နိုင်ငံရေးပါတီများ မဲဆွယ်စည်းရုံးရေးကာလတွင် ပါတီလမ်းစဉ်များကို ချပြ ရှင်းပြရမည့်အစား မဲထည့်ပုံထည့်နည်းကိုသာ ပြောကြားနေရကြောင်း စည်းရုံးရေးဆင်းနေကြသည့် ကိုယ်စားလှယ်လောင်းများထံမှသိရပါသည်။
ပြည်သူများ နိုင်ငံရေးဆိုင်ရာ အသိပညာ ဗဟုသုတ နည်းသဖြင့် မဲပေးသည့်အသိပညာများကိုသာ ဦးစားပေး ပြောနေရသည်ဟု ရှမ်းတိုင်းရင်းသားများ ဒီမိုကရေစီအဖွဲ့ချုပ်မှ ဒုဥက္ကဌ စိုင်းစံအေး ကပြောသည်။
“ကျနော်တို့ ပါတီက အခုဘာလုပ်နေရတယ်ဆို မဲထည့်ပုံထည့်နည်း ၊ မဲပြားကို ဖြေရှင်းနည်း အဲလိုမျိုးပေ့ါ။ မဲနဲ့ ပတ်သက်ပြီး ရှင်းပြနေရတယ်။ ပါတီရဲ့ မူဝါဒလမ်းစဉ်ကတော့ အရင်က ပဲ လုပ်တယ်။ အခုလောလောဆယ်ကတော့ အဲဒါပဲလုပ်နေရတာပေ့ါနော်။ပြည်သူတွေက နားမလည်ဘူးလေ။”ဟု စိုင်းစံအေး ကပြောသည်။
ထိုကဲ့သို့ ကြုံတွေ့နေရခြင်းမှာ ယခင် ရွေးကောက်ပွဲတွင် ကြိုတင်မဲဖြင့် ပြီးသွားသည့်အတွက် ပြည်သူများက အတွေ့အကြုံမရှိ မသိနားမလည် ဖြစ်နေကြရခြင်းဖြစ်သည်ဟု ၎င်းကဆက်ပြောပါသည်။
ဖရူဆိုမြို့နယ် မဲဆန္ဒနယ်တွင်လည်း ရွေးကောက်ပွဲကျင်းပရခြင်းကို မသိကြသည့်အတွက် မည်သည့်ကိုယ်စာလှယ်လောင်းကို မဲထည့်ရမည်ဆိုသည်ကိုလည်း နားမလည်ကြသေးကြောင်း ဖရူဆိုမြို့နယ် ပြည်သူ့လွှတ်တော်တွင် ၀င်ပြိုင်မည့် လူမျိုးပေါင်းစုံ ဒီမိုကရေစီပါတီ မှ ခူးသဲရယ်က ပြောပါသည်။
“ရွာတွေမှာဆိုရင် ရွေးကောက်ပွဲနဲ့ ပတ်သက်တာ ကတော့ ဘယ်လိုပြောရမှာလဲဆို (၁၀)ယောက်မှာ (၁)ယောက်လောက်ပဲသိချင်မှသိမှာ။ ဒါတောင် မှ ရှားရှားပါးပါးပေ့ါ။” ဟု ခူးသဲရယ်ကပြောသည်။
ထိုကဲ့သို့ ရွေးကောက်ပွဲဆိုင်ရာ မဲထည့်ပုံထည့်နည်းကို ပြည်သူများက မသိနားမလည်ခြင်းကြောင့် အခက်အခဲတစ်ခုလည်းဖြစ်စေကြောင်း ကိုယ်စားလှယ်လောင်းများထံမှ သိရသည်။
ပြည်သူများကို ရွေးကောက်ပွဲဆိုင်ရာ အသိပညာပေးခြင်း တာဝန်သည် ရွေးကောက်ပွဲကော်မရှင် ၏ တာဝန်ဟုဆိုသော်လည်း ပါတီများကသာလျှင် တာဝန်ကိုယူဆောင်နေရသလို ဖြစ်နေ ကြောင်း မဲဆွယ်စည်းရုံးရေးဆင်းနေသော ကိုယ်စားလှယ်လောင်းများက ပြောသည်။
No comments:
Post a Comment