မြန်မာ နိုင်ငံ ကို ဒီရက်ပိုင်း အတွင်း ရောက် လာမှာ ဖြစ်ပြီး ဂျူလီ ဘိရှော့ပ် အတွက် နိုင်ငံခြားရေး ဝန်ကြီး တာဝန်ထမ်း ဆောင်စဉ် အတွင်း ပထမဦး ဆုံးသော မြန်မာနိုင်ငံ ခရီးစဉ် ဖြစ်ပါတယ်။
နိုင်ငံခြားရေး ဝန်ကြီးဌာနရဲ့ ထုတ်ပြန်ချက် အရ မြန်မာနဲ့ လာအိုနိုင်ငံက အမျိုးသမီးတွေ အရည်အချင်း မြှင့်တင်ရေး၊ စီးပွားရေး ဖွံ့ဖြိုးတိုး တက်ရေးနဲ့ ပညာရေး အကြောင်း ဆွေးနွေး လေ့လာ ဖို့ မြန်မာနဲ့ လာအို နိုင်ငံ ကို သွား ရောက် မှာ ဖြစ်ကြောင်း ဖော်ပြထားပါတယ်။
သမ္မတ ဦးသိန်းစိန်နဲ့ တခြား အစိုးရ တာဝန်ရှိသူ တွေ အပြင် အမျိုးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့လည်း တွေ့ဆုံဖို့ ရှိပါတယ်။ မြန်မာနိုင်ငံ တည်ငြိမ် အေးချမ်းရေး၊ ပညာရေးနဲ့ စီးပွားဖွံ့ ဖြိုးတိုး တက်ရေး အတွက် သြစတြေးလျက အရေးကြီးတဲ့ ကဏ္ဍကနေ ပါဝင်ထောက်ပံ့ ကူညီမှုတွေ လုပ်နေတယ် လို့လည်း ဆိုပါတယ်။
မြန်မာနိုင်ငံ ခရီးစဉ် အတွင်း အာဆီယံ ဥက္ကဌအဖြစ် ဆောင်ရွက်နေမှုနဲ့ ပတ်သက်ပြီး မြန်မာနိုင်ငံကို ထောက်ခံကြောင်း ထပ်မံပြော ဆိုမှာဖြစ်သလို ရခိုင်ပြည်နယ်မှာ ဖြစ်ခဲ့တဲ့ လူမျိုးရေး၊ ဘာသာရေး ပဋိပက္ခနဲ့ ပတ်သက်ပြီး သြစတြေးလျအနေနဲ့ ဘယ်လို ကူညီနိုင်မလဲ စတဲ့အကြောင်းကိုပါ ဆွေးနွေးမယ်လို့ ဆိုပါတယ်။
အဲ့ဒါအပြင် သြစတြေးလျ စီးပွားရေး ကိုယ်စား လှယ်တွေနဲ့ တွေ့ဆုံပြီး နှစ်နိုင်ငံ အကြား ကုန်သွယ်ရေးနဲ့ ရင်းနှီးမြုပ်နှံရေးတွေ တိုးမြှင့်ဖို့ သြစတြေးလျ အစိုးရနဲ့ မြန်မာ အစိုးရတို့ ဘာတွေ လုပ်ဆောင် သင့်တဲ့ အကြောင်း တွေလည်း ဆွေးနွေးမှု လုပ်မှာ ဖြစ်ပါတယ်။
နိုင်ငံခြားရေး ဝန်ကြီး ဂျူလီဘိရှော့ပ် ခရီးစဉ် အတွင်း မြန်မာနိုင်ငံရဲ့ ၂၀၀၈ ဖွဲ့စည်းပုံ အခြေခံ ဥပဒေ ပြင်ဆင်ရေးကို ထောက်ခံကြောင်း ထုတ်ဖော်ပြော ကြားခြင်း မရှိတဲ့အပေါ် စိတ်ပျက်မိကြောင်း သြစတြေးလျ နိုင်ငံအခြေစိုက် Burma Office အဖွဲ့က ပြောပါတယ်။
သြစတြေးလျရောက် မြန်မာတွေက အခြေခံ ဥပဒေပြင်ဆင်ဖို့ လက်မှတ်ရေးထိုး တောင်းခံထား သလို အဲဒီအကြောင်းကို လည်း နိုင်ငံခြားရေး ဝန်ကြီး ဂျူလီဘိရှော့ပ်ကို စာရေး အကြောင်း ကြားခဲ့ တယ်လို့ ဆိုပါတယ်။ ဒီကိစ္စနဲ့ ပတ်သက်ပြီး သြစတြေးလျ အစိုးရကို ဆက်လက်တိုက်တွန်းမှုတွေ လုပ်သွားမယ်လို့ ဆိုပါတယ်။
No comments:
Post a Comment