တင်ဇာအောင်
မည်သည့်အဖွဲ့အစည်း၊ မည်သည့် ပုဂ္ဂိုလ်ကိုမဆို တရုတ်ပိုင်နက်ကို အသုံးပြု ၍ တရုတ်-မြန်မာ ဆက်ဆံ ရေးနှင့် နယ်နိမိတ်တည်ငြိမ်ရေးကို အနှောင့်အယှက်ပေးမည့် မည်သည့်လှုပ်ရှားမှုကိုမဆို တရုတ်နိုင်ငံက ခွင့်ပြုမည်မဟုတ်ဟု တရုတ်ပြည် သူ့သမ္မတနိုင်ငံ၊ နိုင်ငံခြားရေး ဝန်ကြီးဌာန၏ ပြောရေးဆိုခွင့်ရှိသူ Mr.Hong Lei က ပြောကြားလိုက်သည်။
၎င်းက ဖေဖော်ဝါရီ ၂၅ ရက်တွင် မြန်မာနိုင်ငံဆိုင်ရာ တရုတ်သံရုံးမှတစ်ဆင့် ထုတ်ပြန်ပြောကြားလိုက်ခြင်း ဖြစ်သည်။
ထုတ်ပြန်ချက်တွင် မြန်မာနိုင်ငံမြောက် ပိုင်းဒေသ ပဋိပက္ခဖြစ်ပွားပြီးကတည်းက တရုတ်နိုင်ငံသည် ယင်းမူ ဝါဒကိုသာ ကျင့်သုံးပြီး လက်ရှိ ရှမ်းပြည်မြောက်ပိုင်းလောက် ကိုင်ဒေသတွင် ဖြစ်ပွားနေသော တိုက်ပွဲများ ကို ရည်ညွှန်း၍ ပြောဆိုလိုက်သည်။
တရုတ်နိုင်ငံသည် ယင်းသို့ ပြောဆိုသော်လည်း ဖေဖော်ဝါရီ ၂၁ ရက်က နေပြည်တော်ရှိ ကာကွယ်ရေး ဦးစီးချုပ်ရုံးတွင် ပြုလုပ်သည့် သတင်းစာရှင်းလင်းပွဲ၌ တပ်မတော်စစ်ဘက်ရေးရာ လုံခြုံရေးအရာရှိချုပ် ဒုတိ ယဗိုလ်ချူပ်ကြီး မြထွန်းဦးက လောက်ကိုင်တိုက်ပွဲများတွင် တရုတ်ကြေးစားများ ပါဝင်နေသည်ဟု ဆိုလိုက် ပြီး အဆိုပါကိစ္စနှင့် ပတ်သက်၍ အချုပ်အခြာအာဏာ ပိုင်နက်ထဲမှာဖြစ်၍ မြန်မာနိုင်ငံ၏ ဥပဒေကြောင်းအရ အရေးယူဆောင်ရွက်သွားမည်ဟု ပြောထားသည်။
ကိုးကန့်သောင်းကျန်သူအဖွဲ့မှ တရုတ်နိုင်ငံသား ရှစ်ဦးအား ဖမ်းဆီးရမိခဲ့ပြီး ၎င်းတို့၏ ထွက်ဆိုချက်များနှင့် သတင်းအချက် အလက်စုံစမ်းချက်များအရ တရုတ်နိုင်ငံသား ကြေးစားများ ပါဝင်ပတ်သက်လျက်ရှိသည်ဟု ၎င်းက ဆိုခြင်းဖြစ်သည်။
တရုတ်နိုင်ငံခြားရေး ဝန်ကြီးဌာန၏ ပြောရေးဆိုခွင့်ရှိသူ Mr.Hong Lei ၏ ထုတ် ပြန်ချက်တွင် လက်ရှိဖြစ် ပေါ်နေသော ပဋိပက္ခများ မကြီးထွားစေရန်၊ အရှိန်လျှော့ချရန်၊ နှစ်နိုင်ငံ နယ်စပ်ဒေသ၏ လုံခြုံရေး စနစ်ကို မထိခိုက်စေရန် တိုက်တွန်းသည်။
ယင်းအပြင် မြန်မာနိုင်ငံတွင်ရှိသော တရုတ်အဖွဲ့အစည်းများနှင့် နိုင်ငံသားများ၏ လုံခြုံရေးကိုလည်း ကာကွယ်ပေးမည်ဟု မျှော်လင့်ကြောင်းလည်း ပါဝင်သည်။
တိုက်ပွဲအခြေအနေများကြောင့် တရုတ်နိုင်ငံဘက် တိမ်းရှောင်လာသော မြန်မာများကိုလည်း အထောက်အကူ နေရာများချထားပေးပြီးဖြစ်ကာ ဆက်လက်ပေးအပ်သွားမည်ဖြစ်ပြီး တရုတ်နိုင်ငံ သက်ဆိုင်ရာဌာန များက နယ်နိမိတ်ကို ထိန်းချုပ်ရန်ဆိုထားပြီး ဖြစ်သော်လည်းလက်ရှိ အချိန်ထိနယ်နိမိတ်ကို မပိတ်သေးဟု လည်းMr.Hong Lei က ပြောကြားသည်။
No comments:
Post a Comment