ကယား(ကရင်နီ) ပြည်နယ်တွင် ပြုလုပ်သည့် ငြိမ်းချမ်းရေးဖိုရမ်ကို နိုင်ငံတော် သမ္မတရုံး ညွန်ကြားချက်ကြောင့် ဖျက်သိမ်းလိုက်ရကြောင်း သိရသည်။
လွိုင်ကော်ခရိုင် အထွေထွေအုပ်ချုပ်ရေးရုံးမှတဆင့် နုတ်ဖြင့် ဖိုရမ်ကျင်းပပြုလုပ်ခွင့်ကို တားမြစ်ခဲ့ခြင်းဖြစ်ကြောင်း သိရသည်။
“ဘာကြောင့် မလုပ်ခိုင်းတာလဲ၊ ဘာကြောင့်ကန့်ကွက်တာလဲ၊ ဘာရည်ရွယ်ချက်နဲ့လဲ ဆိုတာကို ကျွန်တော်တို့ကို လုံးဝ ဖြေရှင်းချက်မပေးပါဘူး၊ ကျွန်တော်တို့ တရားဝင်စာတောင်းပါတယ်၊ ... ဒါပေမယ့် သူတို့ဘက်ကနေပြီးတော့ မရှိဘူး ဆိုတဲ့အကြောင်း ကျွန်တော်တို့ကို ပြောသွားတာပေါ့နော”ဟု ငြိမ်းချမ်းရေး ဖိုရမ်ကို ဦးဆောင်စီစဉ်သူ ဦးဗညားကပြောသည်။
တားမြစ်ထားသည့် ကြားမှ ငြိမ်းချမ်းရေးဖိုရမ်ကို ဆက်လက်ပြုလုပ်လျှင် မလိုလားအပ်သော ပြဿနာများ ဖြစ်ပွားလာနိုင်ကြောင်း ကိုလည်း ထွေအုပ်ရုံးမှ သတိပေးပြောကြားမှုများ ရှိခဲ့ကြောင်း သိရသည်။
ယခုလို နိုင်ငံရေး အပြောင်းအလဲ ကာလတွင် လက်ရှိအစိုးရက ငြိမ်းချမ်းရေးဖိုရမ်ကို တားမြစ်လိုက်ခြင်းသည် အစိုးရ၏ မပြောင်းလဲသေးသော အခြေအနေတခုကို ဖေါ်ပြသည့်သဘောဖြစ်ကြောင်း ကရင်နီလူငယ်များသမဂ္ဂမှ ဗဟိုအလုပ်အမှုဆောင် ဦးကျော်ထင်အောင်ကပြောသည်။
ငြိမ်းချမ်းရေး ဖိုရမ်ကို ရပ်ဆိုင်းလိုက်ရသော်လည်း ငြိမ်းချမ်းရေး နှင့်ပတ်သက်၍ လူထုကြား ပညာပေးလုပ်ငန်းများ၊ အုပ်စုဖွဲ့ဆွေးနွေးမှု အစီစဉ်များဖြင့် ဆက်လက် လုပ်ဆောင်သွားမည်ဖြစ်ကြောင်း ဦးဗညားကဆိုသည်။
ငြိမ်းချမ်းရေးဖိုရမ်ကို ဖေဖော်ဝါရီလ ၁၈ ရက်နေ့မှ ၁၉ ရက်နေ့ တွင် ကျင်းပရန်စဉ်ခဲ့ခြင်းဖြစ်သည်။
ဖိုရမ်ကျင်းပမည့်ရက်တွင် နိုင်ငံရေးပါတီများ၊ တိုင်းရင်းသား လက်နက်ကိုင်အဖွဲ့အစည်းများ ( KNPP, ကလလတ,KnPDP) ၊လူမှုအသင်းအဖွဲ့များ၊ လူထုများ ပါဝင်တက်ရောက်လာခဲ့ကြပြီး စုစုပေါင်း လူဦးရေ ၁၅၀ ခန့် တက်ရောက်လာခဲ့ကြသော်လည်း တားမြစ်မှုကြောင့် ညီလာခံကို ရပ်ဆိုင်းလိုက်ရသည်။
No comments:
Post a Comment