သမ္မတဦးသိန်းစိန်က အမျိုးသား ဒီမိုကရေစီ အင်အားစုပါတီမှ လွှတ်တော်ကိုယ်စားလှယ် ဒေါက်တာတင်ရွှေကို ဟိုတယ်နှင့် ခရီးသွားလာရေး ဒုတိယ၀န်ကြီးအဖြစ် ခန့်အပ်ပြီးနောက် တိုင်းရင်းသား စည်းလုံးညီညွတ်ရေးပါတီမှ ဧရာဝတီ တိုင်းဒေသကြီး ပန်းတနော်မြို့နယ်မှ ပြည်သူု့လွှတ်တော် ကိုယ်စားလှယ် ဦးမန်းမောင်မောင်ဥာဏ်၊ ချင်းတိုးတက်ရေးပါတီမှ ဟားခါးမြို့နယ် ပြည်သူ့လွှတ်တော်ကိုယ်စားလှယ် ဦးငွန် မောင်းတို့ နှစ်ဦးကို ပြည်ထောင်စု ရာထူးဝန်အဖွဲ့ အဖွဲ့ဝင်များအဖြစ် ခန့်အပ်ကြောင်း အမိန့်အမှတ် ၈/၂၀၁၃ ဖြင့် ယနေ့ကြေညာချက်ထုတ် ပြန်လိုက်ရာ ပါတီစုံအစိုးရ အသွင်ပြောင်းလဲရေး ဒုတိယခြေလှမ်းဖြစ်ကြောင်း လွှတ်တော်ကိုယ်စားလှယ်များက ပြောဆိုကြ သည်။
ပြည်ထောင်စုရာထူးဝန်အဖွဲ့သည် အစိုးရ၀န်ကြီးဌာနများတွင် အရာရှိများနှင့် ၀န်ထမ်းများရွေးချယ်လေ့ကျင့်ရေးအတွက် အဓိက ရည်ရွယ်ဖွဲ့စည်းထားသော အဖွဲ့ဖြစ်သည်။
ပြည်ထောင်စု ရာထူးဝန်အဖွဲ့ဝင်အဖြစ် ခန့်အပ်ခံလိုက်ရသော တိုင်းရင်းသား စည်းလုံးညီညွတ်ရေးပါတီမှ ဦးမန်းမောင်မောင်ဥာဏ်က သမ္မတ ဦးသိန်းစိန်က ရာထူးဝန်အဖြစ် မခန့်အပ်မီ ကြိုတင် အသိပေး သ ဘောထား တောင်းခံမှုများရှိခဲ့ပြီး ရာထူးဝန်အဖြစ် တရားဝင်ခန့်အပ်ခံရ ချိန် တွင် လွှတ်တော်ကိုယ်စားလှယ်အဖြစ်မှ လည်းကောင်း၊ တိုင်းရင်းသား စည်းလုံးညီညွတ်ရေးပါတီဝင်အဖြစ်မှလည်းကောင်း နုတ်ထွက် ထားရ ကြောင်း ဧရာဝတီသို့ပြောသည်။
“ကျနော့်သဘောထား ဆန္ဒကို ကြိုမေးတာတော့ရှိပါတယ်။ လက်ခံလိုက်တယ်။ ကျနော်တို့က အများအကျိုးအတွက် ကျရာနေရာကနေ လုပ် မယ်ဆိုတဲ့ ခံယူချက်ရှိထား တာကိုးဗျ။ ပေးတဲ့တာဝန်ကို အများအကျိုးအတွက် ဆောင်ရွက်ဖို့ လက်ခံတာပါ။ လွှတ်တော်ကိုယ်စားလှယ်အ ဖြစ်ကလည်း နုတ်ထွက်ရတယ်။ ပါတီဝင်အဖြစ်ကလည်း နုတ်ထွက်ရတယ်။ ပါတီထိပ်ပိုင်း အ ထက်လူကြီးတွေနဲ့ ညှိုနှိုင်း ဆွေးနွေးခွင့်ပြု ချက် ယူပါတယ်” ဟု ဦးမန်းမောင်မောင်ဥာဏ်က ဆိုသည်။
အမျိုးသား လွှတ်တော်ကိုယ်စားလှယ် ဦးဖုန်းမြင့်အောင်က သမ္မတဦးသိန်းစိန်သည် ပါတီစုံအစိုးရဖြစ်ပေါ်ရေး အတွက် လွှတ်တော်ဥက္ကဋ္ဌများ နှင့် ညှိုနှိုင်းပြီး နိုင်ငံရေးပါတီများမှ လွှတ်တော်ကိုယ်စားလှယ်များကို အစိုးရအဖွဲ့တွင် ရာထူးနေရာများ ပေးအပ်နေရာ များမကြာမီ အခြား နိုင်ငံရေးပါတီများမှ လွှတ်တော်ကိုယ်စားလှယ်များကိုလည်း အစိုးရအဖွဲ့အတွင်း ထည့်သွင်းလာလိမ့်မည်ဟု သုံးသပ်သည်။
“သိပ်မကြာခင် ဒေါ်အောင်ဆန်းစုကြည် ဥက္ကဋ္ဌအဖြစ် ဆောင်ရွက်တဲ့ NLD က အမတ်တွေကိုလည်း အစိုးရ အဖွဲ့အတွင်းမှာ ထည့်သွင်းတော့ မယ်လို့ မျှော်လင့်ပါတယ်။ ပါတီစုံ အစိုးရသွားချင်လို့ ပထမ အမျိုးသား ဒီမိုကရေစီ အင်အားစုပါတီက ဒေါက်တာတင်ရွှေကို ဒုဝန်ကြီးပေး၊ နောက်ထပ် ချင်းပါတီနဲ့ တစည ပါတီက အမတ်တွေကိုလည်း ၀န်ကြီးရာထူး အဆင့်ရှိတဲ့ ရာထူးဝန်ရာထူးပေးတာပေါ့။ ဒါကတော့ ထင်သာ မြင်သာရှိပါတယ်။ တခုပဲ အစိုးရသက်တမ်း တ၀က်ကျော်လောက်မှာမှ လုပ်တာဆိုတော့ နောက်ကျတယ်” ဟု ဦးဖုန်းမြင့်အောင်က ရှင်းပြ သည်။
သင်္ဃန်းကျွန်းင်္မြို့နယ် ပြည်သူ့လွှတ်တော်ကိုယ်စားလှယ်ဦးသိန်းညွှန့်ကလည်း သမ္မတဦးသိန်းစိန်သည် ပါတီစုံအစိုးရ ပုံစံကို အကောင်အ ထည်ဖော်မည်ဟု ကြိုတင်ပြောထားသည့်အတိုင်း လုပ်ဆောင်လာခြင်း ဖြစ် သည်ဟု သုံးသပ်သည်။
“ပြည်ထောင်စု ရာထူးဝန်ဆိုတာက ပြည်ထောင်စုဝန်ကြီးအဆင့်ရာထူးတွေပါ။ သမ္မတက ပြောတဲ့အထဲမှာ ဗိုလ်ချုပ်အောင်ဆန်းခေတ်ကလို အမျိုးသား စည်းလုံးညီညွတ် ရေး လုပ်မယ်ပြောတယ်။ ပါတီစုံဒီမိုကရေစီဆိုတော့ စနစ်ကို လက်ခံတော့ အစိုးရအဖွဲ့ကို ပြည်ခိုင်ဖြိုးအစိုးရ ပုံစံကနေ ပါတီစုံပါတဲ့ အစိုးရပုံစံအဖြစ် ကူးပြောင်းတာပေါ့။ ညွှန့်ပေါင်းအစိုးရ မဟုတ်ပေမယ့် ပါတီစုံ အစိုးရပုံစံ သွားတာပေါ့။ အခြား နိုင်ငံ ရေးပါတီတွေကိုလည်း မကြာခင်မှာ ကမ်းလှမ်းလာဦးမှာပဲ” ဟု ဦးသိန်းညွှန့်က ရှင်းပြသည်။
အမျိုးသား ဒီမိုကရေစီအဖွဲ့ချုပ်မှ လှည်းကူးမြို့နယ် ပြည်သူ့လွှတ်တော်ကိုယ်စားလှယ် ဦးဖြိုးမင်းသိန်းကမူ သမ္မတဦးသိန်းစိန်သည် ညီညွတ် ရေးနှင့် ပြန်လည်သင့်မြတ်ရေးအတွက် နီးစပ်သော နိုင်ငံရေးပါတီ များမှ အမတ်များကို အစိုးရအဖွဲ့အတွင်း ထည့်သွင်းလာခြင်းဖြစ်သည်ဟု ပြောသည်။
“အစိုးရအဖွဲ့ကို ညွှန့်ပေါင်းအစိုးရလိုမျိုး ပြင်ဖွဲ့တာတော့မဟုတ်ဘူး။ ညီညွတ်ရေးနဲ့ သင့်မြတ်ရေးလို့ ခေါင်းစဉ်နဲ့ ပါတီတွေက အမတ်တွေကို စခန့်တယ်လို့ထင်ပါတယ်” ဟု ဦးဖြိုးမင်းသိန်းကဆိုသည်။
သမ္မတဦးသိန်းစိန်က ပါတီစုံအစိုးရအဖွဲ့ ပုံစံပြောင်းလဲလာချိန်တွင် ဒေါ်အောင်ဆန်းစုကြည်ဦးဆောင်သော အမျိုးသားဒီမိုကရေစီအဖွဲ့ချုပ်ကို လည်း အစိုးရ၀န်ကြီးတနေရာ ပေးအပ်မည်ဆိုသော သတင်းများ လည်း ကျယ်ကျယ်ပြန့်ပြန့် ထွက်ပေါ်လျက်ရှိသည်။
No comments:
Post a Comment