
“စက်ကို နှလုံးမှာ ထည့်တယ်ဆိုတာ ဘာပြဿနာမှ မရှိပါဘူး။ ဦးသိန်းစိန် ဂေါက်ရိုက်တာ ကျနော်မြင်ဘူးတယ်။ သူရိုက်လိုက်တာ Drive က တော်တော်ကောင်းတော့ အားလုံးက လက်ခုပ်တွေတီးကြတယ်” ဟု ဦးလှဆွေက ပြောပြီး ”သူ့ကျန်မားရေးအခြေအနေကတော့ အခုကောင်းနေတာပဲ။ သမ္မတကြီး ဖြစ်တဲ့အတွက် လိုအပ်တဲ့ ကျန်းမာရေးစောင့်ရှောက်မှုက အချိန်ပြည့်နီးပါးရှိမှာပေါ့။ ကျနော်တို့ထက်တောင် ကျန်းမာရေး ကောင်းနေတယ်”ဟု ဦးဌေးဦးက ဆိုသည်။
သမ္မတဦးသိန်းစိန် ပါတီထောင်၍ ရွှေးကောက်ပွဲဝင်မည်ဆိုပါက စစ်တပ်မှာ ဦးသိန်းစိန်နောက်သို့ လိုက်မည်ဖြစ်ပြီး သမ္မတဆက်ဖြစ်နိုင်ကြောင်း အမျိုးသားလွှတ်တော်ကိုယ်စားလှယ် ဦးလှဆွေက မျှော်လင့်တွက်ဆနေသည်။
” တပ်ကတော့ လက်ရှိအာဏာရှိတဲ့သူနောက်ကို လိုက်မှာပဲ။ တပ်သဘောက အမိန့်နဲ့သွားတာကိုး။ လက်ရှိသမ္မတကြီးက ရွှေးကောက်ပွဲဝင်မယ် ဆိုတာနဲ့ တပ်က လက်ရှိသမ္မတဘက်ကပဲ ဖြစ်မှာ”ဟု ဦးလှဆွေက ဆိုသည်။
သို့သော် တပ်မတော်သား ပြည်သူ့လွှတ်တော် ကိုယ်စားလှယ် ခေါင်းဆောင်လည်းဖြစ် တောင်ပိုင်းတိုင်းစစ်ဌာနချုပ်၏ ဒုတိယတိုင်းမှူးလည်းဖြစ်သူ ဗိုလ်မှူးချုပ်ဝေလင်းကို ဧရာဝတီက မေးမြန်းရာ “တပ်မတော်က သမ္မတ ဘက်ကလည်း မလိုက်ဘူး။ ဦးရွှေမန်း ဘက်ကလည်း မလိုက်ဘူး။ ပြည်ခိုင်ဖြိုးလည်း အတူတူပဲ။ ပြည်ခိုင်ဖြိုး မှန်တယ် ဆိုရင် ကျနော်တို့ ထောက်ခံမှာပဲ။ ဘယ်ပါတီပဲဖြစ်ဖြစ် သူတို့တင်ပြတာတွေ၊ ဆွေးနွေးတာတွေက အပြုသဘောနဲ့ အားလုံးက မှန်တယ်ဆိုရင် ထောက်ခံမှာပဲ” ဟု ပြန်လည်ဖြေကြားခဲ့သည်။
နိုင်ငံရေး ဝေဖန်သုံးသပ်သူများအနေဖြင့် ကြံ့ခိုင်ရေးပါတီ နှစ်ခြမ်းကွဲသွားလျှင်သော်မျှ ဦးသိန်းစိန်နှင့် ဦးရွှေမန်းတို့၏ ပုဂ္ဂိုလ်ရေးအခြေခံ ကွဲပြားမှုသာ ဖြစ်မည်ဖြစ်ပြီး မူဝါဒရေးရာ ကွဲပြားမှု ဖြစ်မလာနိုင်ဟု ယူဆနေကြသည်။
နိုင်ငံရေးသုံးသပ်ဝေဖန်ချက်များကို ရေးသားနေသော ဒေါက်တာရန်မျိုးသိမ်းက ပါတီ နှစ်ခြမ်းကွဲ သွားရန် မဖြစ်နိုင်ဘဲ အသင်း နှစ်သင်းခွဲ ကစားခြင်းမျိုးသာ ဖြစ်နိုင်ကြောင်း၊ နှစ်ခြမ်းကွဲမည်ဆိုပါက အကျိုးမရှိနိုင်ဟု ပါတီထိပ်ပိုင်း ခေါင်းဆောင်များ နားလည်ထားပြီး ဖြစ်သောကြောင့် ထိုကဲ့သို့ စီမံချက်ချ၊ ဗျူဟာချ၊ အလုပ်လုပ်နေခြင်းကို ပိုသတိထားစောင့်ကြည့်ရမည်ဟု ပြောဆိုသည်။
“ဦးသိန်းစိန်နဲ့ ဦးရွှေမန်းရောဟာ ပြည်ခိုင်ဖြိုးပါတီရဲ့ နံပါတ်တစ်ခေါင်းဆောင်နဲ့ ခေါင်းဆောင်ဟောင်းပါ။ ပါတီရဲ့ အသေးစိတ်စီမံချက်အတိုင်း အလုပ်လုပ်နေတယ်လို့ပဲ မြင်ပါတယ်။ ကျနော်ကတော့ ဘက်နှစ်ဘက်လို့ မမြင်ဘူး၊ တဘက်တည်းလို့ပဲ မြင်တယ်။ ပါတီရဲ့ဗဟိုအလုပ်အမှုဆောင်အဖွဲ့ အဆုံးအဖြတ်အတိုင်း သွားနေတာလို့ မြင်ပါတယ်”ဟု ဒေါက်တာရန်မျိုးသိမ်းက ဆိုသည်။
အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော်ကိုယ်စားလှယ် ဦးမင်းသူကမူ အစိုးရနှင့် လွှတ်တော် ထိပ်တိုက်တွေ့ဆုံမှုမှတဆင့် ကြံခိုင်ရေးပါတီ နှစ်ခြမ်းကွဲနိုင်ကြောင်း သတင်းများထွက်ပေါ်နေသော်လည်း အမျိုးသားပြန်လည်သင့်မြတ်ရေးကို ထိခိုက်မည့် ပါတီများပြိုကွဲခြင်းကို မလိုလားကြောင်း ပြောသည်။
“အန်တီ(ဒေါ်အောင်ဆန်းစုကြည်) ကိုယ်တိုင်က ဒါတွေကို မြင်တဲ့အတွက် ကျနော်တို့ကို မီးလောင်ရာ ဆီမလောင်းဖို့ မှာထားတယ်။ အခုလို အသံတွေထွက်နေတာကိုလည်း မကြိုက်ဘူး။ အားလုံး ညီညီညွှတ်ညွှတ်နဲ့ သွားချင်တယ်။ တကယ်လို့ မတတ်နိုင်တဲ့အဆုံး ကွဲခဲ့ရင်လည်း တပ်ကို သူ့နေရာမှာပဲသူ ရှိစေချင်တယ်”ဟု ဦးမင်းသူက ဆိုသည်။
သူရဦးရွှေမန်းမှာ အာဏာရှင် အငြိမ်းစား ဗိုလ်ချုပ်မှူးကြီးသန်းရွှေနှင့် မိသားစုအလိုက် ပိုမိုရင်းနှီးသော ဆက်ဆံရေးရှိသောကြောင့် ယခုအချိန်တွင် ဝှက်ဖဲကို ထုတ်ကစားလိုက်ခြင်းဟု သုံးသပ်ထင်မြင်ချက်များလည်း နိုင်ငံရေးအသိုင်းအဝိုင်းကြား ပြောဆိုနေရာ ယခုကိစ္စကို ဗိုလ်ချုပ်မှူးကြီးသန်းရွှေက နောက်ကွယ်မှ ကြိုးကိုင်နေခြင်း မဟုတ်ဟု ဦးသန်းရွှေအိမ်သို့ အဝင်အထွက်များသည်ဟု လူပြောများသူ ကြံ့ခိုင်ရေးပါတီ ဒုတိယဥက္ကဌ ဦးဌေးဦးက ဧရာဝတီသို့ ပြောဆိုသည်။
ထို့ပြင် ၂၀၁၁ ခုနှစ် မေလတွင် ဦးသန်းရွှေက သမ္မတရာထူးကို ဦးသိန်းစိန်သို့ လွှဲပြောင်းခဲ့ရာ ဦးရွှေမန်း မှန်းချက်နှင့် နှမ်းထွက် လွဲခဲ့ရကြောင်း နီးစပ်သူများက ထောက်ပြပြောဆိုကြသည်။
No comments:
Post a Comment