ပြင်ပငွေလဲနှုန်း ကန် တစ်ဒေါ်လာ ၁,၀၀၃ ကျပ်အထိ မြင့်တက်

ဆန်းနယုန်

အောက်တိုဘာ ၂၇ ရက်က ငွေကြး ဈေးကွက်အတွင်း နိုင်ငံခြားငွေလဲနှုန်း ကန်တစ်ဒေါ်လာလျှင် ဝယ်ဈေး ကျပ် ၁,၀၀၀၊ ရောင်းဈေး ၁,၀၀၃ ကျပ်အထိ မြင့်တက် လာခဲ့သည်ဟု နိုင်ငံခြားငွေကြေး ရောင်းဝယ်သူများက ပြောသည်။

နိုင်ငံတကာတွင် ကန်ဒေါ်လာ ဝယ်လိုအား မြင့်တက်မှုနှင့် ရွှေဈေးကျဆင်းမှုကြောင့် နိုင်ငံခြားငွေလဲနှုန်းသည် ယခင် တစ်ပတ်ထက် ၁၀ ကျပ်ခန့် ခုန်တက်ခဲ့ခြင်း ဖြစ်သည်။ တရားဝင် ဘဏ်ငွေလဲကောင်တာများတွင် အောက်တိုဘာ ၂၇ ရက်က ဝယ်ဈေး ၉၉၆-၉၉၇ ကျပ်၊ ရောင်းဈေး ၁,၀၀၄-၁,၀၀၅ ကျပ်ဝန်းကျင် ဖြစ်ပေါ်ခဲ့ရာ ပြီးခဲ့သည့်သောကြာနေ့ကထက် လေးကျပ်ခန့် မြင့်တက်ခဲ့သည်။

ပြီးခဲ့သည့်တစ်ပတ်မှစတင်ကာ ကန် ဒေါ်လာငွေလဲနှုန်း တရိပ်ရိပ်စတင်မြင့်တက်ခဲ့ပြီး အောက်တိုဘာ ၂၂ ရက် မွန်းလွဲပိုင်းက ပြင်ပဈေးကွက်အတွင်း ကန် တစ်ဒေါ်လာ လျှင် ၀ယ်ဈေး ၉၉၅ ကျပ်၊ ရောင်းဈေး ၉၉၇ ကျပ်ခန့် ဖြစ်ပေါ်ခဲ့သော ငွေလဲနှုန်း သည် အောက်တိုဘာ ၂၇ ရက် မွန်းလွဲပိုင်း တွင် ၀ယ်ဈေး ကျပ် ၁,၀၀၀၊ ရောင်းဈေး ၁,၀၀၃ ကျပ်အထိ ခုန်တက်လာခဲ့ခြင်း ဖြစ်သည်။

ကန်ဒေါ်လာသည် အခြားကမ္ဘာ့အဓိက ငွေကြေးများနှင့် နှိုင်းယှဉ်ပါက တန်ဖိုးမြင့် တက်လျက်ရှိပြီး နိုင်ငံ တကာရွှေဈေးမှာ အောက်တိုဘာ ၂၂ ရက်တွင် တစ်အောင်စ လျှင် ကန်ဒေါ်လာ ၁,၂၄၈ ရှိရာမှ အောက် တိုဘာ ၂၇ ရက် မွန်းလွဲပိုင်းတွင် ကန်ဒေါ် လာ ၁၂၃၀ အထိ ပြန်လည်ကျဆင်းခဲ့သည်။

“ဒေါ်လာအဝယ်များပြီး ရွှေဈေးကျလာ လို့ပါ။ ရွှေဈေးက သောကြာနေ့ဈေးထက် ကျပ် ၅,၀၀၀ လောက်ကျ လာတယ်။ ပို့ကုန် Earning ဈေးကလည်း ၁,၀၀၆ ကျပ်လောက် ဖြစ်နေပြီး အဆွဲများတယ်။ ဒီရက်ပိုင်း ဆက် တက်ဦးမယ်ထင်တယ်”ဟု ဗိုလ်အောင်ကျော် လမ်းအခြေစိုက် နိုင်ငံခြားငွေကြေး ရောင်းဝယ်သူ တစ်ဦးက ပြောသည်။

မြန်မာနိုင်ငံတွင် ဖြစ်ပေါ်ခဲ့ဖူးသော အမြင့်ဆုံးငွေလဲနှုန်းမှာ ၂၀၀၇ ခုနှစ် ဇူလိုင် ၁ ရက်တွင် ဖြစ်ပေါ်ခဲ့ပြီး ကန် တစ်ဒေါ်လာ လျှင် ၁,၃၆၅ ကျပ် ဈေးနှုန်းအထိ မြင့်တက်ခဲ့သည်။