ဒေါ်ကျင်သန်းက “အဲဒီနေ့မှာ လွှတ်တော်အစည်းအဝေးမှာ ရှိနေမယ်၊ ပိတ်ရက်တွေလည်း မဟုတ်တော့ အခမ်းအနား တက်ရောက်နိုင်မှာ မ ဟုတ်ဘူးလို့ ဒေါ်စုက ခန့်မှန်း ပြောပါတယ်၊ ဒါပေမယ့် အခြေအနေ ပေးခဲ့ရင်တော့ ကြိုးစားပါမယ်လို့ဆိုပါတယ်” ဟု ပြောသည်။
အကယ်၍ ဒေါ်အောင်ဆန်းစုကြည် အနေဖြင့် လူကိုယ်တိုင် မလာဖြစ်ခဲ့လျှင် သူမကိုယ်စား ပါတီအဖွဲ့ဝင်များ ကိုစေလွှတ်ပြီး သဝန်လွှာပေးပို့လိမ့်မည်ဟု ပြောကြားခဲ့သည်။
ထို့အပြင် ယင်းမွန်အမျိုးသားနေ့ အခမ်းအနားသို့ ရန်ကုန်တိုင်း ဒေသကြီး ဝန်ကြီးချုပ်ဦးမြင့်ဆွေ၊ ရန်ကုန် မြို့တော်ဝန်၊ ရန်ကုန်မြို့ အခြေစိုက် သံရုံးများမှ တာဝန်ရှိသူများ၊ ၈၈ မျိုးဆက် ကျောင်းသားများနှင့် တိုင်းရင်းသား ပေါင်းစုံတို့ကို ဖိတ်ကြားထားကြောင်း သိရသည်။
အခမ်းအနားကျင်းပမည့် ရန်ကုန်မြို့ ပြည့်သူ့ရင်ပြင်၌ ဖေဖော်ဝါရီလ ၂၃-၂၄-၂၅ ညများတွင်မွန်အမျိုးသား နေ့ ရန်ပုံငွေအနုပညာ ဂီတပွဲတော် နှင့် ဈေးရောင်းပွဲတော်များကိုလည်း ကျင်းပမည့်အစီအစဉ်ရှိ ကြောင်း ဒေါ်ကျင်သန်းက ဆက်ပြောသည်။
ဖေဖေါ်ဝါရီ ၂၃ ရက်နေ့ ညပိုင်းမွန်အမျိုးသားနေ့ အကြိုဂီတပွဲတော်တွင် နာမည်ကြီး အဆိုတော်များဖြစ်သည့် ချစ်ကောင်း၊ အဲလက်(စ်)၊ R ဇာ နည်း၊ ဖြိုးကြီး၊ လင်းလင်း၊ Smile Chan ၊ အဂ္ဂ၊ ကော်နီ၊ ထွန်းအိန္ဒြာ ဗိုလ်၊ ရှင်ဖုန်း၊ ဖြူဖြူကျော်သိန်း နှင့် နီနီခင်ဇော် တို့ပါဝင်သီဆိုကြ မည် ဟုသိရသည်။
ထို့နောက် ဖေဖေါ်ဝါရီ ၂၄ ရက်နေ့ ညပိုင်းတွင် မေတ္တာရွှေစင် အငြိမ့်အဖွဲ့က ဆက်လက်ဖျော်ဖြေ သွားမည် ဖြစ်သည်။
မွန်အမျိုးသားနေ့ဖြစ်သည့် ၂၆ ရက်နေ့ညနေပိုင်းတွင် အခမ်းအနားနှင့်ပျော်ပွဲရွှင်ပွဲများ ဆက်လက် ပြုလုပ်သွားမည်ဖြစ်ရာ ရိုးရာအကဖျော်ဖြေ ပွဲများနှင့် တက္ကသိုလ်ရောက် မွန်ကျောင်းသူ/သားများနှင့် ရန်ကုန်ရှိ မွန်လူငယ်များ၏ ရွေတိဂုံဘုရားသမိုင်း တခန်းရပ်ပြဇာတ်ကို ဖျော်ဖြေ သွားမည် ဖြစ်သည်။
ယခုနှစ်တွင် မွန်အမျိုးသားနေ့ဗဟိုအဆင့်အား မွန်ပြည်နယ်၊ ပေါင်မြို့တွင် ကျင်းပရန်စီစဉ်ထားပြီး ဖြစ်သည်။
နှစ်စဉ်နှစ်တိုင်းကျရောက်သော မွန်အမျိုးသားနေ့ ကျင်းပရေးဗဟိုအဆင့်အား အများသဘောတူညီပြီး အလှည့်ကျသည့်မြို့ရွာများတွင် မြို့နယ် အသီးသီး၏ ကိုယ်စားလှယ်များက သတ်မှတ်ကျင်းပရန် ဆုံးဖြတ် အတည်ပြုခဲ့ကြခြင်း ဖြစ်သည်။
မွန်အမျိုးသားနေ့ ကျင်းပရေးကော်မတီများ အနေဖြင့် နိုင်ငံရေးပါတီ အဖွဲ့အစည်းများအား ဖိတ်ကြားခဲ့သည့် အစဉ်အလာမရှိခဲ့သော်လည်း ယ ခုအခါ အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစု ကြည်အား ဖိတ်ကြားခဲ့ခြင်းမှာ ပထမဦးဆုံးအကြိမ် ဖြစ်သည်ဟု သိရသည်။
No comments:
Post a Comment