ရခိုင်ပြည်နယ် တောင်ကုတ်မြို့မှ ရမ်းဗြဲမြို့ နယ် စကုသို့ သွားသော စက်လှေ တစ်စီး ယနေ့ နံနက် နစ်မြုပ်ရာ ၃ ဦးသေဆုံးပြီး ၃ ဦးပျောက်ဆုံးနေကြောင်း သိရသည်။
၎င်းစက်လှေ တောင်ကုတ်မြို့နယ် ခေါင်းလောင်းတူ ကျေးရွာနှင့် ၆ ဖာလုံခန့် အကွာအဝေးတွင် ရှိသော နတ်ကန်မြစ်တွင် နစ်မြုပ်သွားခဲ့ခြင်း ဖြစ်ကြောင်း တောင်ကုတ်မြို့နယ် ရဲတပ်ဖွဲ့ မှူးရုံးမှ အတည်ပြု ပြောကြားသည်။
စက်လှေပေါ်တွင် အမျိုးသမီး ၁၀ ဦးနှင့် အမျိုးသား ၁၀ ဦးပါဝင်ပြီး အမျိုးသမီး ၄ ဦးကို အသက်ရှင် ကယ်တင်နိုင်ခဲ့သည်ဟု သိရသည်။
“ အမျိုးသားတွေနဲ့ အမျိုးသမီး ၄ ဦးကို အသက်ရှင် ကယ်တင်နိုင်ခဲ့တယ်။ ၃ ဦးရဲ့ အလောင်းရရှိထားပြီး နောက်ထပ် အမျိုးသမီး ၃ ဦးက ပျောက်ဆုံးနေသေးတယ်” ဟု တောင်ကုတ်မြို့နယ် ရဲတပ်ဖွဲ့မှူးရုံးက ပြောသည်။
“ကျွန်တော်တို့ အခင်းဖြစ်ပွားရာနေရာကို သွားရောက် စစ်ဆေးနေတုန်းပါ။ ဘာကြောင့် နစ်တယ်ဆိုတော့ လှိုင်းထန် ရေဝင်နစ်မြုပ်တာ ဖြစ်တယ်လို့ သိရပါတယ်။ ဘယ်သူပိုင် စက်လှေဆိုတာနဲ့ ဆုံးရှုံးမှုကို စစ်ဆေး နေတုန်း ဖြစ်ပါတယ်။ အသေးစိတ်တော့ မပြောနိုင်သေးဘူး” ဟု ပြောဆိုသည်။
No comments:
Post a Comment