ဟိန်းကိုစိုး
လွှတ်တော်ပြင်ပမှ ဖွဲ့စည်းပုံပြင်ဆင်ရန် ကြိုးပမ်းသူများကို မိမိအနေဖြင့် ထောက်ခံပေးမည် မဟုတ်ဟု ဒေါ်အောင်ဆန်းစုကြည်ကနိုဝင်ဘာ ၅ ရက်တွင် ပြုလုပ်သည့် သတင်းစားရှင်းလင်းပွဲတွင် ပြောဆိုလိုက်သည်။
"ဖွဲ့စည်းပုံပြင်တာကို ဥပဒေဘောင်အတွင်းကနေ လုပ်ချင်တယ်။ လွှတ်တော်ပြင်ပက ပြင်ဖို့အားပေးတဲ့ သူတွေကို ထောက်ခံခြင်းမရှိပါဘူး။ တက်နိုင်သလောက် အတွင်းကလုပ်ရမယ်ဆိုတာ NLDရဲ့ ရပ်တည်ချက်ပါ" ဟု ၎င်းကဆိုသည်။
ပြည်သူများအကျိုးအတွက် အမျိုးသားဒီမိုကရေစီအဖွဲ့ချုပ် တစ်ခုတည်းသာမဟုတ်ဘဲ တစ်ခြားအင်အားစုအားလုံးက ပူးပေါင်း ကြိုးပမ်းရန် ဒေါ်အောင်ဆန်းစုကြည်က တိုက်တွန်းခဲ့သည်။
အစိုးရနှင့် အပစ်ခတ်ရပ်စဲရေး ညှိနှိုင်းနေသည့် တိုင်းရင်းသားလက်နက်ကိုင်တို့က ဖွဲ့စည်းပုံကို လွှတ်တော်အတွင်းပင်ဆင်ခြင်းထက်၊ ပြင်ပမှ ပြင်ဆင်ရန် ကြိုးပမ်းနေကြသည်။
လွှတ်တော်ပြင်ပ ပြင်ဆင်မှုအတွက် နိုင်ငံရေးအင်အားစုအားလုံးပါဝင်သည့် ညီလာခံမှ တစ်ဆင့် ပြင်ဆင်ရန် ၈၈ ငြိမ်း/ပွင့် အဖွဲ့ကလည်းတိုင်းရင်းသားများနှင့် ပူးပေါင်းဆောင်ရွက်ရန် ငွေရတု အကောင်အထည်ဖော်ရေး ကော်မတီ တစ်ရပ်ဖွဲ့စည်းကာ ညှိနှိုင်းနေသည်။
အမျိုးသားဒီမိုကရေစီအဖွဲ့ချုပ်ကိုယ်တိုင်ကလည်း ၈၈ ငြိမ်း/ပွင့် အဖွဲ့နှင့် ပူးပေါင်းကာ ဇွန်လနှင့် ဇူလိုင်လအတွင်း ဖွဲ့စည်းပုံအခြေခံဥပဒေပုဒ်မ ၄၃၆ ပြင်ဆင်ရေးအတွက် ပြည်သူ့သဘောဆန္ဒ လက်မှတ်များကောက်ခံခဲ့သည်။
No comments:
Post a Comment