နိုင်ငံတကာ တပ်မတော်တွေရဲ့ ၀တ်စုံတွေနဲ့အညီ ဖြစ်စေဖို့၊ တပ်မတော်သားတွေရဲ့ စိတ်ဓာတ် ပိုမိုမြင့်မား တက်ကြွစေဖို့နဲ့ ရာသီဥတု အခြေအနေနဲ့ လိုက်လျောညီထွေစွာ ၀တ်ဆင်နိုင်ဖို့ အသစ်ပြဋ္ဌာန်းလိုက်တာဖြစ်ပြီး အဆိုပါ စစ်ဝတ်စုံသစ်တွေကို အပတ်စဉ် တနင်္လာနေ့တိုင်း ၀တ်ဆင်ရမယ်လို့ သတင်းမှာဖော်ပြပါတယ်။
တပ်မတော် (ကြည်း၊ ရေ၊ လေ) အရာရှိနဲ့ အခြားအဆင့် (အမျိုးသား/အမျိုးသမီး) စစ်မှုထမ်းတွေအတွက် အသစ်သတ်မှတ်လိုက်တဲ့ ၀တ်စုံတွေထဲမှာ တပ်မတော်ကြည်းက ရှပ်အင်္ကျီ အစိမ်းနုရောင်၊ တပ်မတော်ရေက ရှပ်အင်္ကျီ အဖြူရောင်၊ တပ်မတော်လေက ရှပ်အင်္ကျီ အပြာနုရောင်ဆိုပြီး ပြောင်းလဲသတ်မှတ်ထားပါတယ်။
ဒါ့အပြင် အလုပ်တက်ဝတ်စုံနဲ့ အခမ်းအနားတက် ၀တ်စုံသစ်တွေကိုလည်း ဓာတ်ပုံတွေနဲ့တကွ ဖော်ပြထားပါတယ်။
ဝတ်စုံသစ်ကို တပ်မတော်သားတွေ အချိန်မီ ၀တ်ဆင်နိုင်ရေးအတွက် တပ်တွေထံကို ပေးပို့ဆောင်ရွက်နေတယ်လို့လည်း ဆိုပါတယ်။
ဒါပေမယ့် ဒီဝတ်စုံသစ်တွေအတွက် ငွေကြေးပမာဏ ဘယ်လောက်သုံးစွဲတယ်၊ အ၀တ်အထည်တွေကို ဘယ်ကနေ တင်သွင်းပြီး ဘယ်သူတွေက တာဝန်ယူ ချုပ်လုပ်ပေးတယ်ဆိုတဲ့ အချက်အလက်တွေကတော့ သတင်းမှာ ဖော်ပြခြင်း မရှိပါဘူး။
No comments:
Post a Comment