Mizzima
တိုင်းရင်းသားလက်နက်ကိုင်အဖွဲ့တစ်ခုဖြစ်သည့် ချင်းအမျိုးသားတပ်ဦး(CNF)၏ ချင်းအမျိုးသားစစ်တပ် (CNA)သည် လက်နက်ကိုင် ပဋိပက္ခအတွင်း ကလေးများကို အကာအကွယ်ပေးသည့် Geneva Call၏ သဘောတူစာချုပ်နှင့် လက်နက်ကိုင် ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှုမှ တားမြစ်ခြင်းနှင့် လိင်ပိုင်းဆိုင်ရာ ခွဲခြားဆက်ဆံမှုများ ဆန့်ကျင်သည့် သဘောတူစာချုပ်ကို မတ်လ ၁၉ရက်ကလက်မှတ် ရေးထိုးလိုက်ပြီဖြစ်သည်။
ထိုသဘောတူစာချုပ်အရ CNF/CNA အနေဖြင့် ကလေးများကို အကာအကွယ်ပေးရေးနှင့် လိင်ပိုင်းဆိုင်ရာ အကြမ်းဖက်မှုမှ တားမြစ်ရေးအတွက် အပြည်ပြည်ဆိုင်ရာ စံနမူနာသတ်မ်ှချက် အမြင့်ဆုံးအတိုင်း လိုက်နာ ဆောင်ရွက်ရမည်ဖြစ်သည်။
အထူးသဖြင့် CNF/CNA အနေဖြင့် ၁၈နှစ်အောက် ကလေးငယ်များကို စစ်သားအဖြစ် စုဆောင်းခြင်း၊ စစ်ပွဲတွင် အသုံးပြုခြင်းကို ခွင့်မပြုရန်နှင့် ပဋိပက္ခအကျိုးဆက်မှ ကာကွယ်ရန်လည်း လုပ်ဆောင်ရမည်ဖြစ်သည်။ ထို့အပြင် မည်သည့် လိင်အကြမ်းဖက် ပုံစံမျိုးကိုမဆို ပြင်းထန်စွာ ပိတ်ပင်ရန်နှင့် ငြိမ်းချမ်းရေး လမ်းကြောင်းတွင် အမျိုးသမီးများ ပါဝင်ရန်လည်း CNFက အတည်ပြုလိုက်သည်။
CNF/CNA အနေဖြင့် မြန်မာနိုင်ငံတွင်ရှိသော လက်နက်ကိုင် အဖွဲ့များတွင် Geneva Call စာချုပ်ကို ပထမဆုံးသော လက်မှတ်ရေးထိုးခဲ့ သည့် အဖွဲ့လည်းဖြစ်သည်။
No comments:
Post a Comment