Miss Myanmar World 2015 ပြိုင်ပွဲ တွင်နိုင်ငံခြား ခရီးစဉ် သွားရောက်ရမည့် လှုပ်ရှားမှုများ ပါဝင်မည်

ပန်းမြတ်ဇော်

Miss Myanmar World 2015 ပြိုင်ပွဲတွင် ပါဝင်ယှဉ်ပြိုင် ခွင့်ရမည့် ဆန်ခါတင် အလှမယ် အယောက်၂၀ သည် Miss Myanmar World အဖွဲ့အစည်းနှင့် အ တူနိုင်ငံခြားသို့ သွားရောက်နိုင် မည့်ခရီးစဉ် လှုပ်ရှားမှု များလည်း ပါဝင်မည်ဖြစ်သည်။

ယင်းပြိုင်ပွဲအတွက် ဆန်ခါတင်ရွေးချယ်ခံ ရသည့် အလှမယ် အယောက် ၂၀ သည် စခန်းသွင်းလေ့ကျင့် လှုပ်ရှား မှုများ၊ သင်တန်းများကို Miss Myanmar World အဖွဲ့အစည်းနှင့်အတူ တစ်လခွဲတိတိ လုပ်ဆောင်ရ မည်ဖြစ် ပြီးနိုင်ငံခြားသို့ သွားရောက်နိုင်မည့် ခရီးစဉ် လှုပ်ရှားမှု များတွင်လည်း ပါဝင်ခွင့် ရမည်ဖြစ် သည်။

Miss Myanmar World 2015 ပြိုင်ပွဲ အတွက်လျှောက်လွှာများကို မတ်လ ၂၇ ရက်တွင် စတင်လက်ခံခဲ့ပြီး မတ်လ ၃၀ ရက် အထိဖောင်များကို လက်ခံသွား မည်ဖြစ်သည်။ ယခု တစ်ခေါက် တွင်လျှောက်လွှာများကို ရန်ကုန်မြို့အပြင် မန္တလေး၊ တောင်ကြီးမြို့များတွင်လည်း လျှောက်လွှာများကို လက်ခံသွား မည်ဖြစ် သည်။

ပြိုင်ပွဲအတွက် လူရွေးပွဲကို ဧပြီ ၂၄ ရက်တွင် စတင်ကျင်းပ မည်ဖြစ်ပြီး Miss Myanmar World 2015နောက်ဆုံး ပြိုင်ပွဲကို ဇူလိုင် ၁၁ ရက်တွင် ကျင်းပ မည်ဖြစ်သည်။ ပြိုင်ပွဲတွင် Winner အဖြစ်ရွေးချယ်ခံ ရသူသည် Miss World 2015 ပြိုင်ပွဲသို့ မြန်မာနိုင်ငံ ကိုယ်စားပြုအဖြစ် သွားရောက် ယှဉ်ပြိုင် ရမည်ဖြစ် သည်။

Miss Myanmar World 2015 ပြိုင်ပွဲတွင် Winner ဆု ရရှိသူ ကိုငွေကျပ် သိန်း ၁၀၀၊ 1st Runner Up ရရှိသူကို ကျပ် သိန်း ၅၀၊ 2nd Runner Up ရရှိ သူ ကိုငွေကျပ် သိန်း ၃၀ ချီးမြှင့် မည်ဖြစ်သည်။

ကမ္ဘာ့အလှမယ် ပြိုင်ပွဲများတွင် အကြီးကျယ်ဆုံး ပြိုင်ပွဲတစ်ခုဖြစ်သည့် မယ်ကမ္ဘာပြိုင်ပွဲသို့ သွားရောက်ယှဉ်ပြိုင်ရန် နိုင်ငံကိုယ်စားပြု အလှမယ်ရွေးချယ်ပွဲ (Miss Myanmar World) ကို ပထမ ဆုံးအကြိမ် အဖြစ် Forever BEC-Tero က ၂၀၁၄ ခုနှစ်တွင် စတင်ပြုလုပ်ခဲ့သည်။

Miss World 2014 အလှမယ်ပြိုင်ပွဲကို ဗြိတိန်နိုင်ငံ၊ လန်ဒန်မြို့တွင် ဒီဇင်ဘာ ၁၄ ရက်၌ ကျင်းပပြုလုပ်ခဲ့ပြီး နိုင်ငံ အသီးသီးမှ အလှမယ် ၁၂၁ ယောက် ပါဝင် ယှဉ်ပြိုင်ခဲ့ကြသည်။ ယခုနှစ်တွင် Miss World 2015 ပြိုင်ပွဲကို စက်တင်ဘာလ၌ အင်ဒိုနီးရှားနိုင်ငံ၊ ဘာလီကျွန်းတွင် ကျင်းပပြုလုပ် မည်ဖြစ်သည်။