နေသာ
အနာဂတ် နိုင်ငံတော်တွင် နိုင်ငံတကာနှင့် ရင်ဘောင်တန်းနိုင်ရန်နှင့် လူ့ အခွင့်အရးပြည့်ဝသော ၊ တရားဥပဒေအား ကောင်းသည့် ဖွံ့ ဖြိုးတိုးတက်ရေးအတွက် တရားသေကိုင်စွဲသည့် မူဝါဒများကို ဖြေလျော့သင့်ပြီဖြစ်ကြောင်း လွှတ်တော် အမတ်များ အစုအဖွဲ့ မှ ပြည်ထောင်စုငြိမ်းချမ်းရေး ညီလာခံတွင် တင်ပြခဲ့သည်။
“ဖွံ့ဖြိုးတိုးတက်ပြီး နိုင်ငံတကာနှင့် ရင်ဘောင်တန်းနိုင်ရန် နှင့် ကလေးငယ်များ၏ အနာဂတ် နိုင်ငံတော်မှာ လူ့အခွင့်အ ရေး ပြည့်ဝတဲ့ တရားဥပဒေအား ကောင်းတဲ့ ဖွံ့ ဖြိုးတိုးတက်တဲ့ နိုင်ငံတော်အဖြစ် မြင်လိုကြတယ်ဆိုရင် ဒီကနေ့ ကျင်း ပ နေတဲ့ ပြည်ထောင်စု ငြိမ်းချမ်းရေးညီလာခံကြီးမှာ ပုဂ္ဂိုလ်တစ်ဦးချင်း အဖွဲ့ အစည်းတစ်ခုချင်း မိမိတို့့ရဲ့ အတ္တတွေ တရား သေ ကိုင်စွဲတဲ့ မူဝါဒတွေ ကိုယ်ကျိုးစီးပွားတွေကို ဒီအချိန်မှာ တင်းတင်းဆုပ်ထားဖို့ မဖြစ်သင့်တော့ဟု ပြောကြားလိုပါ တယ်။ တိုင်းပြည်ရဲ့ အကျိုးစီးပွား နိုင်ငံသူနိုင်ငံသားတွေရဲ့  အကျိုးစီးပွားအတွက် ဖြေလျော့သင့်ကြပြီလို့  တင်ပြလိုပါတယ် ” ဟု လွှတ်တော်ကအမတ်များအစုအဖွဲ့ မှ အမျိုးသားလွှတ်တော်အမတ် ဦးသိမ်းဆွေ က ညီလာခံတွင် ပြောသည်။
တိုင်းရင်းသားအရေး နှင့် ပြည်တွင်း ငြိမ်း ချမ်းရေးရရှိရေး အတွက် ပဋိပက္ခများ၏ အရင်းအမြစ်များကို ဖယ်ရှားပြီး အာ ဃာတ ကင်းစင်သော ပင်လုံစိတ်ဓတ်ကို အခြေခံသည့် နိင်ငံရေးတွေ့ ဆုံ ဆွေးနွေးပွဲများ ဆောင်ရွက်သွားရန်လိုကြောင်း လွှတ်တော်အမတ်များက ဆိုသည်။
၂၁ ရာစု ပင်လုံပြည်ထောင်စု ငြိမ်းချမ်းရေးညီလာခံကို သြဂုတ် ၃၁ ရက်နေ့ မှစတင်ကာ စက်တင်ဘာလ ၃ ရက်နေ့ အ ထိ လေးရက်တာကျင်းပခဲ့ပြီး အပစ်ရပ်စာချုပ်တွင် လက်မှတ်ရေးထိုးသည့် တိုင်းရင်းသားလက်နက်ကိုင်အဖွဲ များ ၊ လက် မှတ်ရေးထိုးခြင်းမရှိသည့် တိုင်းရင်းသား လက်နက်ကိုင် အဖွဲ့ အစည်းများ ၊ အစိုးရ ၊ လွှတ်တော် ၊ တပ်မတော် ၊ နိုင်ငံရေး ပါ တီများ ပါဝင်သင့် ပါဝင်ထိုက်သူများ နှင့် အရပ်ဖက်လူ့ အဖွဲ့ စည်းများတက်ရောက်ခဲ့ကြသည်။
ပြည်ထောင်စု ငြိမ်းချမ်းရေးညီလာခံကို နေပြည်တော်တွင် လေးရက်တာ ကျင်းပပြီးနောက် စက်တင်ဘာလ ၃ ရက်နေ့  က ရပ်နားပြီးနောက် ၆ လအကြာတွင် ပြန်လည်ကျင်းပမည်ဖြစ်ကြောင်း ညီလာခံအပြီးပြုလုပ်သည့် သတင်းစာရှင်းလင်း ပွဲမှ သိရသည်။
No comments:
Post a Comment