အဆိုပါ လုံခြုံရေး သင်တန်းကို အောက်တိုဘာ၂၈ရက်ကနေ နိုဝင်ဘာ ၁ ရက်နေ့အထိ ၅ရက်ကြာ ပြုလုပ်ပေးမှာဖြစ်ပြီး စစ်တွေ မြို့နဲ့ မြောက်ဦးမြို့ရှိတဲ့ ဟိုတယ် ဝန်ထမ်း ၃၅ ယောက်ကို သင်တန်းပေးတာ ဖြစ်ပါတယ်။
ဟိုတယ်နဲ့ခရီးသွားလာရေဝန်ကြီးနဲ့ ပြည်ထဲရေးဝန်ကြီးရဲ့ ညှိနှိုင်းအချက်အရ လုံခြုံရေးဆိုင်ရာ သင်တန်းကို ဖွင့်လှစ်တာဖြစ်ကြောင်း ရခိုင်ပြည်နယ်ရဲတပ်ဖွဲ့ပြည်နယ်ရဲမှူးကြီး ဦးနေမျိုးက ပြောသည်။
သင်တန်းမှာ သတင်းနဲ့ စာရွက်စာတမ်းလုံခြုံရေး၊ ပစ္စည်းနဲ့ အဆောက်အဦးလုံခြုံရေး၊ လုံခြုံရေးဆိုင်ရာ အထောက်အကူပြု ပစ္စည်း ကိုယ်တွယ်အသုံးပြုနည်း လုံခြုံမှုလေ့လာခြင်းအကြောင်းကို ရဲတပ်ဖွဲ့က ပို့ချမည်ဖြစ်ပြီး မိုင်းရှင်းလင်းရှာဖွေရေးနဲ့ ကြိုတင်ကာကွယ်ရေးဆိုင်ရာ အခြေခံသဘောတရား၊ XRay-set အသုံးပြုနည်း၊ ဝင်ရောက်လာသူ ခရီးသည်တွေအပေါ် သတ္တုအာရုံခံစစ်ဆေး ခြင်းတွေကိုပါ ပို့ချမှာ ဖြစ်ပါတယ်။
အဲ့ဒါ့အပြင် ရခိုင်ပြည်နယ်ရှိ ဟိုတယ်တွေမှာ CCTV လုံခြုံရေး ကင်မရာ တပ်ဆင်ထားခြင်း ရှိမရှိကိုလည်း စစ်ဆေးသွားမှာဖြစ်ပြီး သတ်မှတ်ချက် မပြည့်မှီရင် ဟိုတယ်လုပ်ငန်းတွေ မချပေးဘူးလို့လည်း အစိုးရအရာရှိက ပြောကြောင်း မြစ်မခ သတင်းအရ သိရပါတယ်။
No comments:
Post a Comment