၎င်းနေ့ ညပိုင်း ၁၁ နာရီခွဲခန့်က တာမိုးညဲ အခြေစိုက် ခလရ ၂၉၀ မှ ဒုဗိုလ်အဆင့်ရှိသူ ဝေ မင်းဦးသည် သပြေတည်းခို ခန်းအတွင်းသို့ ခြံစည်းရိုးကျော်ဝင်လာရာ တည်းခိုခန်းပိုင်ရှင် စိုင်းအိုက်ပီးမှ သူခိုးအထင်ဖြင့် တုတ်ဖြင့် တားဆီးရန် ကြိုးပမ်းစဉ် အခင်းဖြစ်ပွားခြင်း ဖြစ် ကြောင်း ၄င်းနှင့်နီးစပ်သူတစ်ဦးက သျှမ်းသံတော်ဆင့်သို့ ပြောသည်။
“ဒုဗိုလ်ဝေမင်းဦးက တည်းခိုခန်းမှာတည်းတာပေါ့နော် ည ၁၁ နာရီခွဲ လောက်ကျတော့ အဲဒီ စစ် ဗိုလ်က တည်းခိုခန်းကို တံခါးပေါက်က နေမဝင်ပဲ ခြံစည်းရိုးကျော်ဝင်လာတော့ အိုက်ပီး ကဘာဖြစ်လို့ ခိုးဝင်လာတာလဲဆိုပြီး မေးတာ ပေါ့နော်။ တုတ်လည်းကိုင်သွားတာပေါ့။ အဲဒီမှာ သေနတ်ထုတ်ပြီးတော့ ၅ ချက် တိတိပစ်တယ်။ ဒါပေမဲ့ သေနတ်က ကျည်မပေါက်ဘူး။ ကျ ထားတဲ့ ကျည်ဆံ ၄ တောင့်ကို ပြန် ကောက်သွားတယ်။ ကျန်ထားတယ် ၁ တောင့်ကို တည်း ခိုခန်း ပိုင်ရှင်က သိမ်းထားတယ် ။ အဲဒီ ၁ တောင့်ကိုလည်း ရဲစခန်းက လာ သိမ်းသွားပါပြီ” ဟု သူက ပြောသည် ။
ထိုသို့ သေနတ်ကျည်မပေါက်သဖြင့် ၄င်းစစ်အရာရှိက အိုက်ပီးထံမှ တုတ်လုကာ အိုက်ပီးအား ရိုက်နှက်ခဲ့ရာ ဦးခေါင်းကွဲ ဒဏ်ရာရရှိကာ ၁၀ ချက်ချုပ်ရပြီး သွားနှစ်ချောင်း ကျွတ်ထွက်ခဲ့ကြောင်း သိရသည် ။
၎င်းကိစ္စအား နမ့်ခမ်းရဲစခန်း၌ အမှုဖွင့်ထားပြီး မြန်မာစစ်တပ်မှ ကျေအေးရန် ဖိအားပေးပြောဆိုနေသော်လည်း တည်းခို ခန်း ပိုင်ရှင်က ကျေ နပ်မှုမရှိကြောင်း သိရသည် ။
“ရဲစခန်းမှာ တိုင်ချက်ဖွင့်ထားပြီ ၁၉ ရက်နေ့က အဲဒီဒုဗိုလ်ဝေမင်းဦး ရဲစခန်းမှာ လာတောင်းပန်တာ ပေါ့နော်။ ဖြစ်တော့ ဖြစ် သွားပြီပေါ့။ တရား စွဲတာတွေ မလုပ်ဖို့ပေါ့ လာပြောသွားတယ်။ ဒါပေမဲ့ ပိုင်ရှင်ကတော့ မကျေနပ်ဘူးပေါ့နော်။ ဒုဗိုလ်ဝေမင်းဦးနဲ့ အမေကလည်း စိုင်းအိုက်ပီး တို့အိမ်မှာလည်း လာတောင်းပန်တယ်။ သူ့အမေကတော့ သူ့သားကို အရေးမယူဖို့ ငိုယိုပြီး တောင်းပန်တယ်” ဟု သူက ဆက်ပြော သည် ။
စိုင်းအိုက်ပီ မိသားစုမှာ နိဗ္ဗာန်ကုန်ဆိုင်လည်း ဖွင့်လှစ်ထားကြောင်း၊ ချမ်းသာကြွယ်ဝသဖြင့် ၄င်းတို့ကို ဓားမြတိုက်ရန် ရည်ရွယ် ချက်ရှိ နိုင် ကြောင်း၊ ဤကိစ္စနှင့် ပတ်သက်၍ စိုင်းအိုက်ပီး မိသားစုက ကျားဖြူပါတီကိုလည်း တိုင်တန်းထား ကြောင်း၊ စိုင်းအိုက်ပီက ဒုဗိုလ်ဝေ မင်းဦး အလုပ် ပြုတ်သွား သည်အထိ အရေးယူပေးစေချင်သည့် ဆန္ဒရှိကြောင်း နမ့်ခမ်း ဒေသခံများက ဆို၏။
No comments:
Post a Comment