“ကလေးမလေးက လတ်တလောမှာ ဆေးကုသနေတယ်။ နောက်ဆုံးအခြေအနေ ဆေးစာရတာနဲ့ တပြိုင်နက် အိမ်ရှင်ကို ဖမ်းဆီးပြီး တရားရုံးမှာ တရားစွဲမယ်။ အိမ်ရှင်ကို စစ်ဆေးတော့ သူရိုက်တဲ့အကြောင်း ပြောတယ်။ တချို့ဟာကတော့ အနာဖြစ်တဲ့ အမာရွတ်လို့ဆိုတယ်။ သက်သေခံ ပစ္စည်းတွေကိုလည်း သိမ်းဆည်းပြီးပြီ”ဟု ဒဂုံမြောက်ပိုင်း ရဲစခန်းမှ ရဲအုပ် ချစ်လွင်က ပြောသည်။
ထိုအမှုနှင့် ပတ်သက်ပြီး အိမ်ရှင်ဖြစ်သူ ဒေါ်အေးဝင်းကို ပ/၃၆၅/၂၀၁၅ အရ ရိုက်နှက်မှု ပုဒ်မ ၃၂၅၊ အနိုင့်အထက်ပြုမှု ပုဒ်မ ၃၅၄၊ ဆဲဆိုမှု ပုဒ်မ ၂၉၄ နှင့် ခြိမ်းခြောက်မှု ပုဒ်မ ၅၀၆ တို့ဖြင့် ဇူလိုင် ၁၅ ရက်က ဒဂုံမြောက်ပိုင်း မြို့မရဲစခန်းတွင် အမှုဖွင့်ထားပြီး ဒေါ်အေးဝင်းကို အာမခံပေးထားကြောင်း သိရှိရသည်။
ရိုက်နှက်နှိပ်စက်ခံရသူ အိမ်အကူ မသန်းသန်း၏ ဒဏ်ရာအခြေအနေနှင့် ပတ်သက်ပြီး သက်ဆိုင်ရာ ဆရာဝန်ထံမှ ဆေးစာရယူမည် ဖြစ်ကြောင်း၊ ဆေးစာတွင် ပါရှိသည့် ဒဏ်ရာအနေအထားပေါ် မူတည်၍ အိမ်ရှင် ဒေါ်အေးဝင်းအား လက်ရှိစွဲဆိုထားသည့် ပုဒ်မများကို ပြောင်းလဲသင့်ပါက ပြောင်းလဲတိုင်ကြားသွားမည် ဖြစ်ကြောင်း အိမ်အကူ မသန်းသန်း၏ ဦးလေးဖြစ်သူ ကိုမျိုးဦးက သိရသည်။
“မြောက်ဥက္ကလာပ ဆေးရုံကြီးမှာ ဆေးကုသနေပါတယ်။ ဆေးရုံက သောကြာနေ့ (ဇူလိုင် ၃၁ ရက်) မှာ ပြန်ပြရမယ်။ လက် က အနာတွေကတော့ ရင်းနေတုန်းပဲ။ ခေါင်းမှာလည်း အနာရှိသေးတယ်။ ကျနော်တို့က မိခင်နှင့်ကလေးအဖွဲ့၊ အမျိုးသမီး ရေးရာခရိုင် အဖွဲ့အထိ တိုင်ထားတယ် ” ဟု ကိုမျိုးဦးက ဧရာဝတီကို ပြောသည်။
အိမ်အကူ မသန်းသန်းသည် ၂၀၁၃ ခုနှစ်မှ စတင်ပြီး အဆိုပါနေအိမ်တွင် အိမ်အကူအဖြစ် လုပ်ကိုင်ခဲ့ကြောင်း၊ အိမ်ရှင် ဒေါ်အေးဝင်းက မသန်းသန်းကို ဦးခေါင်း၊ လက်၊ ခြေနှင့် ကျောဘက်တို့ကို သံဆူးကြိုး၊ သံယောင်းမတို့ဖြင့် ရိုက်နှက် နှိပ်စက်ခဲ့သည့်အတွက် ကာယကံရှင်၏ ခန္ဓာကိုယ် တခုလုံးတွင် အမာရွတ်များ၊ ဒဏ်ရာများဖြင့် ပြည့်နှက်နေကြောင်း၊ လတ်တလော ရရှိထားသည့် ဒဏ်ရာများကို မြောက်ဥက္ကလာပ ဆေးရုံကြီးတွင် တက်ရောက်၍ ဆေးကုသမှု ခံယူ နေဆဲ ဖြစ်ကြောင်း ကာယကံရှင် မိသားစု၏ ပြောဆိုချက်အရ သိရှိရသည်။
No comments:
Post a Comment