မြန်မာနိုင်ငံမှာ ဒီမိုကရေစီစနစ် ဆက်လက်ရှင်သန်ဖွံ့ဖြိုးဖို့အတွက် နိုင်ငံရေးတည်ငြိမ်မှုနဲ့ လက်နက်ကိုင် ပဋိပက္ခ ချုပ်ငြိမ်းပြီး ထာဝရငြိမ်းချမ်း ရေးရဖို့ အဓိက လိုအပ်နေ တယ်လို့ ၆၆ နှစ်မြောက် ပြည်ထောင်စု နေ့အထိမ်းအမှတ် သ၀ဏ်လွှာမှာ သမ္မတ ဦးသိန်းစိန်ကပြောကြား လိုက် ပါတယ်။
ဒီနေ့ မနက်က နေပြည်တော်မှာကျင်းပတဲ့ အစိုးရရဲ့ ပြည်ထောင်စုနေ့ အလံတင် အခမ်းအနားမှာ ဒု-သမ္မတ ဒေါက်တာစိုင်းမောက်ခမ်း ဖတ် ကြားတဲ့ သမ္မတ ဦးသိန်းစိန်ရဲ့ သ၀ဏ်လွှာမှာ ခုလို ပြောကြားခဲ့တာပါ။
ပြည်တွင်းပြည်ပ အဖျက်သမားတွေရဲ့အန္တရာယ်ကို တိုင်းရင်းသားအားလုံးက ပြည်ထောင်စုစိတ်ဓာတ်နဲ့ ပူးပေါင်းကာကွယ် တားဆီးဖို့ လိုတဲ့ အကြောင်းနဲ့ အတိတ်က ခါးသီးတဲ့ အတွေ့အကြုံတွေကို သင်ခန်းစာ ယူပြီး တိုင်းရင်းသားအားလုံးက နိုင်ငံထာဝရ ငြိမ်းချမ်းသာယာဖွံ့ဖြိုးတိုး တက်ရေးအတွက် ၀ိုင်းဝန်းကြိုးပမ်းကြဖို့လည်း သမ္မတက တိုက်တွန်းပါတယ်။
ပြည်ထောင်စုနေ့ အထိမ်းအမှတ်အဖြစ် သမ္မတက မိတ်ဆုံ ညစာစားပွဲနဲ့ ခင်းကျင်းဧည့်ခံဖို့ ရှိရာမှာ နိုင်ငံရေးပါတီတွေက ခေါင်းဆောင်တွေ၊ လွှတ်တော်အမတ်တွေအပြင် အစိုးရနဲ့ အပစ်အခတ်ရပ်စဲရေး သဘော တူထားတဲ့ ရှမ်းပြည်တပ်မတော်၊ ကရင်မျိုးသားအစည်းအရုံးနဲ့ ဒီကေ ဘီအေ စတဲ့ တိုင်းရင်းသားလက်နက်ကိုင်အဖွဲ့တွေက ကိုယ်စားလှယ်တွေကိုပါ ဖိတ်ကြားထားပါတယ်။
အစိုးရနဲ့ အပစ်အခတ်ရပ်စဲရေး သဘောတူညီမှုမရသေးတဲ့ ကချင်လွတ်မြောက်ရေးအဖွဲ့ (ကေအိုင်အို) အဖွဲ့ကိုလည်း အစိုးရက ပြည်ထောင် စုနေ့ပွဲ ဖိတ်ကြားထားပေမယ့်လည်း ကေအိုင်အိုကတော့ တက် ရောက် ခြင်း မရှိပါဘူး။
ကေအိုင်အိုခေါင်းဆောင်ဟောင်း ဒေါက်တာတူးဂျာကတော့ နှစ်ရှည်ပြည်တွင်းစစ် ရပ်စဲပြီး ပဋိပက္ခ ဖြစ်ပွားရာကနေ အတူယှဉ်တွဲနေ ထိုင်ရေး ကို ရှေးရှုလုပ်ဆောင်သင့်ပြီလို့ ပြောပါတယ်။
“ကျနော်တို့နိုင်ငံမှာ စစ်ကိုရပ်စဲပြီး ငြိမ်းချမ်းရေးဘက်ကို ရှေးရှုသင့်ပါပြီ။ ပဋိပက္ခဖြစ်ပွားရာကနေ အတူယှဉ်တွဲနေထိုင်ရေးကို ရှေးရှုသင့်ပြီ။ ကျ နော်တို့နိုင်ငံရဲ့ ပြည်တွင်းစစ် ဟာ ကြာရှည်လွန်းအားကြီးပြီ။ နှစ်ပေါင်း ၆၀ ကျော် ပြည်တွင်းစစ်ဖြစ်တာ တခြားနိုင်ငံတွေမှာ မတွေ့ရပါဘူး။ အဲ တော့ ပြည်တွင်းစစ်ကို ရပ်ကိုရပ်စဲပြီး ပြည်တွင်းငြိမ်းချမ်းရေးကို မဖြစ်မနေ တည်ဆောက်ဖို့ အချိန် တန်ပြီလို့ ခံယူတယ်။ ငြိမ်းချမ်းရေးတည် ဆောက်ဖို့ သိသာထင်ရှားတဲ့ နိုင်ငံရေးပြုပြင်ပြောင်းလဲမှု၊ အပြောင်းအလဲတခုလုပ်မှပဲ ဖြစ်မယ်။ ပြည်တွင်းစစ်သက်ဆိုးရှည်နေတာဟာ အရင် အစိုးရအဆက်ဆက်က ပြည်တွင်းစစ်အပေါ်မှာ ရှုမြင်သုံးသပ်ချက်နဲ့ ကိုင်တွယ်ဖြေရှင်းပုံတွေ မမှန်ကန်လို့ဖြစ်တယ်။ အခု လက်ရှိအစိုးရအနေနဲ့ မှန်မှန်ကန်ကန် ရှုမြင်သုံးသပ်ပြီး ဖြေရှင်းသွားမယ်ဆိုရင် ငြိမ်းချမ်းရေးရရှိဖို့ အလား အလာ ကောင်းတွေ ရှိပါတယ်။”
ဝါရင့်နိုင်ငံရေးသမားကြီးတဦးဖြစ်တဲ့ ဒီမိုကရက်တစ်ပါတီ(မြန်မာ)ရဲ့ ဥက္ကဋ္ဌ ဦးသုဝေက “၁၉၈၉ ခုနှစ်ကတည်းကနေပြီးတော့ တောက်လျှောက် ပြည်ထောင်စုနေ့တွေမှာ နိုင် ငံ ရေးပါတီတွေကို မဖိတ်တော့ဘဲ သူတို့ဟာသူတို့ ကျင်းပတာပဲ ရှိတယ်။ အခုမှတခါပြန်ပြီးကျင်းပတယ်ဆိုတာက တော့ အစိုးရသစ်ကလည်း ပြုပြင်ပြောင်းလဲရေးကို လုပ်လာတယ်၊ ဒီအချိန်မှာလည်း တိုင်းရင်း သားတွေ ညီညွတ်ရေးအတွက်ကို သွားဖို့ အလား အလာပိုကောင်းလာအောင် လုပ်ပေးနေတယ်လို့ ထင်ပါတယ်။ ဒါဟာ ကောင်းတယ်လို့ ယူဆပါတယ်” လို့ ပြောပါတယ်။
အဓိက အတိုက်အခံပါတီကြီးဖြစ်တဲ့ အမျိုးသားဒီမိုကရေစီအဖွဲ့ချုပ်ကလည်း တော်ဝင်နှင်းဆီခန်းမမှာ ပြည်ထောင်စုနေ့အခမ်းအနား ကျင်းပခဲ့ ပြီး အခမ်းအနားကိုပေးပို့တဲ့ ဒေါ်အောင်ဆန်းစုကြည်ရဲ့ ပြည်ထောင် စုနေ့ မိန့်ခွန်းမှာ ကချင်ပြည်နယ် ငြိမ်းချမ်းရေး အပါအ၀င် ပြည်တွင်းငြိမ်း ချမ်းရေး ဖြစ်စဉ်တွေမှာ ပါဝင်လိုတဲ့အကြောင်း ထပ်မံ ကမ်းလှမ်းလိုက်ပါတယ်။
“ကျမကိုဆိုရင် ကချင်ပြည်ထဲဖြစ်နေတဲ့ ငြိမ်းချမ်းရေးဖြစ်စဉ်တွေမှာ မပါဝင်ဘူးလားလို့ မေးမြန်းကြ ဝေဖန်ကြတာတွေရှိတယ်။ ကျမအမြဲပြော တယ်၊ ကျမပါဝင်ချင်တယ်။ အချိန်မရွေး လိုလားရင် ပါဝင်ဖို့ အဆင်သင့်ရှိပါတယ်ဆိုတာကို တရားဝင်ထုတ်ဖော်ပြောခဲ့တာ ကြာပါပြီ။ ဘာလို့ မ ပါလဲဆိုတော့ ငြိမ်းချမ်းရေးဖြစ်စဉ်တွေမှာ ပါဝင်ဖို့ဆိုတာ ကာယကံရှင်တွေကလိုလားမှ၊ တောင့် တမှ ဖြစ်နိုင်မှာပါ။ လိုလားမှု၊တောင်းဆိုမှုတွေ မရှိဘဲ ၀င်လုပ်လို့ ငြိမ်းချမ်းရေးရတယ်ဆိုတာ ကိုယ့်ကိုယ်ကိုယ် အထင်ကြီးတာပဲ ဖြစ်မယ်။ ကျမကိုလိုလားတယ်၊ လုပ်စေချင်တယ်ဆိုရင် အချိန် မရွေးဝင်လုပ် ပေး မယ် ဆိုတာကို တရားဝင် ၆၆ နှစ်မြောက် ပြည်ထောင်စုနေ့မှာ ပြောပါရစေ။ ဒီနိုင်ငံရဲ့ ဘယ်နေရာမှာပဲဖြစ်ဖြစ် ငြိမ်း ချမ်းရေးဖြစ်စဉ်တွေမှာ ကျမကိုပါဝင်ဖို့ ကာယကံရှင်တွေက လိုလားတယ်၊ ဖိတ်ခေါ်တယ်ဆိုရင် ဘယ်တော့မှ မငြင်းပါဘူးဆိုတာ ပြောပါရစေ။”
အမျိုးသားဒီမိုကရေစီအဖွဲ့ချုပ်ရဲ့ ပြည်ထောင်စုနေ့ အခမ်းအနားမှာ ၀ါရင့်နိုင်ငံရေးသမားကြီးတွေ၊ ၈၈ မျိုးဆက် ကျောင်းသားခေါင်းဆောင်တွေ တက်ရောက်ခဲ့ပြီး ပါတီရဲ့ နာယက ဦးတင်ဦးကလည်း တိုင်းရင်းသားစည်းလုံးညီညွတ်ရေးနဲ့ ပတ်သက်တဲ့ မိန့်ခွန်း ပြောကြားခဲ့ပါတယ်။
ဒါ့ပြင် တိုင်းရင်းသားရိုးရာ အကဖျော်ဖြေပွဲတွေ ကရင်ရိုးရာ ဒုံးယိမ်းအက ပြိုင်ပွဲတွေလည်း ကျင်းပသွားပါတယ်။ အလားတူ ရန်ကုန်မြို့မှာ ဒီမို ကရေစီမိတ်ဆွေပါတီ ၁၁ ပါတီ ပူးပေါင်း ကျင်းပတဲ့ ပြည်ထောင်စုနေ့ အခမ်းအနားနဲ့ ညီညွတ်သော တိုင်းရင်းသားလူမျိုးများ မဟာမိတ်အဖွဲ့ (ယူအန်အေ)ရဲ့ ပြည်ထောင်စုနေ့ မိတ်ဆုံ ညစာစားပွဲတွေလည်း ကျင်းပဖို့ ရှိပါတယ်။
No comments:
Post a Comment