ကချင်ပြည်နယ် အထက်နမ့်ထွမ် ရေအားလျှပ်စစ် စီမံကိန်း လက်မှတ်ရေးထိုး

မဇ္ဈိမ

ကချင်ပြည်နယ်၊ ပူတာအိုမြို့၏ အနောက်တောင် ဘက် (၇) မိုင်ခန့်အကွာရှိ နမ့်ထွမ်ချောင်းပေါ်တွင် တည်ဆောက်မည့် ရေအားလျှပ်စစ်စီမံကိန်းအတွက် လျှပ်စစ်စွမ်းအား ဝန်ကြီးဌာန၊ ရေအားလျှပ်စစ် အကောင်အထည်ဖော်ရေး ဦးစီးဌာနနှင့် သြစတြီးယားနိုင်ငံ ANDRITZ Hydro GmbH တို့အကြား စက်တင်ဘာ ၂၄ တွင် စာချုပ်လက်မှတ်ထိုးခဲ့သည်။

၂ နှစ်အတွင်း အပြီးအကောင်အထည်ဖော်ဆောင်ရွက်မည့် ယင်း 'အထက်နမ့်ထွမ် ရေအားလျှပ်စစ် စီမံကိန်း' မှ ပူတာအိုဒေသအတွင်း လျှပ်စစ်ဓာတ်အား (၃ ဒသမ ၂) မဂ္ဂါဝပ်အား ထုတ်လုပ်ပေးနိုင် မည်ဖြစ်ပြီး ၂၄ နာရီ ဓာတ်အား ဖြန့်ဖြူးပေးနိုင်မည်ဟု ပြန်ကြားရေးဝန်ကြီးဌာနက ထုတ်ပြန်ထားသည်။

ရေအားလျှပ်စစ် အကောင်အထည်ဖော်ရေး ဦးစီးဌာန ညွှန်ကြားရေးမှူးချုပ် ဦးအေးဆန်းနှင့် ANDRITZ Hydro GmbH မှ Regional Director Mr. Martin Koubek တို့က အထက်နမ့်ထွမ်ရေအားလျှပ်စစ် စီမံကိန်းပစ္စည်းများလုပ်ငန်းအပ်နှံ ဝယ်ယူရေး သဘောတူစာချုပ်များကို လက်မှတ်ရေးထိုးကြခြင်းဖြစ်သည်။ ANDRITZ HYDRO ကုမ္ပဏီနှင့် မြန်မာနိုင်ငံအကြား ၁၉၈၃ ခုမှစ၍ လုပ်ငန်းများဆောင်ရွက်နေခြင်းဖြစ်ပြီး ကုမ္ပဏီဌာနေရုံး ကိုမူ ရန်ကုန်မြို့တွင် ၂၀၁၃ ခု ဖေဖော်ဝါရီ ၁ ရက်နေ့မှ စတင်ဖွင့်လှစ်ခဲ့သည်ဟု သိရသည်။

၂၀၁၄ ခု နိုဝင်ဘာလကလည်း လျှပ်စစ်စွမ်းအားဝန်ကြီးဌာန၊ ရေအားလျှပ်စစ် အကောင်အထည်ဖော်ရေး ဦးစီးဌာနနှင့် သြစတြီးယားနိုင်ငံ ANDRITZ Hydro GmbH တို့အကြား မန္တလေးတိုင်း၊ မြစ်ငယ်မြစ်ပေါ်တွင် တည်ဆောက်မည့် ဒီးဒုတ်ရေအားလျှပ်စစ်စီမံကိန်းအတွက် MoU လက်မှတ်ထိုးခဲ့ကြသေးကြောင်း အစိုးရသတင်းများအရ သိရသည်။ ဒီးဒုတ်ရေအားလျှပ်စစ်စီမံကိန်းသည် ကျောက်ဆည်ခရိုင်ရှိ ရဲရွာရေအားလျှပ်စစ်စက်ရုံနှင့် ၁၂ မိုင်ကွာဝေးပြီး နှစ်ဖက်သဘောတူညီချက်အရ ANDRITZ Hydro က ၆၆ မဂ္ဂါဝပ်ဓာတ်အားစက်ရုံ တည်ဆောက်ရမည်ဖြစ်သည်။

မြန်မာနိုင်ငံလူဦးရေအားလုံး၏ ၃၆ ရာခိုင်နှုန်းသာ လျှပ်စစ်ဓာတ်အားသုံးစွဲနေပြီး ကျန်သူများမှာ လျှပ်စစ်ဓာတ်အားမရှိပဲ နေထိုင်ကြရသည်ဟု လျှပ်စစ်စွမ်းအားဝန်ကြီးဌာနကို ကိုးကား၍ Global New Light of Myanmar ၂၀၁၄ ခု နိုဝင်ဘာလ သတင်းတပုဒ်က ရေးသားထားသည်။