ရွှေရည်ဝင်းထက်
အမျိုးသားဒီမိုကရေစီအဖွဲ့ချုပ်နှင့် ၈၈ မျိုးဆက်ပွင့်လင်းလူ့အဖွဲ့အစည်းတို့ ပူးပေါင်းလုပ်ဆောင်လျက်ရှိသော ပုဒ်မ ၄၃၆ ပြင်ဆင်ရေးထောက်ခံလက်မှတ် ကောက်ယူမှုမှာ ဇွန်၂၇ ရက်ထိ ပြည်နယ်နှင့်တိုင်း ၁၄ ခုတွင် လက်မှတ်စုစုပေါင်း ၃၃ သိန်းကျော် ရရှိနေပြီဟု အမျိုးသား ဒီမိုကရေစီအဖွဲ့ချုပ်မှ ဗဟိုအလုပ်အမှုဆောင်အဖွဲ့ဝင် ဦးထွန်းထွန်းဟိန်က ဇွန် ၂၉ တွင် မဇ္ဈိမကို ပြောသည်။
“ပြီးခဲ့တဲ့ သောကြာနေ့မှာ တစ်နိုင်ငံလုံးမှာရှိတဲ့ မြို့နယ်တွေက ပါတီဗဟိုဌာနချုပ်ကို စာရင်းတွေ ပေးပို့ခဲ့ကြပါတယ်။ ပုဒ်မ ၄၃၆ ပြင်ဆင်ရေး ထောက်ခံလက်မှတ်ပေါင်း ၃၃ သိန်းကျော် ရရှိနေပါပြီ”ဟု ၎င်းက ဆိုသည်။
ဖွဲ့စည်းပုံ အခြေခံဥပဒေပုဒ်မ ၄၃၆ ပြင်ဆင်ရေးကို အမျိုးသားဒီမိုကရေစီအဖွဲ့ချုပ်နှင့် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းတို့သည် ဇူလိုင် ၁၉ ရက် (အာဇာနည်နေ့)အထိ ဆောင်ရွက်မည်ဖြစ်သည်။
No comments:
Post a Comment