ဖားကန့် KIA ပြည်သူ့စစ်တပ်ရင်း (MHH) တပ်ခွဲ (၆)နှင့် မြန်မာစစ်တပ် ခမရ (၃၈၁၊ ၃၈၂၊ ၃၉၀) ပါဝင်သော စုပေါင်းစစ်ကြောင်း အင် အား ၁၅၀ ကျော်သည် ယမန်နေ့ အောက်တိုဘာလ ၉ ရက် နံနက် ၇ နာရီတွင် နမ်တိန် (Nam Ting) အထက် ရှိ “ပစောက်ကွေ့” တွင် တိုက်ပွဲ ဖြစ်ပွားရာ အစိုးရတပ်မှ ၃ ယောက် သေဆုံးပြီး ၇ ယောက်ဒဏ်ရာရ ရှိ ကြောင်း ရှေးတန်းမှ အရာရှိတဦး KNG ကချင်သတင်းဌာနသို့ပြောသည်။
“ခဏလေးပဲ ဖြစ်တယ်။ အစက ကျနော်တို့ သူတို့ထွက်လာမယ့်လမ်းမှာ စောင့်နေတာ။ သူတို့ထွက် မလာလို့ ကျနော်တို့ ပြန်လိုက်သွား တယ်။ “ပစောက်ကွေ့” မှာလိုက်မီတယ်။ သူတို့ဘက်ကလည်း အပြင်းအထန် ပစ်တယ်။ လက်နက် ကြီးတွေနဲ့လည်း ပစ်တယ်။ ဒါပေမယ့် ကျနော်တို့ ဘက်ဘာမှမဖြစ်ဘူး။”
အဆိုပါ “ပစောက်ကွေ့” တွင် ပစ်ခတ်တိုက်ခိုက်သော တိုက်ပွဲတွင် အစိုးရတပ်ဗိုလ်ဗှူးတ ဦး ခြေထောက် ကျိုးသွားပြီး ဒုဗိုလ်မှူးလည်း ဒဏ် ရာပြင်းထန်စွာရရှိ ဒဏ်ရာရရှိကြောင်းသိရသည်။
“ပစောက်ကွေ့” သည် ဖားကန့် နှင့် ၅ မိုင်ကျော်အကွာတွင် ရှိပါသည်။
ထိုနေ့နံနက်တွင် ဆက်တိုက် မြန်မာအစိုးရတပ်ကို လေပင် နှင့် လောင်ခန် (လုံးခင်း) ကြားရှိ လယ်ကွင်း ကားလမ်းဘက်သို့ရောက်ရှိလာ သော မြန်မာအစိုးရတပ်ဖွဲ့ကို KIA တပ်ရင်း (၆) မှ တပ်သားများ (remote) မိုင်း ၄ လုံးဖြင့် ဖောက်ခွဲလိုက်ရာ ၃ ဦးပြန်ကျပြီး ၈ ဦးဒဏ်ပြန် ရရှိ ကြောင်း ရှေ့တန်းမှ ဆိုသည်။
ယနေ့နံနက် မိုးမလင်းမီ ၃ နာရီခန့်တွင်လည်း ကေအိုင်အေ အထူးတပ်ဖွဲ့မှ အဆိုပါအစိုးရတပ်ဖွဲ့ကို နမ္မဖြစ် (Nam Mahpyit) နှင့် မော်ဝမ်း (Maw Wan) ကြားရှိ ဖားအီ (Hpa I) တွင် remote မိုင်း ၁၂ လုံးဖြင့် ဖောက်ခွဲတိုက်ခိုက်လိုက်ရာ အစိုးရတပ်မှ အများအပြားကျဆုံး နိုင် ကြောင်းပြောသည်။
“အဖွဲ့လိုက်တက်လာတာ အဲဒီအချိန် တစ်ခါထဲ မိုင်းတွေ ဆက်တိုက်မြည်သွားတယ်။ သူတို့ဘက်က သေတာ အများကြီးဖြစ်နိုင်တယ်။ ဘယ် နှစ်ယောက်သေတာက မိုးမလင်းခင်ဆိုတော့ အတိအကျမသိသေးဘူး။ ဒီမနက်အဲဒီနေရာ သွေး တွေအများကြီးအိုင်နေတယ်တဲ့။”
ဖားကန့်ဒေသအတွင်း သြဂုတ်လနှင့် စက်တင်ဘာလတွင်း KIA နှင့် တိုက်ပွဲတွင် စာရင်းရထားသမျှ မြန်မာအစိုးရတပ် ကျဆုံးသူ ၂၁၁ ဦး ရှိပြီး ဒဏ်ရာရရှိသူ ၃၆ ဦးဖြစ်ကြောင်း KIA တပ်ရင်း (၆) တပ်ရင်းမှူး ဒု ဗိုလ်မှူးကြီး အင်ခွမ်ဇော်ဒွဲ (Lt-Col. Nhkum Zau Doi) မှ ဒေသ ခံများအား အတည်ပြုပြောဆိုခဲ့သည်။
ကျောက်စိမ်းတူးဖော်မှုများ ဧရာမစီမံကိန်းတည်ရှိရာ ဖားကန့်ဒေသတွင် အစိုးရစစ်တပ်နှင့် KIA ကြား သြဂုတ်လကုန်ပိုင်းမှစ၍ တိုက်ပွဲများ ပြင်း ထန်စွာဖြစ်ပွားခဲ့ပြီး ပြီးခဲ့သည့်လလယ်ပိုင်းတွင်မူ တိုက်ပွဲများ ငြိမ်သက်နေချိန် ယခုလအစောပိုင်းမှပြန်လည်ဖြစ်ပွားနေခြင်းဖြစ်သည်။
No comments:
Post a Comment