မှတ်ပုံတင်မရှိသေးသည့် ၁၈ နှစ်ပြည့်သူများအား မှတ်ပုံတင်ပြုလုပ်ပေးခြင်း၊ မှတ်ပုံတင်လဲလှယ်ပေးခြင်းအပြင် အိမ်ထောင်စုစာရင်းမရှိသူများကိုပါ အသစ် ပြုလုပ်ပေးခြင်းများ လုပ်ဆောင် နေသည်ဟု SNLD ပါတီ၏ လဲချားမြို့နယ် အမတ် စိုင်းကျော်ဇေယျက ပြောပါသည်။
“ ကျနော်တို့ SNLD နဲ့ လဲချားလ၀က နဲ့တွဲလုပ်တာက အခု ပထမအကြိမ်ပေါ့နော်။ ၂၀၁၅ မဲဆန္ဒရှင်များစာရင်း အတွက် ပြင်ဆင်ချက်ပါ။ အစက ၁ ရက်တည်းနဲ့အပြီးလုပ်နိုင်မယ်ထင်ခဲ့တယ်။ ရောက်လာတဲ့ရွာသားတွေက ၅၀၀ ကျော်လောက် ရှိတယ်။ နောက်ထပ် ၂ ရက်လောက်လုပ်ရမယ်ထင်တာဘဲ။ ဒုတိယအကြိမ်ကိုတော့ လာမယ့် ဂျူလိုင်လလောက်မှာ အပြီးလုပ်ပေးမယ်လို့ လျာထားပါတယ်” ဟု ဆိုပါသည်။
နောင်ကော်အုပ်စုသည် လဲချားမြို့နယ်အရှေ့မြောက်ဘက်တွင်တည်ရှိပြီး နောင်ကော်အုပ်စုအောက်တွင် ကျေးရွာ ၁၀ ရွာရှိပါသည်။ ကုန်းကပ်၊ ဝမ်မိုင်၊ ဝမ်ပုတ်၊ ဝမ်နောင်ခယ်၊ ဝမ်ပုံကေ၊ ဝမ်မလန်း၊ ဝမ့်ကုန်းတောက်၊ ကုန်းလင်း၊ ဝမ့်ဝမ်နှင့် မှတ်ပုံတင်လုပ်ပေးနေသော ကန်းအွန်ရွာ တို့ ဖြစ်ပါသည်။
No comments:
Post a Comment