မတ်ခ်ျလ ၂၃ ရက်နေ့မှ ၂၅ ရက်နေ့အထိ ကျင်းပသော ပအိုဝ်းအမျိုးသား ညီလာခံတွင် ပအိုဝ်းအမျိုးသားအဖွဲ့ ချုပ် (PNO) ၏ (၅) နှစ်တာကာလ အတွင်းလုပ်ငန်း ဆောင်ရွက်ချက်များ တင်ပြခြင်း ၊ ဗဟိုကော်မတီ ၊ ဗဟို အလုပ်အမှုဆောင်များ ပြန်လည်ရွေးကောက်တင်မြှောက်ခြင်းများပြုလုပ်ခဲ့သည်။
ထို့အပြင် လာမည့် ရွေးကောက်ပွဲတွင် PNO မှ ၀င်ရောက်ယှဉ်ပြိုင်မည့် မဲဆန္ဒ နယ်နှင့် အမတ်လောင်း များအား မြို့နယ်အလုပ်အမှု ဆောင်မှမကြာမီရွေးချယ်ပြီး ဗဟိုမှအတည်ပြုသွားမည်ဖြစ်ကြောင်း PNA မှ ဗိုလ်မှူးခွန်လာ ကရှင်းပြသည် ။
" ဒီညီလာခံရဲ့ ထူးခြားတဲ့ဆုံးဖြတ်ချက်ကတော့ ၂၀၁၅ မှာဖွဲ့စည်းပုံ အခြေခံဥပဒေ ပြင်ဆင်တဲ့အခါမှာ ကျနော် တို့ ပအိုဝ်း လူမျိုး ဂုဏ်အင်္ဂါ နဲ့ထိုက်တန်တဲ့ အခွင့်အရေး တွေပေးဖို့တောင်းဆိုသွားမှာဖြစ်တယ် " ဟု ၄င်းက ပြောသည် ။
ယင်းညီလာခံသို့ တောင်ကြီး ၊ ဟိုပုံး ၊ဆီဆိုင် ၊ ပင်လောင်း၊ ကျောက်တလုံးကြီး၊ လွယ်လင် ၊ ညောင်ရွှေ ၊ ရပ်စောက် ၊ ကလော ၊ မောက်မယ် ၊ နမ့်စန် ၊ လွိုင်ကော်၊ ဖယ်ခုံ ၊ သထုံ ၊ ဖားအံ ၊ ထန်းတပင် ၊ကော့ကရိတ် ၊ ဘီးလင်း ၊ မြိုင်ကလေး စသည့် မြို့နယ်မှ ပအိုဝ်းအမျိုးသားအဖွဲ့ချုပ် (PNO) ပါတီဝင်များနှင့် ပအိုဝ်းအဖွဲ့ အရပ်ဖက်လူမှု အဖွဲ့အစည်း မှ လူအင်အား ရာကျော်တက်ရောက်ခဲ့ကြောင်းသိရသည်။
" PNO ကဦးဆောင်ပြီးလုပ်တဲ့ညီလာခံဆိုပေမယ့် ကျနော်တို့ပအိုဝ်းတစ်မျိုးသားလုံးရဲ့ စည်းလုံးမှုကို အခြေခံပါ တယ် ၊ ကျနော်တို့ (PNLO) အနေနဲ့ပါတီထောင်ဖို့လည်းမရှိ ဘူး၊ ရွေးကောက်ပွဲ ၀င်ဖို့လည်းမရှိပါဘူး လေ့လာသူအနေနဲ့တက်ရောက် လာခြင်းဖြစ်တယ် " ဟု ပအိုဝ်းအမျိုးသားလွှတ် မြောက် ရေးအဖွဲ့ (PNLO) မှအတွင်းရေးမှူး ခွန်သောမတ်ကဆိုသည် ။
PNO သည် ၂၀၁၀ အထွေထွေရွေး ကောက်ပွဲတွင်ဝင်ရောက် ယှဉ်ပြိုင်ခဲ့ရာ မဲဆန္ဒနယ် (၁၀) နေရာအနိုင်ရရှိ ထားသော ပအိုဝ်းအမျိုးသားပါတီတစ်ခုဖြစ်ပြီး ၄င်း၏လက်အောက်ခံ ပအိုဝ်းအမျိုးသားတပ်မတော် PNA လည်း ဌာနေပြည်သူ့စစ်အဖြစ် အသွင်ပြောင်းထားပါသည်။
PNLO မှာမူ ထိုင်း-မြန်မာနယ်စပ်တွင်အခြေစိုက်ပြီး ၂၀၁၃ မတ်ခ်ျလ (၂၃) ရက်နေ့က နေပြည်တော်အစိုးရနှင့် ပြည်ထောင်စုအဆင့် ငြိမ်းချမ်းရေး လက်မှတ်ရေးထိုးထားသည့် အဖွဲ့အစည်းတစ်ခုဖြစ်ပါသည်။
No comments:
Post a Comment