မဇ္ဈိမသတင်းဌာန
သြဂုတ် ၁၃ ရက်တွင် ပြည်ခိုင်ဖြိုးပါတီ နေပြည်တော်ဌာနချုပ်၌ ပါတီဦးဆောင်ကော်မတီဝင်များ အစည်းအဝေးလုပ်နေသော်လည်း ဥက္ကဋ္ဌ သူရဦးရွှေမန်းနှင့် အတွင်းရေးမှူး ဦးမောင်မောင်သိမ်းတို့မှာမူ အစည်းအဝေးတက်ခွင့်မရဟု သိရသည်။ -
သို့သော် ၎င်းတို့နှစ်ဦးမှာ နေပြည်တော်နေအိမ်၌ပင် လက်ရှိအချိန်အထိ ကျန်းကျန်းမာမာ ရှိနေသေးကြောင်း ဦးမောင်မောင်သိမ်းကဆိုသည်။ ပြည်ထောင်စုလွှတ်တော်နာယက သူရဦးရွှေမန်း၏ နေအိမ်တွင် အစောင့်များချထားသည်ဟု သတင်းများ လည်း ထွက်ပေါ်နေသည်။
ပြည်ထောင်စုကြံ့ခိုင်ရေးနှင့်ဖွဲ့ဖြိုးရေးပါတီ-ပြည်ခိုင်ဖြိုးမှ လွှတ်တော်အမတ်လောင်းများဆိုင်ရာ အစည်းအဝေး ကျင်းပသည့် သြဂုတ် ၁၂ ရက်ညပိုင်း၌ လုံခြုံရေးတပ်ဖွဲ့ဝင်များ သည် ပြည်ခိုင်ဖြိုး နေပြည်တော်ဌာနချုပ်ရုံးသို့ ၀င်ရောက်မှုများလည်းရှိခဲ့သည်။ တပ်မတော်သားများ၊ ရဲတပ်ဖွဲ့ဝင်များပါဝင်သည့် ထရပ်ကားများဖြင့် သြဂုတ် ၁၂ ရက် ည ၁၀ နာရီခန့်တွင် ဌာနချုပ်ရုံးဝင်းအတွင်းသို့ ရောက်ရှိကြကြောင်း သိရသည်။ ပါတီဥက္ကဋ္ဌလည်းဖြစ်သူ သူရဦးရွှေမန်း၏သား ဦးတိုးနိုင်မန်းက "မနေ့ညက ပါတီဝင်းအတွင်းကို ရဲတွေဝင်သွားကြတယ်။
အဲဒီနောက် ဘယ်သူမှဝင်ထွက်ခွင့်မရှိတော့ပါဘူး။" ဟု AFP သို့ပြောသည်။ နေပြည်တော်ရှိ သူ၏ဖခင် သူရဦးရွှေမန်း၏ အိမ်အတွင်း၌လည်း အစောင့်တပ်ဖွဲ့ဝင်များ ချထားသည်ဟုလည်း ဦးတိုးနိုင်မန်းက ပြောသည်။
No comments:
Post a Comment