သဘာဝဘေးခံစားရသော်လည်း ကမ္ဘာလှည့်ခရီးသည် ၄ဒသမ ၅သန်း မျှော်မှန်း

ဦးလွင်

မြန်မာနိုင်ငံအနေဖြင့် သဘာဝဘေးအန္တရာယ်ခံစားရသော်လည်း ၂၀၁၅ခုနှစ် ခရီးသွားရာသီတွင် ကမ္ဘာလှည့် ခရီးသည် (၄.၅)သန်း လက်ခံရရှိရန် မျှော်မှန်းထားကြောင်းနှင့် သဘာဝဘေးအန္တရာယ်ကြောင့် ခရီးသွားလုပ်ငန်းအပေါ် သက်ရောက်နိုင်သည့် အန္တရာယ်များကို ပူးတွဲလုပ်ဆောင်ခြင်းဖြင့် လျော့ချနိုင်ရန် ဖိတ်ခေါ်ကြောင်း ဒုတိယသမ္မတဦး ဥာဏ်ထွန်းကပြောကြားသည်။

၎င်းက နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန (၂)တွင် ကျင်းပခဲ့သည့် ကမ္ဘာ့ခရီးသွားလုပ်ငန်းနေ့ အခမ်းအနားတွင် ပြောကြားခဲ့ခြင်းဖြစ်သည်။ ထို့ပြင် သဘာဝဘေးအန္တရာယ်ကို လိုက်လျောညီထွေ ဖြစ်စေမည့် ခရီးသွားလုပ်ငန်း အစီအမံများကို ဖန်းတီးရေးတွင် အာရုံစိုက်၍ ဆောင်ရွက်ရန် ကိစ္စသည် အစိုးရနှင့် ပုဂ္ဂလိကလုပ်ငန်းအဖွဲ့အစည်းများ ထပ်တိုး ဆောင်ရွက်ရမည့် လုပ်ငန်းတစ်ရပ်ဖြစ်ကြောင်းလည်း ဒုတိယသမ္မတ ဦးဥာဏ်ထွန်းက ကမ္ဘာ့ခရီးသွားလုပ်ငန်း နေ့ အခမ်းအနားတွင် ပြောကြားခဲ့သည်။

“ယဉ်ကျေးမှုအမွေးအနှစ်ဒေသများကို ကာကွယ်နိုင်မယ့် သင့်လျော်တဲ့ အန္တရာယ်ကျရောက်မှု စီမံခန့်ခွဲ ရေးဆိုင်ရာလမ်းညွှန်ချက်များ ချမှတ်သင့်ပါတယ်။ ဘေးအန္တရာယ် ကျရောက်နိုင်ခြေဆိုသည်မှာ ယဉ်ကျေးမှုဒေသတစ်ခု အနေဖြင့် ကျရောက်မည့်အန္တရာယ်အပေါ် ခံနိုင်ရည်စွမ်းမရှိမှုပင်ဖြစ်ပါတယ်” ဟု ၎င်းက ပြောသည်။

မြန်မာနိုင်ငံ၏ ရေးကြီးဖြစ်စဉ် ပြန်လည်ထူထောင်ရေးကာလအတွင်း ခရီးသွားလုပ်ငန်းပွင့်လင်းရာသီ နှင့် တိုက်ဆိုင်နေကြောင်း ၂၀၁၄ခုနှစ်တွင် မြန်မာနိုင်ငံအတွင်း ကမ္ဘာ့လှည့်ခရီးသည် (၃.၀၈)သန်းလာရောက်ခဲ့ ကြောင်းနှင့် ယခုနှစ်တွင် မြန်မာနိုင်ငံအနေဖြင့် သဘာဝဘေးအန္တရာယ်ခံစားခဲ့ရသော်လည်း ကမ္ဘာ့လှည့်ခရီး သည် (၄.၅)သန်းလက်ခံရရှိမည်ဟု မျှော်မှန်းထားကြောင်းလည်း ပြောကြားခဲ့သည်။ ထို့ကြောင့် မြန်မာနိုင်ငံသို့ လာရောက်လည်ပတ်သည့် ကမ္ဘာ့လှည့်ခရီးသွားများအတွက် E visa နှင့် Visa on Arrival စနစ်ကို အကောက်အထည်ဖော်ခြင်းဖြင့် ဗီဇာလိုအပ်ချက်ဖြေလျော့မှုကို ဆက်လက်ဆောင် ရွက်သင့်ကြောင်း ပြောကြားခဲ့သည်။

မြန်မာနိုင်ငံသည် ထိုင်းနိုင်ငံနှင့် နိုင်ငံတကာလေဆိပ်မှ ဝင်ရောက်သည့် ခရီးသွားများအတွက် Entry Visa ကင်းလွှတ်ခွင့် ရရေးအတွက် ၂၀၁၅ ဇူလိုင် (၂၈)ရက်နေ့တွင် သဘောတူလက်မှတ် ရေးထိုးထားကြောင်း သိရသသည်။