တင်ရွှေ-ဒေါင်းလူ
မင်းဘူး /စကုမြို့နယ် ထုံးမကြီးကျေးရွာသည် ဧရာဝတီမြစ် ကမ်းပါးပြို မှုများကြောင့် ရွာမြေမရှိနည်းပါသွား ခဲ့သည့် အတွက် ဧပြီ ၂၁ ရက်နေ့က ရွာသူရွားသားများ၏ ဆန္ဒပေါ်မူတည်၍ နေရာသစ်များစနစ်တကျပြန်လည် ထူထောင်ရေးလုပ်ငန်းများကို တာဝန်ရှိသူများမှ ဆောင်ရွက်ပေး ခဲ့ကြောင်း ဒေသခံ ပြည်သူ များထံမှ သိရှိရသည်၊ မင်းဘူး/စကုမြို့နယ် လွှတ် တော်ကိုယ်စားလှယ်များ၊ မြို့နယ်အုပ်ချုပ်ရေးမှူးနှင့် တာဝန်ရှိသူများ၊ မြေစာရင်းနှင့် ကျေးလက်ဦးစီးဌာန အပါအဝင်၊ကျေးရွာအုပ်စုတာဝန်ရှိသူများနှင့်အတူ ထုံးမကြီးကျေးရွာ စာသင်ကျောင်းတွင် တွေ့ဆုံ ညှိနှိုင်းကူညီပေးခဲ့ကြကြောင်းသိရှိရသည်။
တိုင်းဒေသကြီးလွှတ်တော်ကိုယ်စားလှယ် ဦးနေမျိုးကျော်က "ကိုယ်စားလှယ်တွေရယ်၊ မြို့နယ်အုပ်ချုပ်ရေးမှူးနဲ့ တာဝန်ရှိသူတွေဟာ ရွာခံတွေရဲ့အသံကိုနားထောင်ပြီး ရွာမြေနေရာသစ်၊ ကွင်းအတွင်းလမ်း၊ ရွာလယ်ဓမ္မာရုံ၊ဘုန်းကြီးကျောင်း၊ရေတွင်းအပါအဝင်၊ရေရှည်မှာ ရွာဖွဲ့စည်းပုံအင်္ဂါရပ်များပါဝင်ထူထောင်သွားနိုင်စေဖို့ရည်ရွယ်ဆောင်ရွက်ခဲ့တာဖြစ်ပါတယ်" ဟုပြောသည်။ ထုံးမကြီးကျေးရွာ တောင်သူ ဒေါ်မြဌေးက အခုအကွက်ရိုက် ပေးတာ "အိမ်ခြေ ၁၂၀လောက် ရှိပါတယ်၊ရွာဟောင်းမှာ အိမ်ခြေ ၆၀လောက် ကျန်သေးတယ် ၊သူတို့လည်း မြေကွက်အတွက် စရံပေးထား ကြပါတယ်၊ အခု လွှတ်တော်ကိုယ်စားလှယ်တွေရယ် မြို့နယ်တာဝန် ရှိသူတွေက ကျွန်မတို့ ပြည်သူတွေ ဖြစ်စေချင် တာကို အတတ်နိင်ဆုံး စနစ်တကျ ဆောင်ရွက်ပေးတယ်အတွက် ဝမ်းသာရပါတယ်" ဟုပြောသည်။
No comments:
Post a Comment