ဖနိဒါ
တစ်နိုင်ငံလုံး အပစ်အခတ် ရပ်စဲရေးစာချုပ်မူကြမ်း(NCA) လက်မှတ်ရေးထုိုးရန် အစုိုးရဘက်မှ တုိုင်းရင်းသား လက်နက်ကုိုင် အဖွဲ့အစည်းများကုို တစ်ဖွဲ့ချင်းအလုိုက် ဖိတ်ခေါ်စာပုို့မှုအပေါ် သံသယ ရှိနေကြောင်း တစ်နိုင်ငံလုံး အပစ်အခတ် ရပ်စဲရေးညှိနှိုင်းရေးအဖွဲ့ (NCCT) ခေါင်းဆောင် နုိုင်ဟံသာက ပြောသည်။
အစုိုးရဘက်မှ NCA လက်မှတ်ရေးထုိုးမည့် ရက်သတ်မှတ်နိုင်ရေးအတွက် စက်တင်ဘာ ၂၀ရက်တွင် ဆွေးနွေးရန် တုိုင်းရင်းသား လက်နက်ကုိုင် အဖွဲ့အစည်း ၁၅ ဖွဲ့အား တစ်ဖွဲ့ချင်း ဖိတ်ခေါ်မှုအပေါ် သံသယ ရှိနေခြင်း ဖြစ်သည်။
“သူတုို့နဲ့ ဆွေးနွေးနေတာ အက်စ်ဒီအနေနဲ့ ဆွေးနွေးတယ်။ အက်စ်ဒီအနေနဲ့ ဆွေးနွေးနေတဲ့အနေအထားမှာ သူတို့ အဲဒီကိစ္စဆွေးနွေးချင်တယ်ဆုိုရင် အက်စ်ဒီကို တိုက်ရိုက် (Direct)ပြုလုပ်ဖုို့ သင့်တယ်လုို့ မြင်တယ်။ အခုက အဲဒီလုို မဟုတ်ဘူး။ တဖွဲ့ချင်းဆီကုို လုိုက်ပြီး ဖိတ်ခေါ်နေတယ်။ အဲဒီအပေါ်မှာ အမြင်မကောင်းဘူး။ အမှန်ကတော့ အက်စ်ဒီနဲ့ တိုက်ရိုက် စုပေါင်းပြီးတော့ ဆွေးနွေးနေတဲ့ကာလမှ တဖွဲ့ချင်းဆီကို လိုက်ဖိတ်ပြီးတော့ လုပ်နေတဲ့ကိစ္စက တိုင်းရင်းသားတွေကို ခွဲပြီးတော့မှ လုပ်နေတဲ့သဘောလားလုို့”ဟု နုိုင်ဟံသာက မဇ္ဈိမကို ပြောသည်။ လက်ရှိ အက်စ်ဒီအနေဖြင့် အစုိုးရနှင့် ဆွေးနွေးနေသဖြင့် အဆင့်မြင့်ညှိနှိုင်းရေးကုိုယ်စားလှယ်အဖွဲ့နှင့် တိုက်ရိုက် ညှိနှိုင်းပါရန် ယနေ့ ဆွေးနွေးဆုံဖြတ်ပြီးနောက် အသိပေးအကြောင်းကြားလုိုက်ပြီ ဖြစ်ကြောင်း နိုင်ဟံသာက ပြောသည်။
စက်တင်ဘာလ ၁၇ ရက်နှင့် ၁၈ ရက် နှစ်ရက်ကြာ ထုိုင်းနုိုင်ငံ ချင်းမုိုင်မြို့တွင် အဆင့်မြင့် ညှိနှိုင်းရေး ကုိုယ်စားလှယ်အဖွဲ့ (အက်စ်ဒီ) အစည်းအဝေးတွင် စက်တင်ဘာလ ၉ ရက်က တိုင်းရင်းသား ထိပ်သီးခေါင်းဆောင် ၅ ဦးနှင့် အဆင့်မြင့် ညှိနှိုင်းရေး ကုိုယ်စားလှယ်ဖွဲ့ ခေါင်းဆောင် ၃ ဦးတုို့ နေပြည်တော်တွင် အစုိုးရနှင့် တွေ့ဆုံဆွေးနွေးမှုကုို ပြန်လည် သုံးသပ်ခဲ့သည်ဟု သူက ပြောသည်။ ထုို့ပြင် သမ္မတ ဦးသိန်းစိန်က ကိုးကန့်တပ်မတော်ကိစ္စအား သီးသန့်ဆက်သွယ်နေသည်ဟု ပြောဆိုသော်လည်း မြန်မာအမျိုးသား ဒီမိုကရေစီ မဟာမိတ် တပ်မတော်-ကိုးကန့်တပ်ဖွဲ့ (MNDAA)ကို ယခုထိ မည်သုို့ ဆက်သွယ်ဆွေးနွေးလာခြင်း မရှိသေးသလုို၊ ပလောင် (တအာင်း) အမျိုးသားလွတ်မြောက်ရေး တပ်မတော် (TNLA)ကုိုလည်း သီးခြား အပစ်အခတ် ရပ်နုိုင်ရန်အတွက် အမြန်ဆုံး ဆွေးနွေးမည်ဟု ပြောဆုိုမှုနှင့်ပတ်သက်၍လည်း အစုိုးရဘက်မှ ယခုချိန်ထိ ဆက်သွယ်ခြင်း မရှိသဖြင့် ဝန်ကြီး ဦးအောင်မင်း၏ ပြောဆုိုမှုအပေါ် သံသယ ဖြစ်နေသည်ဟု နုိုင်ဟံသာက ပြောသည်။
“အဲဒါတွေက သဘောက ဦးအောင်မင်းတုိ့က စကားလှအောင် ပြောနေတာလားလုို့ သံသယဖြစ်တယ်။ နောက် အေအေ အဖွဲ့မှာ ထားတဲ့ သဘောထားကလည်း အေအေဖွဲ့က ဖြစ်နုိုင်ချေမရှိဘူး။ ကောင်းတဲ့အမြင်တော့ မဖြစ်နုိုင်ဘူးဆုိုပြီး အေအေက မြင်နေတယ်”ဟု သူက ပြောသည်။ တိုင်းရင်းသား လက်နက်ကုိုင် အဖွဲ့အစည်း ၁၅ ဖွဲ့မှ ၇ ဖွဲ့သာ NCAလက်မှတ်ရေးထုိုးနုိုင်ဖွယ်ရှိနေသည်ဟု ပြောဆုိုမှုများရှိနေသော်လည်း လာမည့် တုိုင်းရင်းသား ထိပ်သီးခေါင်းဆောင်များ၏ အစည်းအဝေးတွင် ဆွေးနွေးဆုံးဖြတ်ကြမည် ဖြစ်ကြောင်း နုိုင်ဟံသာက ပြောသည်။
တုိုင်းရင်းသားခေါင်းဆောင်များ၏ ထိပ်သီးအစည်းအဝေးကုို ထုိုင်းနုိုင်ငံ ချင်းမုိုမြို့တွင် လာမည့် စက်တင်ဘာလ ၂၈ ရက်တွင် စတင်ကျင်းပရန် ဆွေးနွေးထားသည်ဟု သူက ဆုိုသည်။ ကချင်ပြည်နယ်နှင့် ရှမ်းပြည်နယ် မြောက်ပုိုင်းတွင် အစုိုးရစစ်တပ်က ထုိုးစစ်ဆင်တိုက်ခုိုက်နေမှုအပေါ် SD အစည်းအဝေးတွင် ထည့်သွင်း ဆွးနွေးခြင်း မရှိသော်လည်း အစုိုးရအပေါ် ယုံကြည်မှု ကျဆင်းသွားကြောင်း နိုင်ဟံသာက ပြောသည်။
No comments:
Post a Comment