မြစ်ကြီးနား-မန္တလေး ရထားလမ်းပေါ် ဆားမှော် ကျေးရွာအနီးတွင် ယနေ့ မိုးမလင်းမီ ၄ နာရီခန့်မှ မြန်မာအစိုးရ တပ်နှင့် ကချင် လွတ်လပ်ရေး တပ်မတော် KIA တပ်ရင်း (၁၁) ကြား တိုက်ပွဲ ဖြစ်ပွားနေပါသည်။
တိုက်ပွဲသည် Sut Len Yang ရွာ Tsap Ba Bum တောင်မှာ ဖြစ်ပွားနေသည်ဟု ဒေသခံများ ကချင် သတင်း ဌာန KNG ကို ပြောပါသည်။
ယနေ့ နံနက်ပိုင်းကပဲ ကချင်ပြည်နယ် အရှေ့ဘက် KIA ဗဟိုဌာနချုပ် နယ်မြေ နှစ်နေရာမှာလည်း တိုက်ပွဲများ ဖြစ်ပွားနေပါသည်။
မြစ်ကြီးနား-ဗန်းမော် ကားလမ်းမ KIA လှုပ်ရှားတပ်ဖွဲ့ တပ်ရင်း DND ၂၅၂ စခန်း Nhkram Bum တောင်တွင် အစိုးရ စစ်ကြောင်းများနှင့် ပြင်းပြင်းထန်ထန် တိုက်ပွဲဖြစ်ပွားနေသည်ဟု ရှေ့တန်းမှ KIA တပ်ဖွဲ့များ KNG ကို ပြောပါသည်။
Laiza (လိုင်ဇာ) ဗဟိုဌာချုပ် အနီး Hpun Pyen Bum တောင်မှ အစိုးရတပ်များကလည်း အနီးရှိ KIA ၏ N'Gawk Gawk post (ကင်းမြီးကောက် စခန်း) ကို လက်နက်ကြီးများဖြင့် ပစ်ခတ်နေကြောင်း သိရသည်။
ပြည်နယ်၏ အနောက်ဘက် မိုးကောင်း-ဖားကန့် လမ်းမှာလည်း အစိုးရတပ်များ စစ်ရေး လှုပ်ရှားမှုများ ရှိနေသည်ဟု ဒေသခံများ ပြောပါသည်။
လွန်ခဲ့သည့် အပတ်က အောက် မြန်မာပြည်မှ စစ်အင်အား အလုံးအရင်း ကို ကချင်ပြည်နယ်သို့ ရထား၊ သင်္ဘော များဖြင့် ပို့ဆောင်ခဲ့ပြီး ဆက်လက် ပို့ဆောင်နေဆဲ ဖြစ်သည်ဟု ဒေသခံ မျက်မြင် သက်သေများ နှင့် စစ်ရေး လေ့လာသူများ ဆိုပါသည်။
ယခု မြန်မာအစိုးရ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည် အမေရိကန် နိုင်ငံ အလည်အပတ် ခရီး ရောက်နေစဉ် စစ်တပ် က KIA ကို ထိုးစစ်ဆင် တိုက်ခိုက်မှုများ ပို ပြုလုပ်လာကြောင်း Laiza ဌာနချုပ်မှ KIA အရာရှိ များ ပြောဆိုနေကြသည်။
No comments:
Post a Comment