တောင်တက်သမားများကို ရှာရန် ရာသီဥတုကြောင့် ခက်ခဲနေဆဲ

ကျော်စွာဝင်း

အဆက်အသွယ်မရသည့် ခါကာဘိုရာဇီ တောင်တက်သမားနှစ်ဦးကို ရှာဖွေရန် ပေ ၁၃,၂၀၀ မြင့်သော အခြေ စိုက်စခန်းသို့ ရောက်နေသည့် မြေပြင်ခြေလျှင် ရှာဖွေရေးအဖွဲ့သည် ရာသီဥ တုအခြေအနေကောင်း မွန်ခြင်း မရှိသည့်အတွက် တောင်ပေါ်သို့ ထပ်မံတက်ရောက်ရန် အခက်အခဲဖြစ်နေသည်ဟု ထူးဖောင်ဒေး ရှင်းပြန်ကြားရေး တာဝန်ရှိသူ ဦးဖြိုးကိုကိုက မဇ္ဈိမကို ပြောသည်။

၎င်းက “သူတို့အနေနဲ့ ဆက်ပြီးတက်ဖို့ကတော့ ရာသီဥတုအနေနဲ့ မိုးအရမ်းရွာနေပါတယ်”ဟု ပြောသည်။

“ဒါ့ပြင် စက်တင်ဘာ ၂၅ ရက် နံနက်ပိုင်းမှာ လေယာဉ်ဖြင့် အမြင့်ပေ ၂၀,၀၀၀ တွင် ၀ဲပျံရှာဖွေခဲ့ပေမယ့် တိမ်တိုက်တွေ ဖုံးအုပ်နေခြင်းကြောင့် အခက်အခဲကြုံရပါတယ်” ဟု ထုတ်ပြန်သည်။

စက်တင်ဘာ ၂၃ ရက်တွင် မြေပြင် ခြေလျှင် ရှာဖွေရေးအဖွဲ့များသည် Base Camp သို့ ရောက်ရှိခဲ့ပြီး ဝေဟင်ရဟတ်ယာဉ်ဖြင့် ကယ်ဆယ်ရေးလုပ်ငန်းများ အထောက်အကူ ဖြစ်စေရေးအတွက် ရဟတ်ယာဉ် ကွင်း တစ်ခုကိုလည်း Base Camp တွင် တည်ဆောက် ပြီးဖြစ်သည်။

ရဟတ်ယာဉ်ကွင်း တည်ဆောက်ခြင်းသည် လိုအပ်သည့်ရိက္ခာ၊ အရေးပေါ် ကယ်ဆယ်ရေး ပစ္စည်းကိရိယာ များ၊ တောင်တက်ပစ္စည်းကိရိယာများနှင့် ကယ်ဆယ်ရေးအဖွဲ့သားများ ချက်ချင်းပို့ဆောင်နိုင်စေရန် လုပ်ဆောင်ထားခြင်းဖြစ်သည်။

ဝေဟင်ရှာဖွေရေး အဖွဲ့များသည် ပူတာအိုတွင် ရဟတ်ယာဉ်များဖြင့် ရှာဖွေမည့် အစီအစဉ်ရှိသော်လည်း လက်ရှိတွင် မြူများ ကျဆင်းခြင်း မိုးရွာသွန်း ခြင်းတို့ကြောင့် မြင်နိုင်အားနည်းနေကာ ရဟတ်ယာဉ်များ ပျံသန်းရန် အခက်အခဲများ ဖြစ်ပေါ်နေသည်ဟုလည်း ဦးဖြိုးကိုကိုက ဆိုသည်။

ဝေဟင်ရှာဖွေရေးတွင် ထူးကုမ္ပဏီ၊ ထိုင်း၊ နီပေါ၊ အမေရိကန်နှင့် မြောက်ပိုင်းတိုင်း လေတပ်စခန်းဌာနချုပ် တို့မှ ကျွမ်းကျင်သော လေယာဉ်မှူးများက ရဟတ်ယာဉ်လေးစီးဖြင့် ကယ်ဆယ်ရေးလုပ်ဆောင် သွားမည်ဖြစ်သည်။

တောင်တက်သမား နှစ်ဦးဖြစ်သည့် ကိုအောင်မြင့်မြတ်နှင့် ကိုဝေယံမင်းသူ တို့သည် ခါကာဘိုရာဇီ တောင် ထိပ်ကို သြဂုတ်လ ၃၁ ရက်တွင် ရောက်ရှိခဲ့ပြီး အဆင်းတွင် အဆက်အသွယ်ပြတ်သွား ခြင်းဖြစ်သည်။

တောင်တက်သမားနှစ်ဦးကို စက်တင်ဘာ ၂၇ ရက်အပြီး ရှာဖွေမည်ဟု ထူးဖောင်ဒေးရှင်းက ပြောကြားထားသည်။ ခါကာဘိုရာဇီတောင်သည် အမြင့် ၁၉,၂၉၆ ပေရှိသည်။