Generation Wave၊ ကျောင်းသား အဖွဲ့အစည်းများ၊ အဖြူရောင် တွဲလက်များ စသည့် အဖွဲ့များ အပါအ၀င် ပြည်တွင်း လူမှုရေး လုပ် ဆောင် နေသည့် လူငယ် အဖွဲ့အစည်း ၂၀ ကျော်တို့ စုပေါင်း ချိတ်ဆက်ထား သော ငြိမ်းချမ်းရေး ကွန်ရက်က လာမည့် စက်တင်ဘာလ ၂၁ ရက်နေ့တွင် ကျရောက်မည့် စစ်ပွဲများ ရပ်တန့်ပြီး ငြိမ်းချမ်းရေး ရရှိစေရန် တနိုင်ငံလုံး အတိုင်း အတာဖြင့်လမ်းလျှောက်ပွဲ၊ဆန္ဒထုတ် ဖော်ပွဲများကျင်း ပရန် စီစဉ်ခဲ့ကြောင်း၊ ရန်ကုန်မြို့တွင် လူငယ်များနှင့် ပြည်သူများ စုပေါင်း ပါဝင်သော ဆန္ဒထုတ်ဖော် လမ်းလျှောက်ချီ တက်ပွဲ ကျင်းပ ရန် အာဏာပိုင်များထံ တရားဝင် လျှောက်ထားခဲ့သော်လည်း ငြင်းပယ်ခဲ့သည့် အပြင် ဦးဆောင်မည့် လူငယ်များကို ခေါ်ယူမေးမြန်း ခြင်း၊ နေအိမ် များကို စောင့်ကြည့် စစ်ဆေးခြင်းများ ပြုလုပ်လာခြင်း ဖြစ်ကြောင်း ငြိမ်းချမ်းရေးကွန်ရက်မှ ဦးဆောင်သူတ ဦးဖြစ် သည့် ကိုမိုဃ်းသွေးကဧရာ ၀တီကို ပြောသည်။
“ငြိမ်းချမ်းရေး လမ်းလျှောက်ပွဲအတွက် စမ်းချောင်း၊ ကျောက်တံတားရဲစခန်း၊မင်္ဂလာတောင်ညွန့် ရဲစခန်းတွေကို ကျနော်တို့တရားဝင် လျှောက် ထားပါတယ်။ ဒါပေမယ့် ခွင့်မပြုဘူးဆိုပြီး တရားဝင် ငြင်းပယ်ပါတယ်။ နောက်ပြီး ရန်ကုန် တိုင်း အနောက်ပိုင်း ခရိုင်ဒုတိယရဲမှူးကြီးမျိုးအောင် က ကျနော်အပါအ၀င် ဆန္ဒပြပွဲ ဦးဆောင်မယ့် လူငယ် ၄ ဦးကို ခေါ်ယူ တွေ့ဆုံမေး မြန်းတာတွေ လုပ်ပါတယ်။ နောက်ပြီး ကျနော်တို့ နေအိမ် တွေကို သတင်းတပ်ဖွဲ့က စောင့်ကြည့် စစ်ဆေးတာမျိုး ရှိနေပါတယ်” ဟု သူက ဆိုသည်။
အာဏာပိုင်များက တားမြစ်သော်လည်း ငြိမ်းချမ်းရေး လမ်းလျှောက်ချီတက်ပွဲကို စက်တင်ဘာလ ၂၁ ရက်နေ့တွင် ရန်ကုန် မြို့တော်ခန်း မ ဘေးမှ မနက် ၁၁ နာရီတွင် စတင် ထွက်ခွာမည်ဖြစ်ကြောင်း၊ မဟာဗန္ဓုလ လမ်းမကြီးမှ ဗိုလ်တထောင် ဘုရားလမ်း၊ အထက်ပုဇွန် တောင်၊ ယုဇနပလာဇာ၊ တာမွေ ပလာဇာ၊ အုတ်လမ်း၊ ဗားကရာလမ်း၊ မြေနီကုန်း၊ ရန်ကုန် – ပြည်လမ်းများကို ဖြတ်သန်းကာ အင်လျား ကန်ဘောင် တွင် လမ်းလျှောက်ပွဲ အဆုံးသတ်မည် ဖြစ်ကြောင်း၊ စစ်ပွဲများ ချက်ချင်း ရပ်တန့်ပေးရန်၊ ငြိမ်းချမ်းရေး ရရှိရေး အပါအ၀င် ဆိုင်းဘုတ်များ၊ စာတမ်းများ ကိုင်ဆောင်ထားမည် ဖြစ်ပြီး လမ်းလျှောက် ဆန္ဒပြပွဲကို လူငယ် ၃၀၀ နီးပါးဖြင့် စတင်မည်ဖြစ်ကြောင်း၊ ပြည် သူများ ပူးပေါင်းပါဝင်လျှင် အင်အားတိုးပွားနိုင်ကြောင်း ငြိမ်းချမ်းရေး ကွန်ရက်မှ လူငယ်များက ရှင်းပြသည်။
ထို့အပြင် ကချင်ငြိမ်းချမ်းရေး ကွန်ရက်မှ နေပြည်တော်သို့ ကား ၅ စီးဖြင့် ထွက်ခွာမည်ဖြစ်ပြီး ပြည်တွင်းစစ် ရပ်စဲရေး၊ ငြိမ်းချမ်းရေး ရရှိ ရေး အတွက် နေပြည်တော် ကာကွယ်ရေးဝန်ကြီးဌာနရုံး၊ သမ္မတရုံး စသည်တို့ရှေ့များတွင် ဆန္ဒ ထုတ်ဖော် ကြမည်ဖြစ်ကြောင်း၊ လတ်တ လော တွင်မူ တရားဝင် ခွင့်ပြုချက် မရရှိသေးကြောင်း ကချင်ငြိမ်းချမ်းရေး ကွန်ရက်မှ ဦးဆောင်သူ လူငယ်တဦးက ဆိုသည်။
ငြိမ်းချမ်းရေး ဆန္ဒထုတ်ဖော်ပွဲများကို ကျောက်မဲ၊ တောင်ကြီး၊ မော်လမြိုင်၊ မန္တလေး အပါအ၀င် တနိုင်ငံလုံး အတိုင်းအတာဖြင့်ကျင်းပရန် စီစဉ် ထားကြောင်း၊ မန္တလေးတွင်လည်း အာဏာပိုင်များဘက်က ကြိုတင်တားမြစ်မှုများ ရှိနေကြောင်း သိရသည်။
ယနေ့နံနက်ကလည်း ကမ္ဘာ့ ငြိမ်းချမ်းရေးနေ့ အကြိုအဖြစ် မန္တလေးမြို့တွင် ပါဖောမန့်ပြကွက် ပြသခဲ့သော ပန်းချီစူးမြင့်သိန်းကို လုံခြုံရေး များ က ခေါ်ယူစစ်ဆေး ခဲ့သေးသည်။
No comments:
Post a Comment