မျိုးသူအောင်
ဆရာတော် ဦးဥတ္တမနေ့အား အစိုးရရုံးပိတ်ရက်အဖြစ် သတ်မှတ်ပေးရန် တောင်းဆိုသွားမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ဝင် ရခိုင်တိုင်းရင်းသား လူမျိုးရေးရာဝန်ကြီး ဦးဇော်အေးမောင်က ပြောသည်။
စက်တင်ဘာလ (၇) ရက်နေ့က ရွှေတိဂုံဘုရားအရှေ့ဖက် မုဒ်ရှိ ရခိုင်ဓမ္မာရုံတွင် ပြုလုပ်သည့် (၇၇)နှစ်မြောက် ဆရာ တော် ဦးဥတ္တမနေ့အခမ်းအနား ကျင်းပမည့်အစီအစဉ်နှင့် ပတ်သက်၍ ရှင်းလင်းသည့် သတင်းစာရှင်းလင်းပွဲတွင် ၀န်ကြီး က ယခုကဲ့သို့ ပြောကြားခဲ့ခြင်း ဖြစ်သည်။
"ကျွန်တော်တို့အနေနဲ့ကတော့ ဦးဥတ္တမနေ့ဟာ ရခိုင်တိုင်းရင်းသား တစ်မျိုးတည်းသာ မကဘဲနဲ့ တစ်နိုင်ငံလုံးရဲ့ ကျေး ဇူးရှင် ပုဂ္ဂိုလ် ဖြစ်တယ်။ အာရှတိုက်တစ်ဝန်းလုံးရဲ့ ကျေးဇူးရှင် ပုဂ္ဂိုလ်လည်း ဖြစ်တဲ့အတွက် တစ်နိုင်ငံလုံး အတိုင်းအ တာနဲ့ အစိုးရရုံးပိတ်ရက်အဖြစ် သတ်မှတ်ပေးဖို့ကို တဖြေးဖြေး တဆင့်ပြီး တဆင့်တောင်းဆိုသွားမှာ ဖြစ်ပါတယ်"ဟု ၀န်ကြီး ဦးဇော်အေးမောင်က ပြောသည်။
ဆရာတော် ဦးဥတ္တမသည် မြန်မာနိုင်ငံအား ကိုလိုနီလက်အောက်ခံနိုင်ငံအဖြစ်မှ လွတ်မြောက်နိုင်ရန်အတွက် လွတ်လပ် ရေးရရှိရန် ကြိုးပမ်းဆောင်ရွက်ခဲ့သည့် နယ်ချဲ့ဆန့်ကျင်ရေး ဆရာတော်တစ်ပါး ဖြစ်ပြီး ၁၉၃၉ခုနှစ် စက်တင်ဘာလ ၉ ရက် နေ့တွင် ပျံလွန်တော်မူခဲ့ခြင်း ဖြစ်သည်။
ဆရာတော် ဦးဥတ္တမနေ့အား တစ်နိုင်ငံလုံးအတိုင်းအတာဖြင့် အစိုးရ ရုံးပိတ်ရက် အဖြစ်သတ်မှတ်ပေးရန် တောင်းဆိုရာ တွင် အရပ်ဖက်အဖွဲ့အစည်းများအနေဖြင့် တောင်းဆိုသွားမည့်အပြင် လွှတ်တော်တွင်လည်းတင်ပြသွားမည် ဖြစ်ကြောင်း သိရသည်။
" ဦးတို့ကတော့ တင်ပြ တောင်းဆိုတဲ့နည်းနဲ့သွားမယ်။ တစ်နည်းအားဖြင့် ဦးတို့ ရခိုင်တိုင်းရင်းသားရေးရာဝန်ကြီးက တ ဆင့် အရပ်ဖက်အဖွဲ့အစည်းတွေ ပူးပေါင်းပြီးတော့ တောင်းဆိုတင်ပြမှုနဲ့ သွားမယ်။ နောက်တစ်ခါ လွှတ်တော် မှာ လည်း ရခိုင် လွှတ်တော်အမတ်တွေရှိတယ်။ လွှတ်တော်အမတ်တွေထဲမှာလည်း ဆရာတော် ဦးဥတ္တမကို ကြည်ညို လေးစား တဲ့ အမတ်တွေအများကြီးပဲ။အဲဒီ ပုဂ္ဂိုလ်တွေကနေ တောင်းဆိုလာလိမ့်မယ်" ဟု ဆရာတော် ဦးဥတ္တမနေ့ အခမ်းအနားကျင်း ပရေး ဗဟိုကော်မတီ ဥက္ကဋ္ဌ ဦးဖေသိန်းက ပြောသည်။
(၇၇) နှစ်မြောက် ဆရာတော်ဦးဥတ္တမနေ့ အခမ်းအနားကို စက်တင်ဘာလ ၉ ရက်နေ့တွင် အစီအစဉ် ၂ရပ်ဖြင့် ကျင်းပ သွားမည် ဖြစ်ပြီး ရခိုင်ဓမ္မာရုံတွင် ဆရာတော် သံဃာတော် ၂၇ပါးအား နေ့ဆွမ်း ဆက်ကပ်လှူဒါန်းသွားမည် ဖြစ်ပြီး နေ့ လည် ၁နာရီတွင် ဦးဥတ္တမ ပန်းခြံ(ယခင် ကန်တော် မင်္ဂလာပန်းခြံ)တွင် ဦးဥတ္တမနေ့အခမ်းအနားဖြင့် ဆရာတော်အား လွမ်းသူ့ပန်းခွေချခြင်း၊ ဆရာတော်၏ အတ္ထုပတ္တိများ ဟောပြောခြင်း၊ ရခိုင်ရိုးရာ အကများဖြင့် ဖျော်ဖြေခြင်း၊ ဆရာတော် အား ဂုဏ်ပြုစပ်ဆိုထားသည့် ရခိုင်တေးသီခြင်းများဖြင့် ဖျော်ဖြေခြင်းတို့ကို ပြုလုပ်သွားမည်ဖြစ်ကြောင်း ရခိုင်တိုင်းရင်း သားရေးရာ ၀န်ကြီး၏ ပြောကြားချက်အရ သိရသည်။
No comments:
Post a Comment