ပြည်ပနိုင်ငံသို့ သွားရောက် ဆေးကုသမှု ခံယူနိုင်ရန် မြန်မာ အစိုးရက ထုတ်ပေးမည့် နိုင်ငံကူး လက်မှတ်ကို စောင့်ဆိုင်နေသည်ဟု DKBA ဆက်ဆံရေးရုံး တာဝန်ခံ ဗိုလ်မှူး မောင်လေး က ဧရာဝတီသို့ ပြောသည်။
နိုင်ငံကူး လက်မှတ်ရရှိမှသာလျှင် သွားရောက် လွယ်ကူနိုင်မည့် နိုင်ငံကို ရွေးချယ်မည် ဖြစ်ကြောင်း ၎င်းက ဆိုသည်။ သို့သော် အတည်မပြုနိုင်သော သတင်းမျာအရ စင်္ကာပူနိုင်ငံသို့ သွားရောက်မည်ဟု သိရသည်။
ဗိုလ်ချုပ်ကြီး စောလားပွယ်သည် လတ်တလော ရန်ကုန်မြို့ရှိ ပင်လုံဆေးရုံတွင် ဆေးကုသမှုခံယူနေခြင်း ဖြစ်သည်။ ၎င်းနှင့် အတူ လိုက်ပါသွားသူများကို မသိရသော်လည်း နိုင်ငံကူးလက်မှတ် ၇ ဦးခန့် ပြုလုပ်ပေးထားကြောင်း သိရသည်။
ယမန်နေ့က စောလားပွယ်ကို သွားရောက်တွေ့ဆုံခဲ့သည့် မြန်မာ ငြိမ်းချမ်းရေး စင်တာ(MPC)မှ ဦးလှမောင်ရွှေက နိုင်ငံကူးလက်မှတ် ရရှိရေးနှင့် တခြားလိုအပ်သည့် အကူအညီ တချို့တို့ကို သမ္မတရုံး ၀န်ကြီး ဦးအောင်မင်းက စီစဉ်ဆောင် ရွက်ပေးလျက်ရှိကြောင်း ပြောသည်။
“အခု နိုင်ငံခြားမှာ သွားပြဖို့ ပြင်နေတယ်၊ နိုင်ငံကူးလက်မှတ်တော့ မရသေးဘူး ၀န်ကြီး ဦးအောင်မင်းဘက်ကတော့ ၀ိုင်းဝန်းပြီး တော့ ကူညီဆောင်ရွက်ပေးနေတယ်”ဟု ၎င်းက ဆိုသည်။
DKBA ၏ ဌာနချုပ်သည် ထိုင်း-မြန်မာနယ်စပ် မဲဆောက်မြို့ တဖက်ကမ်း မြ၀တီမြို့ ဝေါ်လေမြို့နယ်ခွဲ ဆုံဆည်းမြိုင် ရွာတွင်တည် ရှိသည်။
ဗိုလ်ချုပ် စောလားပွယ်သည် ထိုင်း မူးယစ်ဆေး ထိန်းချုပ်ရေး ဘုတ်အဖွဲ့ရုံး (ONCB) က မူးယစ်ဆေးဝါးနှင့်ပတ်သက်၍ ဖမ်းဆီးရန် ဆုငွေ ထိုင်းဘတ် ၁ သန်း (ဒေါ်လာ ၃၂၀၀၀ ခန့်) ထုတ်ပြန်ခံထားရသူလည်း ဖြစ်သည်။
DKBA တပ်ဖွဲ့ဝင်များ အခြေစိုက်သည့် ဝေါ်လေတပ်စခန်း တည်ရှိရာ ထိုင်းဘက်ခြမ်းတွင် ၂၀၀၃ ခုနှစ်က ပိုင်ရှင်မဲ့ စိတ်ကြွဆေးပြား (ရာဘ) အလုံးရေ ၉ ဒဿမ ၄ သန်း ဖမ်းဆီးရရှိခဲ့မှုနှင့် ပတ်သက်၍ ONCB အဖွဲ့က ဗိုလ်ချုပ် စောလားပွယ်တွင် တာဝန်ရှိသည်ဟု စွပ်စွဲ၍ ဆုငွေ ထုတ်ထားခြင်း ဖြစ်သည်။
ယခင် စစ်အစိုးရ လက်ထက်တွင် ကမ်းလှမ်းခဲ့သော နယ်ခြားစောင့်တပ် အသွင်ကူးပြောင်းရေးကို DKBA တပ်ဖွဲ့ဝင်အများစုက ပြီး ခဲ့သည့်နှစ် ဇူလိုင်လကုန်ပိုင်းက လက်ခံခဲ့ကြသော်လည်း ဗိုလ်ချုပ် စောလားပွယ်(ခေါ်) ဗိုလ်နှုတ်ခမ်းမွေးက ယင်းအစီအစဉ်ကို သဘောမတူသောကြောင့် ခွဲထွက်ခဲ့သည်။
ထို့အပြင် နယ်ခြားစောင့်တပ် ဖွဲ့စည်းရေးကို လက်မခံဘဲ ရွေးကောက်ပွဲ ကျင်းပသည့် ၂၀၁၀ နိုဝင်ဘာ ၇ ရက်နှင့် ၈ ရက်နေ့များမှ စတင်၍ ကရင်ပြည်နယ် အတွင်းရှိ အစိုးရတပ်များကို တိုက်ပွဲများ ဆင်နွှဲနေခဲ့သူအဖြစ် နာမည်ကြီးသည်။
၂၀၁၁ ခုနှစ် နိုဝင်ဘာလ ၆ ရက်နေ့မှာတော့ ကရင်ပြည်နယ် အစိုးရနှင့် လက်မှတ်ရေးထိုးခဲ့ပြီး ပြည်ထောင်စု အဆင့် ငြိမ်းချမ်းရေး ဆိုင်ရာ ဆွေးနွေးမှုများ ပြုလုပ်ထားပြီး ဖြစ်သည်။
No comments:
Post a Comment