အောင်ကိုဦး
မန္တလေးတိုင်းဒေသကြီးအတွင်း လက်ရှိတာဝန်ထမ်းဆောင်လျှက်ရှိသော အစိုးရဝန်ထမ်းလုပ်သက် ၂၅ နှစ်အထက် ဝန်ထမ်းများကို ချမ်းမြသာစည်မြို့နယ် ၊မြရည်နန္ဒာ ရပ်ကွက်တွင် အိုးအိမ်ဦးစီးဌာနမှ ဆောက်လုပ်နေသည့်တိုက်ခန်းများကို ရောင်းချပေးမည်ဖြစ်သောကြောင့် လျှောက်လွှာများကို တစ်စောင်လျှင် ၅၀၀ကျပ်ဖြင့် ဖေဖော်ဝါရီ ၂၆ ရက်တွင် စတင်ရောင်းချပေး သွားမည်ဟု မန္တလေးမြို့တော် စည်ပင်သာယာရေးကော်မတီ၊ တွဲဖက်အတွင်းရေးမှူး ဦးသက်နိုင်ထွန်းကပြောသည်။
အဆိုပါလျှောက်လွှာများကို မန္တလေးမြို့တော်စည်ပင်သာယာရေးကော်မတီရှိ ဓမ္မာရုံတွင် ဝယ်ယူရမှာဖြစ်ပြီး ဝယ်ယူပြီးသောလျှောက်လွှာများကို မတ် ၇ ရက်စတင်၍ မတ် ၁၆ ရက်အတွင်း ပြန်လည် တင်ပြလျှောက်ထားရမည်ဖြစ်သည်။ လျှောက်ထားရာတွင် ယခင်က မြရည်နန္ဒာ တန်းဖိုးနည်းတိုက်ခန်းများ လျှောက်ထားပြီး ဝန်ထမ်းများသည် ထမ်မံလျှောက်ထားရန်မလိုကြောင်းနှင့် ထိုသူများကို တိုက်ခန်းဝယ်ယူခွင့်အတွက် ထည့်သွင်းဆောင်ရွက်ပေးသွားမည်ဟု မန္တလေးမြို့တော် စည်ပင်သာယာရေးကော်မတီ၊ တွဲဘက်အတွင်းရေးမှူး ဦးသက်နိုင်ထွန်းကဆိုသည်။
"အရင် မြရည်နန္ဒာတန်းဖိုးနည်းအိမ်ရာတုန်းက ဝယ်ယူခွင့်လျှောက်လွှာလျှောက်ထားခဲ့တဲ့ လက်ရှိအစိုးရဝန်ထမ်းတွေအနေနဲ့ အခုပြန်လျှောက်စရာ မလိုတော့ဘဲ လက်ခံပေးသွားမှာပါ။ အသစ်ပြန်လျောက် စရာမလိုတော့ပါဘူး။"ဟု ဦးသက်နိုင်ထွန်း က ပြောသည်။ တိုက်ခန်းများမှာ လေးထပ်၊လေးခန်းတွဲ တိုက်ခန်းများဖြစ်ပြီး မြေညီထပ်တိုက်ခန်းတစ်ခန်းလျှင် ကျပ် ၁၆၅သိန်း၊ ဒုတိယထပ်တိုက်ခန်းတစ်ခန်းလျှင် ကျပ်၁၅၅ သိန်း၊ တတိယထပ် တိုက်ခန်းတစ်ခန်းလျှင် ကျပ်၁၄၅ သိန်း၊ စတုတ္ထထပ်တိုက်ခန်းတစ်ခန်းလျှင် ကျပ်၁၃၅ သိန်းဖြင့် ရောင်းချပေးသွားမည်ဖြစ် သည်။
အဆိုပါတိုက်ခန်းများရောင်ချရန် စီစဉ်နေမှုများနှင့် ပတ်သက်၍ လုပ်သက် ၂၆ နှစ်ပြည့် အထက်တန်းပြဆရာမ တစ်ဦးက "သာမာန်ဝန်ထမ်းတစ်ဦး တိုက်ခန်းပိုင်ဖို့ဆိုတာမလွယ်ပါဘူး။ အခုလိုစီစဉ်ပေး တာတော့ကျေးဇူးတင်ပါတယ်။ ဒါပေမယ့် လျှောက်တော့လျှောက်မယ်။ ဝယ်နိုင်ဖို့က အတော်ရုန်းကန် ရလိမ့်မယ်။ ကျွန်မထင်ပါတယ်။ပညာရေးဝန်ထမ်းအများစုကတော့ ဝယ်နိုင်ဖို့မလွယ်ပါဘူး။" ဟုပြော သည်။
No comments:
Post a Comment