သူ့ရဲ့ ကိုယ်ပိုင် ဖေ့စ်ဘွတ်ခ်စာမျက်နှာကနေ သြဂုတ် ၁၅ ရက်နေ့ ညနေပိုင်းက အခုလို ရေးသားထုတ်ဖော်ပြောကြားလိုက်တာပါ။
သူ့အနေနဲ့ အသက်အရွယ်ရရှိလာပြီ များများစားစား မကျန်တော့တဲ့အချိန်မှာ နိုင်ငံနဲ့ နိုင်ငံသားများ အကျိုးစီးပွားဖြစ်ထွန်းရေးသာ အဓိကဦးတည်ဆောင်ရွက်ဖို့ ဆန္ဒအမှန် ရှိတယ်လို့ ဆိုပါတယ်။
ဒါကြောင့် ပြည်သူ့ကိုယ်စားလှယ်၊ လွှတ်တော်ဥက္ကဋ္ဌအဖြစ် အခွင့်အရေးရတဲ့အချိန်မှာ လွှတ်တော်ကိုလည်း လက်ညှိုးထောင်ခေါင်းညိတ် လွှတ်တော် အဖြစ်မခံဘဲ ဒီမိုကရေစီ လွှတ်တော် ဖြစ်အောင် ဆောင်ရွက်ခဲ့ကြောင်း၊ ဒီလို ဆောင်ရွက်တဲ့ အချိန်ကစပြီး အခက်အခဲများစွာ ကြုံတွေ့ခဲ့ရတယ်ဆိုပြီး ရေးသားထားပါတယ်။
ဒီလို ရေးသားတာဟာ ပါတီ ဥက္ကဋ္ဌ ရာထူးကနေ ဖြုတ်ချခံရအပြီးမှာ ဒုတိယ အကြိမ်ဖြစ်ပြီး သြဂုတ် ၁၄ ရက်နေ့တုန်းကလည်း “ပြည်သူများ၏ ကောင်းကျိုးချမ်းသာအတွက် ပြည်သူများနှင့်အတူ နောက်ဆုံးအချိန်အထိ ဆက်လက်ဆောင်ရွက်သွားပါမယ်” ဆိုပြီး ကတိပြု ရေးသားခဲ့ပါတယ်။
No comments:
Post a Comment