ထိုကိစ္စနှင့် ပတ်သက်၍ ကရင်ပြည်နယ် လမ်းပန်းဆက်သွယ်ရေးဝန်ကြီး စောခင် မောင်မြင့်ကို ကေအိုင်စီမှ ယမန်နေ့က ဆက် သွယ်မေးမြန်းရာ ၀န်ကြီး၏ကိုယ် ရေးအရာရှိ(PSO) စောခေါင်ဖါထော့က “ဘားအံ – လှိုင်းဘွဲလမ်းမှာ တံတား (၄)စင်း၊ လှိုင်းဘွဲ – ပိုင်ကျုံမြို့နယ်ခွဲသွားတဲ့လမ်းမှာ တံတား (၄)စင်း၊ သံလွင်မြစ် အနောက်ဘက်ကမ်းမှာရှိနေတဲ့ ၀ဘိုးတော – ကမမောင်းသွားတဲ့ လမ်းမှာ တံတား(၇)စင်းကို လက်ရှိ ဆောက်လုပ်နေပါတယ်။”ဟု ပြောသည်။
လှိုင်းဘွဲ – ပိုင်ကျုံ တံတားများကို ဂျပန်နိုင်ငံက ကူညီလှူဒါန်းပြီး ဘားအံ – လှိုင်း ဘွဲ တံတားများကို ပြည်နယ်ဘက်ဂျက်ငွေဖြင့် လည်းကောင်း၊ ၀ါးဘိုးတော – ကမာ့မောင်း တံတားများကိုမူ နေပြည်တော် ဘက် ဂျက်ဖြင့် သုံး စွဲကာ တံတားများကို နွေမကုန်ခင် အပြီးတည်ဆောက်သွားမည်ဖြစ်သည်ဟု ၎င်းက ပြောဆိုသည်။
ထိုသို့ ဆောက်လုပ်ရာတွင် ပြည်နယ်ဆောက်လုပ်ရေးအဖွဲ့၏ လက်အောက်ခံဖြစ်သော တံတားအထူးအဖွဲ့(၁၆)မှ ဆောက်လုပ် ခြင်းဖြစ်ပြီး တံ တားများမှာ ကွန်ကရစ်တံတားငယ်များသာ ဖြစ်သော်လည်း တန် ချိန် (၈၀)ခန့် တင်ဆောင်သွားလာနိုင်ကြောင်း သိရသည်။
အဆိုပါ တံတားများကို ၂၀၁၂ခုနှစ်၊ ဇန်န၀ါရီလကတည်းက လှိုင်းဘွဲ – ပိုင်ကျုံ၌ စတင် ဆောက်လုပ်ခဲ့ပြီး ဘားအံ-လှိုင်းဘွဲ တံတားများကိုမူ ၂၀၁၃ခုနှစ်၊ ဖေဖော်ဝါရီလဆန်းပိုင်းတွင် စတင် ဆောက်လုပ်နေ ခြင်းဖြစ်ရာ သွားလာရေး လွယ်ကူမှုများ ရှိလာ နိုင်သည်ဟု ဒေသခံလူထုက ပြောဆိုနေကြသည်။
လှိုင်းဘွဲမြို့နယ်၊ နောင်ဘိုရွာသားတစ်ဦးက “အခုတလော ကျနော်တို့ လှိုင်းဘွဲမြို့နယ်မှာ လမ်းတံတားများ ဆောက်လုပ်နေပါ တယ်။ ကျနော် တို့ ခရီးသွားလာတဲ့အခါ တံတားဆောက်တဲ့နေရာမှာ လမ်းလွဲလမ်း ရှိပါတယ်။ အဲဒီလမ်းလွဲလမ်းတို့ လမ်းသစ် ဖေါက်လုပ်ထားတဲ့ နေရာတို့မှာတော့ ဖုံတွေထတာတော့ ရှိတာပေါ့။ ဒါပေမယ့် တစ်ခဏပေါ့နော်။ ဒီဟာတွေပြီးရင် သွား ရေးလာ ရေး အများကြီး အဆင်ပြေလာ မယ် လေ။”ဟု ဆိုသည်။
ယခုဆောက်လုပ်သည့် လမ်းတံတားများ၏ ကုန်ကျစရိတ်ဘတ်ဂျက်ငွေများကိုမူလမ်းပန်းဆက်သွယ်ရေးဝန်ကြီးဌာနမှအတိအကျပြောဆိုခြင်း မရှိသော်လည်း ၎င်းလမ်း၊ တံတားများကြောင့် သွားလာရေး ပိုမို လွယ်ကူအဆင်ပြေလာမည်ဟု ဒေသခံပြည်သူ များက ပြောဆိုနေကြသည်။
No comments:
Post a Comment