တရားသူကြီးချုပ် အဖြစ် ခန့်အပ်ခံရသူမှာ ယခင်က ကျောက်ဖြူခရိုင် တရားသူကြီး ဒေါ်စန်းစန်းရီ ဖြစ်ကြောင်း သိရသည်။
ဒေါ်စန်းစန်းရီးအား ရခိုင်ပြည်နယ်တရားသူကြီးချုပ် အဖြစ်ခန့်အပ်လိုက်သည့်အကြောင်းကို နိုင်ငံတော်သမ္မတရုံး အင်တာနက် စာမျက်နှာတွင် အမိန့်အမှတ် (၄၉/ ၂၀၁၃)၊ နိုဝင်ဘာလ ၁၉ ရက် ရက်စွဲဖြင့်ဖော်ပြထားသည်။
ဒေါ်စန်းစန်းရီသည် ကျောက်ဖြူခရိုင်တရားသူကြီး အဖြစ် တာဝန်ထမ်းဆောင်စဉ်က တရုတ် ကုမ္ပဏီ CNPC ရုံးရှေ့တွင် ဆန္ဒထုတ်ဖော်ထုတ်၍ ထောင်ဒဏ် (၃)လ ချမှတ်ခံရသည့် ကိုထွန်းကြည် အပါအ၀င် ၁၀ ဦး၏ အမှုအား အယူခံဝင်သည့် အတွက် ထောင်ဒဏ် (၂ ) လသို့ ပြောင်းလဲ ချမှတ်ခဲ့သူ ဖြစ်သည်။
ဒေါ်စန်းစန်းရီသည် မြောက်ဦးမြို့တွင် စီးပွားရေး သမားအချင်းချင်း အကြား ဖြစ်ပေါ်ခဲ့သော ငွေအလွဲသုံးစားမူ တစ်ခုနှင့် ဆက်စပ်၍ ရာထူးမှ နုတ်ထွက်သွားသည်ဟု အများက ထင်ကြေးပေးနေသော ယခင် တရားသူကြီးချုပ် ဒေါ်စီစီ၏ နေရာတွင် ခန့်အပ်ခံရခြင်း ဖြစ်သည်။
No comments:
Post a Comment