ထိုင်းနိုင်ငံက သတင်းမီဒီယာတွေရဲ့ အဆိုအရ လာမယ့်အပတ် ဗုဒ္ဓဟူးနေ့ကနေ စနေနေ့အထိ မြန်မာနိုင်ငံက စစ်သင်္ဘော UMS 561 နဲ့ UMS 562 နှစ်စင်းဟာ ထိုင်းနိုင်ငံ ဖူးကက်ဆိပ်ကမ်းမှာ လာရောက် လှည့်လည်ကြည့်ရှုမှာ ဖြစ်ပါတယ်။ ထိုင်းနိုင်ငံဖက်က ရေတပ်နယ်မြေ အမှတ်သုံး ကတာဝန်ရှိသူတွေက ကြိုဆိုမှာဖြစ်တယ်လို့လည်း ဆိုပါတယ်။
ဒါဟာမြန်မာနိုင်ငံက စစ်သင်္ဘောအနေနဲ့ ထိုင်းနိုင်ငံကိုသွားရောက် လည်ပတ်မယ့် ပထမဦးဆုံးအကြိမ်ဖြစ်ပါတယ်။ အခုလို သွားရောက် လည် ပတ်ခြင်းဟာ ထိုင်းနဲ့မြန်မာ ၂နှစ်နိုင်ငံကြား ရေတပ်ဆက်ဆံရေး ကိုပိုမိုခိုင်မာစေပြီး မြန်မာနိုင်ငံအနေနဲ့ပိုမိုပွင့်လင်းလာတာကိုလည်း ပြသစေ ပါတယ်ဆိုပါတယ်။ စစ်တပ်ပူးပေါင်းဆောင်ရွက်နဲ့ ပူးတွဲကင်းလှည့်တာတွေကိုလည်း ပထမဦးဆုံးအ ကြိမ်အနေနဲ့ပြောဆိုဆွေးနွေး သွားဖို့ရှိ မယ်လို့လည်းသိရပါတယ်။
တချိန်တည်းမှာပဲ မြန်မာနိုင်ငံဖက်ကရေတပ်ဦးစီးချုပ် ဦးဉာဏ်ထွန်းကလည်းထိုင်းနိုင်ငံက ရေတပ်ဦးစီးချုပ် Surasak Runroengrom နဲ့တွေ့ဆုံဖို့အတွက် ဘန်ကောက်မြို့ကိုသွားရောက် မှာဖြစ်ပါတယ်။ အရင်တုန်းက ထိုင်းနိုင်ငံနဲ့မြန်မာနိုင်ငံရေတပ်တို့ဟာ တခါမှပူးတွဲကင်းလှည့်တာ တွေမလုပ်ခဲ့ဘူးလို့သိရပါတယ်။
No comments:
Post a Comment