ပဋိပက္ခကြောင့် မြန်မာ အပြောင်းအလဲကို ထိခိုက်လို့ဆို

ABC

မွတ်ဆလင် ​ဆန့်ကျင်ရေး ​အသွင်ဆောင်နေတဲ့ ​ရခိုင်ဒေသက ​ဘာသာရေး ​ပဋိပက္ခတွေဟာ ​မြန်မာရဲ့ ​ဒီမိုကရေစီ ​အသွင်ကူးပြောင်းရေးကို ​ထိခိုက်စေတဲ့ ​အဓိကအချက်ဖြစ်တယ်လို့ ​မြန်မာနိုင်ငံဆိုင်ရာ ​ကုလသမဂ္ဂအထူးကိုယ်စားလှယ် ​သောမတ်စ်အိုဟေး ​ကင်တားနားက ​ပြီးခဲ့တဲ့ ​သောကြာနေ့က ​နယူးယောက်မြို့မှာ ​ပြောကြားလိုက်ပါတယ်။

ကုလသမဂ္ဂ ​အထွေထွေ ​ညီလာခံရဲ့ ​လူ့အခွင့်အရေး ​ဆိုင်ရာ ​တတိယ ​ကော်မတီ ​အစည်းအဝေးမှာ ​မစ္စတာ ​ကင်တားနားက ​အခုလို ​ပြောလိုက်တာဖြစ်ပြီး ​၂၀၁၂ ​ခုနှစ် ​ဇွန်လ ​နဲ့ ​အောက်တိုဘာလအတွင်း ​ရခိုင်ပြည်နယ်မှာ ​ဖြစ်ပွားခဲ့တဲ့ ​ပဋိပက္ခတွေကြောင့် ​လူပေါင်း ​အနည်းဆုံး ​၁၉၂ ​ဦး ​သေဆုံးခဲ့တယ်လို့လည်း ​သူက ​ဆိုပါတယ်။

မြန်မာနိုင်ငံဟာ ​အရေးကြီးတဲ့ ​ပြုပြင်ပြောင်းလဲမှု ​ခြေလှမ်းတွေကို ​စတင်နေပေမယ့် ​မြန်မာအစိုးရအနေနဲ့ ​နိုင်ငံတကာ ​လူ့အခွင့်အရေး ​စံနှုန်း ​တွေကို ​လိုက်နာကျင့်သုံးဖို့ ​လိုအပ်နေသေးတဲ့အကြောင်း ​မစ္စတာ ​ကင်တားနားက ​ပြောကြားလိုက်တာဖြစ်ပါတယ်။

ရခိုင်အရေးကိစ္စမှာ ​ပထမအကျော့ ​ပဋိပက္ခကြောင့် ​လူပေါင်း ​၇ ​သောင်း ​ခွဲ ​အိုးအိမ်စွန့်ခွါခဲ့ရသလို ​ဒုတိယကျော့ ​ပဋိပက္ခကြောင့် ​လူပေါင်း ​၃ ​သောင်းခွဲကျော် ​ဒုက္ခရောက်ခဲ့ရပါတယ်။

မြန်မာနိုင်ငံမှာ ​လွတ်လပ်ခွင့်အသစ်တွေ ​ပေးခဲ့လို့ ​အခုလို ​ပဋိပက္ခ ​ဖြစ်လာရတယ်ဆိုတဲ့ ​ပြောဆိုချက်ကိုတော့ ​မစ္စတာ ​ကင်တားနားက ​ငြင်းဆိုလိုက်ပြီး ​ဒီလိုလုပ်ရပ်ဟာ ​နိုင်ငံရေး ​လူမှုရေး ​ရည်ရွယ်ချက်တွေနဲ့ ​လူတစုက ​လုပ်ဆောင်တာ ​ဖြစ်ကြောင်း၊ ​ပွင်းလင်း ​လူ့အဖွဲ့အစည်းတွေဟာ ​လူ့အခွင့်အရေးကို ​လေးစားလိုက်နာကြတယ်လို့ ​တုန့်ပြန်ပြောကြား ​ခဲ့ပါတယ်။

ရခိုင်ပြည်နယ် ​ဒုက္ခသည်တွေ ​စားနပ်ရိပ်က္ခလိုအပ်

ရခိုင်ပြည်နယ်အတွင်းရှိ ​ဗုဒ္ဓဘာသာဝင် ​ရခိုင်လူမျိုးတွေနဲ့ ​ရိုဟင်ဂျာ ​မွတ်စလင်တွေအကြား ​ပြဿနာ ​မဖြေရှင်းနိုင်မချင်း ​ဒုက္ခသည်တွေအနေနဲ့ ​နိုင်ငံတကာ ​အဖွဲ့အစည်းတွေအပေါ် ​ဆက်လက်မှီခိုနေရမှာ ​ဖြစ်တယ်လို့ ​ကမ္ဘာ့စားနပ်ရိက္ခာ ​အဖွဲ့ ​WFP ​က ​ပြောပါတယ်။

ရခိုင်ပြည်နယ်မှာ ​ဖြစ်ခဲ့တဲ့ ​လူမျိုးရေး ​ပဋိပက္ခကြောင့် ​လူပေါင်း ​တစ်သိန်းလေးသောင်းကျော်ဟာ ​ယာယီဒုက္ခသည် ​စခန်းတွေမှာ ​နေနေရပြီး ​အဲဒီဒုက္ခသည်တွေအတွက် ​ဒီနှစ် ​ဒီဇင်ဘာလအထိ ​စားနပ်ရိက္ခာ ​လုံလောက်ပေမယ့် ​နောက်တစ်နှစ်အတွက် ​အလှူရှင်တွေ ​မရှိသေးတဲ့အတွက် ​အခက်အခဲဖြစ်နိုင်တယ်လို့ ​ကမ္ဘာ့စားနပ်ရိက္ခာ ​အဖွဲ့က ​ပြောခဲ့ပါတယ်။

ခုလောလောဆယ်အချိန်အထိ ​ရခိုင်လူမျိုးတွေနဲ့ ​ရိုဟင်ဂျာမွတ်စလင်တွေအကြား ​အတူတူ ​ယှဉ်တွဲပြီး ​မူလနေရာမှာ ​ပြန်လည်နေထိုင်နိုင်မယ့် ​အခြေအနေမရှိသေးဘူးလို့ ​သိရပြီး ​ဒီလို ​ပြဿနာ ​မဖြေရှင်းနိုင်ရင် ​ဒုက္ခသည်တွေအနေနဲ့ ​ဘဝတွေ ​ကင်းမဲ့တဲ့ ​အခြေအနေမှာ ​ဆက်နေရမှာဖြစ်ပြီး ​နိုင်ငံတကာ ​အလှူရှင်တွေရဲ့ ​ရက်ရောမှုအပေါ်မှာပဲ ​မှီခိုနေရမှာဖြစ်တယ်လို့ ​ပြောသွားတာဖြစ်ပါတယ်။

ခုလောလောဆယ် ​ရခိုင်ဗုဒ္ဓဘာသာ ​အယောက် ​၃၀၀၀ ​နဲ့ ​ရိုဟင်ဂျာမွတ်စလင် ​ဒုက္ခသည် ​သောင်းနဲ့ချီတို့ဟာ ​ဆန်၊ ​ဆီ၊ ​ဆား၊ ​ကုလားပဲ ​အစရှိတဲ့ ​ထောက်ပံ့ကြေးတွေ ​ရရှိပြီး ​ကလေးသူငယ်နဲ့ ​ကိုယ်ဝန်ဆောင် ​အမျိုးသမီးတွေအတွက် ​သီးသန့် ​အဟာရမှုန့်တွေကို ​ထောက်ပံ့ပေးထားပါတယ်။

ကချင်ပြည်နယ်အတွင်း ​ဒုက္ခသည်အခြေအနေ

အခုလတ်တလော ​ပြန်လည် ​ဖြစ်ပွားနေတဲ့ ​မြန်မာနိုင်ငံ ​မြောက်ပိုင်းက ​စစ်ပွဲတွေကြောင့် ​ပိတ်မိနေတဲ့ ​စစ်ရှောင် ​ဒုက္ခသည်တွေအတွက် ​အထူးစိုးရိမ်တဲ့အကြောင်း ​ကုလသမဂ္ဂ ​က ​ထုတ်ဖော်လိုက်ပါတယ်။

အပစ်အခတ်ရပ်စဲရေး ​ဆွေးနွေးပွဲတွေ ​လုပ်ဆောင်နေတဲ့အချိန်မှာပဲ ​မြန်မာစစ်တပ်နဲ့ ​ကချင်လွတ်မြောက်ရေး ​တပ်မတော် ​KIA ​အကြား ​မန်စီ ​ဒေသမှာဖြစ်ခဲ့တဲ့ ​တိုက်ပွဲတွေကြောင့် ​လူပေါင်း ​ထောင်နဲ့ ​ချီပြီး ​အစာရေစာ ​ပြတ်လတ်နေကြပါတယ်။

အခုလိုပိတ်မိနေတဲ့ ​သူတွေ ​အထူးသဖြင့် ​ကလေးသူငယ်တွေနဲ့ ​သက်ကြီးရွယ်အိုတွေအတွက် ​အထူးစိုးရိမ်ပူပန်တဲ့အကြောင်း ​မြန်မာနိုင်ငံဆိုင်ရာ ​ကုလသမဂ္ဂဌာနေကိုယ်စားလှယ် ​အရှုတ် ​နီဂမ် ​(Asok ​Nigam) ​ရဲ့ ​အစီရင်ခံစာမှာ ​ရေးသားထားပါတယ်။

KIO ​နဲ့ ​အစိုးရရဲ့ ​ပြည်ထောင်စုငြိမ်းချမ်းရေး ​ဖော်ဆောင်ရေးအဖွဲ့တို့ဟာ ​တိုက်ပွဲတွေ ​အရှိန်လျှော့ချဖို့နဲ့ ​တိုက်ပွဲထပ် ​မဖြစ်အောင် ​ပူးတွဲစောင့်ကြည့်ရေး ​အဖွဲ့ ​ဖွဲ့စည်းဖို့ ​ဒီလဆန်းပိုင်းက ​မြစ်ကြီးနားမှာ ​တွေ့ဆုံဆွေးနွေးခဲ့ကြပေမယ့် ​တိုက်ပွဲတွေ ​ကတော့ ​ဆက်လက်ဖြစ်ပွားနေပါတယ်။

၁၇ ​နှစ်ကြာ ​မြန်မာအစိုးရနဲ့ ​ငြိမ်းချမ်းရေး ​သဘောတူညီနိုင်ခဲ့တဲ့ ​KIA ​ဟာ ​၂၀၁၁ ​ဇွန်လကစလို့ ​နှစ်ဘက်ပြန်လည် ​တိုက်ခိုက်နေကြတာကြောင့် ​လူပေါင်း ​သောင်းနဲ့ချီပြီး ​စစ်ရှောင်ထွက်ပြေးနေကြရပါတယ်။