မြန်မာရဲဝန်ထမ်းများအပေါ် ဥရောပသမဂ္ဂထားရှိသည့် မျှော်လင့်ချက် လက်တွေ့အကောင်အထည်မပေါ်သေး

ဖြိုးဝေလင်း၊ ကျော်စိုးမိုး

မြန်မာနိုင်ငံအတွင်းရှိ ရဲဝန်ထမ်းများသည် ပြည်သူ၊ မီဒီယာများနှင့် ထိတွေ့ ဆက်ဆံရာတွင် အဆင်ပြေစေရန် EU က သင်တန်းများပေး၍ ရဲဝန်ထမ်းများနှင့် မီဒီယာများသတင်းကိစ္စ ထိတွေ့မှုများ ပိုမိုရရှိလာမည်ဟု မျှော်လင့်ထားသော်လည်း လက်တွေ့တွင် မီဒီယာများနှင့်ထိတွေ့မှုမှာ အားနည်းနေသေးသည်ကို တွေ့ရသည်။

ရန်ကုန်တိုင်းအတွင်းရှိ မင်္ဂလာတောင်ညွန့်စခန်းမှ ရဲဝန်ထမ်းများနှင့် စမ်းချောင်းမြို့နယ်ရဲစခန်းမှရဲဝန်ထမ်း များကို “ပြည်သူဗဟိုပြုရဲလုပ်ငန်းစဉ်” ခေါင်းစဉ်ဖြင့် EU က လာရောက် သင်တန်းပို့ချနေပြီး ရဲဝန်ထမ်းများ သည် ပြည်သူ၊ မီဒီယာများနှင့် ထိတွေ့ဆက်ဆံမှုများစေရန် ရည်ရွယ်၍ အထက်ပါသင်တန်းကိုလာ ရောက်ပို့ချခြင်းဖြစ်သည်ဟု ယင်းသင်တန်းကိုလာရောက်ပို့ချသည့် EU အဖွဲ့ခေါင်းဆောင် Mr. David Hamilton ကပြောသည်။

“မီဒီယာတွေကို သတင်းထုတ်ပြန်တဲ့နေရာမှာလည်း သတင်းထိမ်ချန်မှုတွေ များလာတာကို တွေ့ရတယ်။ အခုEU ကအဖွဲ့တွေလာတော့မှ တစ်နေ့တာဖြစ်တဲ့မှုခင်းဖိုင်ကြီးကိုထုတ်ပြီး မီဒီယာတွေကို နေ့စဉ် အဲဒီပုံစံ အတိုင်း သတင်းဖြန့်ဝေပါတယ်လို့ပြောနေပေမယ့် တကယ်ဖြန့်ဝေငှပေးတဲ့သတင်းက ခုနစ်ပုဒ်မကျော် ပါဘူး။

တခါတလေ သုံးပုဒ်လောက်ပဲ ပေးတာရှိတယ်” ဟု ရန်ကုန်တိုင်းရဲတပ်ဖွဲ့ရုံးတွင် နေ့စဉ်သတင်းယူနေသည့် သတင်းထောက်တစ်ဦးကပြောသည်။

ရန်ကုန်တိုင်းဒေသကြီး ရဲတပ်ဖွဲ့က ၂၀၁၄ ခုနှစ် ဇန်န၀ါရီမှ စ၍ မှုခင်းသတင်းများ ထုတ်ပြန်ပေးမှုကို မဇ္ဈိမ သတင်းစာအပါအ၀င် ပြည်တွင်း သတင်းစာ၊ ဂျာနယ်များအပေါ် အကြောင်းပြချက်မရှိဘဲ သတင်းထုတ် ပြန်ပေးမှုကို ကန့်သတ်မှုပြုလုပ်ခဲ့သည်။“ကျွန်မတို့အနေနဲ့ တချို့သတင်းတွေဆိုရင် ရဲလုပ်ငန်းစဉ်အရ မီဒီယာတွေကိုပြောလို့ မဖြစ်သေးတဲ့ သတင်းတွေရှိပါတယ်။ မီဒီယာတွေကို ပြောလို့ရတဲ့သတင်းတွေဆို ကျွန်မတို့ပေးပါတယ်” ဟု ရန်ကုန်တိုင်း ရဲတပ်ဖွဲ့ရုံးအတွင်းရှိ မှုခင်းဌာနမှ တာဝန်ကျအရာရှိတစ်ဦးက ဆိုသည်။

ရဲဝန်ထမ်းများသည် ပြည်သူများ နှင့်ဆက်ဆံရာတွင် ပြောင်းလဲမှု ရှိလာပြီး စီအိုင်ဒီ၊ မူးယစ်၊ယာဉ်ထိန်း တပ်ဖွဲ့ဝင်များကလည်း ၎င်းတို့၏ လုပ်ငန်းစဉ်များကို ပြည်သူများသိရှိစေရန် ချပြခဲ့သည်ဟု Mr. David Hamilton ကပြောသည်။

ရန်ကုန်တိုင်းရဲတပ်ဖွဲ့သည် မှုခင်းသတင်းကန့်သတ်ရခြင်းသည် တပ်မတော်မှကျူးလွန်သည့် အမှုအခင်းများ၊ အစိုးရဌာနဆိုင်ရာများနှင့် ပတ်သက်သည့်အမှုအခင်းများ၊ ရဟန်းသံဃာများနှင့်ပတ်သက် သည့် အမှုအ ခင်းများအပြင် ဘာသာရေး၊ လူမျိုးရေးပါဝင်သည့် သတင်းများကိုလည်း ဖော်ပြခြင်းမပြုနိုင်ရန် ထိန်းချုပ်ထား ခြင်းဖြစ်သည်ဟုလည်း မီဒီယာများကို ပြောကြားထားသည်။

လက်ရှိ ရန်ကုန်တိုင်းတစ်တိုင်းလုံးတွင် နေ့စဉ် အမှုအခင်းပေါင်း ပျမ်းမျှ အနည်း ဆုံး ၂၀ ခန့်မှ ၅၀ ကျော်အ ထိ ဖြစ်ပွားနေလျက်ရှိပြီး မီဒီယာများကို အမှုအခင်း အနည်းဆုံးသုံးမှု၊ ငါးမှုအတွင်းသာ ထုတ်ပြန်ပေးလျက် ရှိသည်။