အလုပ်သမားဆိုင်ရာ ဥပဒေတချို့ ပြင်ပေးရန် ဆန္ဒပြတောင်းဆိုမည်

မေစစ်ပိုင်

အစိုးရက ပြဋ္ဌာန်းထားပြီးဖြစ်သည့် အလုပ်သမားဆိုင်ရာ ဥပဒေများသည် စက်ရုံ အလုပ်သမားများအပေါ် အကျိုးသက်ရောက်မှု အားနည်းနေသဖြင့် ဥပဒေပြဋ္ဌာန်းချက် တချို့ကို ပြန်လည် ပြင်ဆင်ပေးရန် အလုပ်သမားများ တောင်းဆို ဆန္ဒပြမည်ဖြစ်ကြောင်း သိရသည်။

ခုံသမာဓိကောင်စီ၏ ဆုံးဖြတ်ချက်ကို မလိုက်နာသည့် မည်သူကိုမဆို အနည်းဆုံး ထောင်ဒဏ်တနှစ် ချမှတ်ရန် ဥပဒေ ပြင်ဆင်ရေး၊ ညှိနှိုင်းရေးကော်မတီတွင် မဖြေရှင်းဘဲ တဖက်သတ် အလုပ်ထုတ်ပယ်လျှင် အလုပ်ရှင်ကို အရေးယူပေးရေး နှင့် အလုပ်ရှင် အလုပ်သမား သဘောတူစာချုပ် နှင့် ဒေသန္တရ စည်းကမ်းများကို အလုပ်ရှင် အလုပ်သမား သဘောတူညီချက်ဖြင့် အမြန်ဆုံးချုပ်ဆိုရေးဟု ပြင်ဆင်ပေးရန် လှိုင်သာယာစက်မှုဇုန် နယ်မြေရှိ ဂရ်ိတ်ဝဲလ် စက်ရုံ ၁ နှင့် ၂၊ ထိပ်တန်းမြန်မာ၊ တိုင်ရီ၊ Galent ocean ၊ ဂျင်းဘရားသားနှင့် စံကောင်းမြန်မာ စက်ရုံ အပါအဝင် စက်ရုံများရှိ အလုပ်သမား ၂၀၀၀ ခန့်က အစိုးရသို့ တောင်းဆို သွားမည်ဖြစ်ကြောင်း အလုပ်သမားများက ဧရာဝတီသို့ ပြောသည်။

ဂရိတ်ဝဲလ် ဖိနပ်စက်ရုံ အခြေခံ အလုပ်သမားအဖွဲ့ အတွင်းရေးမှူး ကိုဟန်ဇော်ငြိမ်းက “အလုပ်သမားအများစု ကြုံတွေ့နေရတာက ညှိနှိုင်းရေးကော်မတီမှာ ဖြေရှင်းခွင့်မရဘူး။ အလုပ်ထုတ်ခံရပြီးမှ ညှိနှိုင်းရေးဆီကို ရောက်ရတယ်။ အဲဒီတော့ ခုံသမာဓိ အဆင့်အထိ လိုက်ရအောင် အလုပ်သမားတွေမှာ အဆင်မပြေကြဘူး။ ဒေသန္တရစည်းကမ်း ဆိုတာကလည်း အလုပ်ရှင်က သတ်မှတ်ပေးဖို့ ဆိုတာ ဥပဒေမှာ ပါနေတော့ အဲဒါကို ပြင်ဆင်ပေးဖို့ပါ။ အလုပ်သမား အငြင်းပွားမှု ဖြေရှင်းရေး ဥပဒေတွေကလည်း ကျနော်တို့အတွက် သိပ်ပြီးတော့ ထိရောက်မှုမရှိဘူး။ အလုပ်ရှင်တွေကို အရေးယူမှုတွေက ပျော့ပြောင်းလွန်းတယ်။ အလုပ်သမားတွေက အလုပ်ရှင်တွေနဲ့ အမှုဖြစ်လို့ အမှုနိုင်သည်ဖြစ်စေ၊ ရှုံးသည်ဖြစ်စေ အလုပ်ထုတ်ခံတယ်။ နစ်နာကြေး၊ ခံစားခွင့်တွေ မရတော့ အမြဲတမ်းနစ်နာနေတယ်” ဟု ရှင်းပြသည်။

အလုပ်သမားများအနေဖြင့် အစိုးရက ဥပဒေပါ ပြဋ္ဌာန်းချက်များကို ပြင်ဆင်ပေးရန် တောင်းဆိုဆန္ဒပြမှုကို ဇန်နဝါရီ ၁၅ ရက်၊ နေ့လည် ၁ နာရီတွင် ရွှေလင်ဗန်း စက်မှုဇုန်နယ်မြေ ဂရိတ်ဝဲလ် စက်ရုံရှေ့မှ စတင်ထွက်ခွာကာ အနော်ရထာ လမ်းမကြီးရှိ တမာကုန်းအဝိုင်းသို့ လည်းကောင်း၊ ထို့နောက် ညောင်တုန်းလမ်းမှတဆင့် လှို်င်သာယာမြို့နယ် အောင်မြေသာယာ အားကစားကွင်းအထိ သွားရောက်ကာ ဆန္ဒထုတ်ဖော်ကြမည်ဖြစ်ကြောင်း သိရသည်။

အစိုးရသည် ၂၀၁၁ ခုနှစ်မှ ယနေ့အချိန်ထိ အလုပ်သမား အဖွဲ့အစည်း ဥပဒေနှင့် နည်းဥပဒေ၊ အလုပ်သမားရေးရာ အငြင်းပွားမှု ဖြေရှင်းရေးဥပဒေ နှင့် နည်းဥပဒေများ၊ လူမှုဖူလုံရေး ဥပဒေနှင့် နည်းဥပဒေ၊ အနည်းဆုံး အခကြေးငွေ ဥပဒေနှင့် နည်းဥပဒေ၊ အလုပ်အကိုင် နှင့် ကျွမ်းကျင်မှု ဖွံ့ဖြိုးတိုးတက်ရေး ဥပဒေ၊ ခွင့်ရက်နှင့် အလုပ်ပိတ်ရက် ဥပဒေများကို ရေးဆွဲပြဌာန်းထားပြီး အလုပ်ခန့်ထားမှု ကန့်သတ်ရေး အက်ဥပဒေ၊ အလုပ်ရုံများ အက်ဥပဒေ စသည့် ဥပဒေတချို့ကို ပြင်ဆင်ရေးဆွဲခြင်းများ ပြုလုပ်နေကြောင်း အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာန မှ သိရသည်။

ယနေ့ မြန်မာ့ရေးရာသတင်းများ January,19th,2016

( 10 )IFC က စီးတီးမတ်အား ဒေါ်လာ ၂၅ သန်း ချေးမည်

( 9 )အမျိုးသားအဆင့် ငြိမ်းချမ်းရေး ညီလာခံများ ဆက်လုပ်သွားမည်

( 8 )တိုင်းရင်းသားလက်နက်ကိုင်များ မြန်မာ့တပ်မတော်တွင် တာဝန်ထမ်းဆောင်ရန် ကာချုပ်ဖိတ်ခေါ်ချက်အပေါ် တိုင်းရင်းသားခေါင်းဆောင်တွေဘယ်လိုမြင်လဲ

( 7 )ဖားကန့်မြို့နယ်မှ စက်ယန္တရား အစီး ၁၀၀၀ စစ်ဆေးမှတ်ပုံတင်

( 6 )အယ်နီနိုကြောင့် အပူချိန်မြင့် မိုးနည်းပြီး ကျန်းမာရေး ထိခိုက်နိုင်

( 5 )သိမ်းပိုက်မြေပေါ်မှ ဖယ်ပေးဖို့ မြို့နယ်အာဏာပိုင်က ညွှန်ကြား

( 4 ) သီလဝါစီမံကိန်းပြောင်းရွှေ့ ရွာအတွက် ခြောက်လစာ ထောက်ပံ့

( 3 )အစိုးရသစ်ကို စာရင်းဇယားများလွှဲရန် ဝန်ကြီးဌာနများအတွက် အချိန်သတ်မှတ်

( 2 )တကသကျောင်းသား သုံးဦးအား လွန်ခဲ့သည့် တစ်နှစ်က ဆန္ဒပြပွဲကြောင့် ပုဒ်မ ၁၈ဖြင့် ယနေ့အမှုဖွင့်

( 1 )ဒုက္ခသည်စခန်းမှ စစ်ဘေးရှောင်များ တခြားကိုရွှေ့ပြောင်းဖို့ ညွှန်ကြား

ရန်ကုန်မြို့တွင်း လျှပ်စစ်ရထား စတင်ပြေးဆွဲ

စစ်ပွဲတွေ ရပ်တန့်ဖို့ ရခိုင်ပြည်နယ်မှာ ၃၀၀၀ ကျော် ဆန္ဒပြ

မင်္ဂလာဈေး အသစ်ဆောက်မည်၊ ပျက်စီးဆိုင်ခန်းများအတွက် ထောက်ပံ့မည်ဟု သမ္မတကတိပြု

မဇ္ဈိမ

ဇန်န၀ါရီ၊ ၉ရက်၊ နံနက်ပိုင်းတွင် မီးလောင်ကျွမ်းခဲ့သည့် မင်္ဂလာဈေးကို အသစ်ပြန်လည်တည်ဆောက်ကာ ပျက်ဆီးသွားသည့် ဆိုင်ခန်းများအတွက်ထောက်ပံ့ကြေးနှင့် ချေးငွေများကို ပေးအပ်နိုင်ရေးဆောင်ရွက်ပေးသွားမည်ဟု မီးလောင်ပြီးသည့်နေရာသို့ လာရောက်ခဲ့သည့် သမ္မတဦးသိန်းစိန်က ဈေးသူဈေးသားများကို ကတိပြုခဲ့သည်။

မီးလောင်ပြီး နှစ်ရက်အကြာ နိုင်ငံတော်သမ္မတက မီးလောင်ခဲ့သည့်နေရာသို့ ဇန်န၀ါရီ ၁၁ရက်၊ နေ့လည်ပိုင်းက လာရောက်ကြည့်ရှု့ပြီး မီးလောင်ဆုံးရှုံး ခဲသည့် ပိုင်ရှင်များနှင့် တွေ့ဆုံရာတွင် ပြောဆိုခဲ့ခြင်းဖြစ်သည်။

ဈေးသူဈေးသားများနှင့် တွေ့ဆုံရာတွင် မီးလောင်ဆုံရှုံးမှုကြောင့် နစ်နစ်ခဲ့သူများကို ယာယီဈေးများအဖြစ် နေရာချထားပေးမည့် ရွှေပြည့်စုံဈေးနှင့် ရွှေမင်္ဂလာဈေးကားပါကင်များသို့ ရွှေ့ပြောင်းစရိတ်အဖြစ် ကျပ် ငါးသိန်းမှ ၁၀သိန်းအထိ ထောက်ပံ့ပေးရန်နှင့် ရင်းနှီးမတည်ငွေရရှိရေးအတွက်ကိုလည်း ချေးငွေများရယူနိုင်ရန် စီစဉ်ပေးသွားမည်ဟု ဦးသိန်းစိန်က ပြောဆိုခဲ့သည်။

ယင်းအချက်များအပါအ၀င် ဈေးပြန်လည်တည်ဆောက်ရေး၊ လုံခြုံစွာ လျှပ်စစ်ရရှိအသုံးပြုနိုင်ရေးအတွက် သက်ဆိုင်ရာ ဝန်ကြီးဌာနများအပြင် အင်ဂျင်နီယာပညာရှင်များအသင်းတို့နှင့် ဆွေးနွေးတိုင်ပင်ကာ ဆောင်ရွက်ပေးရန် ရန်ကုန်မြို့တော်ဝန် အပါအဝင်၊ ဈေးတာဝန်ရှိသူများက ဆောင်ရွက် ပေးရန် ၎င်းကတိုက်တွန်းခဲ့သည်။

ဇန်နဝါရီလ ၉ရက်၊ နံနက်ပိုင်း မင်္ဂလာဈေးမီးလောင်မှုကြောင့် ဆိုင်ခန်းပေါင်း ၁၆၀၀ ကျော် ပျက်စီးကာ ကျပ်သိန်းပေါင်း ၃၆၀,၆၀၂ သိန်းအထိ ဆုံးရှုံးခဲ့ရသည်ဟု မင်္ဂလာတောင်ညွန့် ရဲစခန်းက ထုတ်ပြန်ထားသည်။ မီးလောင်ပျက်စီးဆုံးရှုံးခဲ့သည့် ဆိုင်ပိုင်ရှင်များ ပြန်လည် ဆိုင်ဖွင့် လှစ်နိုင်ရေးအတွက် ရွှေပြည့်စုံဈေးနှင့် ရွှေမင်္ဂလာဈေးရှိကားပါကင်များတွင် ယာယီဆိုင်ခန်းများ နေရာချထားပေးမည်ဟုလည်း မီးလောင်သည့်နေတွင်ပင် ရန်ကုန်မြို့တော်ဝန် ဦးလှမြင့်က ဆိုထားသည်။

အဆိုပါဈေးမီးလောင်ရခြင်းမှာ ၄လွှာ၊ ဆိုင်အမှတ် ၄၅၁တွင် လိပ်ဆွဲတံခါးသံဂဟေဆော်ရာမှ ဝါယာရှော့ဖြစ်ပြီး မီးစတင်လောင်ကျွမ်းခဲ့သည်ဟု မင်္ဂလာတောင်ညွှန့်ရဲတပ်ဖွဲ့က စုံစမ်းသိရှိခဲ့ရသဖြင့် သက်ဆိုင်သူများကို အရေးယူနိုင်ရေး စိစစ်မှုများပြုလုပ်နေသည်ဟု ဇန်နဝါရီ ၁၁ရက်၊ နေ့လည်ပိုင်းတာဝန်ကျ ရဲအရာရှိက မဇ္ဈိမကိုပြောသည်။

ဇန်န၀ါရီ ၉ရက် မင်္ဂလာဈေးမီးလောင်မှုသည် ၂၀၁၆ခုနှစ် နှစ်စပိုင်းတွင် ဆုံးရှုံးမှုအများဆုံး မီးလောင်မှုဖြစ်ပြီး၊ ၂၀၁၀ခုနှစ် မေလကလည်း ပထမအကြိမ်မီးလောင်ပျက်စီးခဲ့သဖြင့် အသစ်ပြန်လည်တည်ဆောက်ထားခြင်း ဖြစ်သည်။

နေပြည်တော် ရပ်ကျေး အုပ်ချုပ်ရေးမှူးတွေ ရွေးချယ်ရာမှာ မပြေလည်

မင်္ဂလာဈေး မီးကြောင့် လက်လီ ဆေးဈေးကွက် အများကြီး မထိခိုက်

သမ္မတ လုံခြုံရေးဆိုင်ရာ ဥပဒေကြမ်း မူလအတိုင်း ထားရှိရန် အမျိုးသားလွှတ်တော်တွင် ဆွေးနွေး

ဇူးဇူး

နိုင်ငံတော်သမ္မတ တာဝန်ထမ်းဆောင်ခဲ့သူ၏ လုံခြုံရေးဆိုင်ရာ ဥပဒေကြမ်းနှင့်ပတ်သက်ပြီး ပြည်သူ့လွှတ်တော်၏ ပြင်ဆင်ချက် အား သဘောမတူဘဲ မူလအဆိုပြု ပြဋ္ဌာန်းချက်အတိုင်း ထားရှိရန် တပ်မတော်သား ကိုယ်စားလှယ်နှစ်ဦးက ယနေ့ ပြုလုပ်သည့် အမျိုးသား လွှတ်တော်အစည်းအဝေးတွင် ဆွေးနွေးခဲ့ကြသည်။

ပြည်သူ့လွှတ်တော်က နိုင်ငံတော်သမ္မတ လုံခြုံရေးဆိုင်ရာ ဥပဒေကြမ်းကို ပြင်ဆင်ချက်များဖြင့် အတည်ပြုကာ အမျိုးသား လွှတ်တော် သို့ ပေးပို့လာသည်နှင့် ပတ်သက်ပြီး တပ်မတော်သား ကိုယ်စားလှယ်နှစ်ဦးနှင့် ရွေးကောက်ခံ အမျိုးသား လွှတ်တော် ကိုယ်စားလှယ်နှစ်ဦး ဖြစ်သော ဦးဖုန်းမြင့်အောင်နှင့် ဒေါ်ခင်ဝိုင်းကြည်တို့က ဆွေးနွေးခဲ့ကြခြင်း ဖြစ်သည်။

ထိုဥပဒေ၏ အဆိုပြုပြဋ္ဌာန်းချက်တွင် ပါရှိသော ကိုယ်ရံတော်အဖွဲ့ဆိုသည့် စကားရပ်အား လုံခြုံရေးအဖွဲ့ဆိုသည့် စကားရပ်အဖြစ် ပြည်သူ့လွှတ်တော်မှ ပြင်ဆင်ထားမှုကို မူလအဆိုပြု ပြဋ္ဌာန်းချက်ပါအတိုင်း ကိုယ်ရံတော်အဖွဲ့ဟုသာ ပြန်လည် ပြင်ဆင်လိုကြောင်း တပ်မတော်သား ကိုယ်စားလှယ် ဒုဗိုလ်မှူးကြီး ရဲနိုင်ဦးက အမျိုးသားလွှတ်တော်သို့ တင်ပြခဲ့သည်။

“ကိုယ်ရံတော်အဖွဲ့ ဆိုသည်မှာ ကိုယ်ရံတော်ကို အထူးပြု ဖွဲ့စည်းထားတဲ့တပ်ဖွဲ့ ဖြစ်ပါတယ်။ ပြည်သူ့လွှတ်တော်မှ ပြင်ဆင်ထားတဲ့ လုံခြုံရေးအဖွဲ့ ဆိုသည်မှာ အခြားလုံခြုံရေး အဖွဲ့များနဲ့ ရောထွေးနိုင်လို့ မူလအဆိုပြု ပြဋ္ဌာန်းထားတဲ့အတိုင်း ပြင်ဆင်သင့်ပါကြောင်း တင်ပြ အပ်ပါတယ်”ဟုလည်း ၎င်းက ပြောကြားသည်။

နိုင်ငံတော်သမ္မတ၏ လုံခြုံရေးဆိုင်ရာ ဥပဒေကြမ်းအား ပြည်သူ့ လွှတ်တော် အစည်းအဝေး၌ ကိုယ်ရံတော် ခန့်အပ်ရာတွင် ပြည်ထဲ ရေး ဝန်ကြီး ဌာနမှသာ ခန့်အပ်ရမည်ဟု အတည်ပြုထားပြီး အမျိုးသား လွှတ်တော်သို့ ပေးပို့ခဲ့ခြင်းကို တပ်မတော်သား ကိုယ်စားလှယ် ဒုဗိုလ်မှူးကြီး မြင့်ဝင်းကလည်း မူလအဆိုပြု ပြဋ္ဌာန်းချက် အတိုင်းသာ အတည်ပြု ပြဋ္ဌာန်းရန် ဆွေးနွေးခဲ့သည်။

ဒုဗိုလ်မှူးကြီး မြင့်ဝင်းက မြန်မာနိုင်ငံတွင် နေရာ လုံခြုံရေး၊ လမ်းကြောင်း လုံခြုံရေး၊ အရေးကြီးပုဂ္ဂိုလ် လုံခြုံရေး စသည့် ကိစ္စအ၀၀ကို ကာကွယ်ရေး ၀န်ကြီးဌာနနှင့် ပြည်ထဲရေး ၀န်ကြီးဌာနတို့က ပူးတွဲ၍ဖြစ်စေ၊ သီးခြားဖြစ်စေ တာဝန်ယူ ဆောင်ရွက်ရကြောင်း၊ မူလပြဋ္ဌာန်းချက်အရ နိုင်ငံတော်သမ္မတ တာဝန်ထမ်းဆောင်ခဲ့သူ၏ လုံခြုံရေး ကိစ္စရပ်များကို ကာကွယ်ရေး ၀န်ကြီးဌာန (သို့မဟုတ်) ပြည် ထဲ ရေး ၀န်ကြီးဌာနက ရွေးချယ်ခန့်အပ်နိုင်မည် ဖြစ်သော်လည်း ပြင်ဆင်ချက်အရ ပြည်ထဲရေးကပဲ ခန့်အပ်ရမည့်သဘော ဖြစ်နေကြောင်း တင်ပြခဲ့သည်။

“နိုင်ငံတော်သမ္မတ တာဝန်ထမ်းဆောင်ခဲ့သူအပေါ် လေးစားတန်ဖိုးထားပြီး သမ္မတတာဝန် ထမ်းဆောင်သူသည် မိသားစုနဲ့အတူ အေးချမ်းစွာ နေထိုင်ရန် ကိုယ်ရံတော်နဲ့ လုံခြုံရေးတပ်ဖွဲ့ ရွေးချယ်ခန့်အပ်ရာတွင် ကာကွယ်ရေး ၀န်ကြီးဌာနမှ ဖြစ်စေ၊ ပြည်ထဲရေး ၀န်ကြီးဌာနမှဖြစ်စေ မိမိစိတ်ကြိုက် ရွေးချယ်ခန့်အပ်နိုင်ထားရေးအတွက် ပြင်ဆင်ထားသော ပြည်ထဲရေး ၀န်ကြီးဌာနအစား မူလအဆိုပြုချက် ပြဌာန်းချက်ပါ သက်ဆိုင်ရာ ၀န်ကြီးဌာနဆိုသည့် စကားရပ်အား အတည်ပြု ပြဌာန်းပါရန်”ဟု ဒုဗိုလ်မှူးကြီး မြင့်ဝင်းက ပြောဆို သည်။

နိုင်ငံတော်သမ္မတ တာဝန်ထမ်းဆောင်ခဲ့သူ၏ လုံခြုံရေးဆိုင်ရာ ဥပဒေကြမ်းကို အများပြည်သူ သိစေရန် နိုင်ငံပိုင်သတင်းစာတွင် ဖော်ပြပေးခဲ့ရာ ထိုဥပဒေကြမ်းပါ အခန်း (၄) ပုဒ်မ ၁၀ တွင် ပါရှိသည့် နိုင်ငံတော်သမ္မတ တာဝန်ထမ်းဆောင်ခဲ့သူက သမ္မတ အဖြစ် ထမ်းဆောင်ခဲ့သည့် ကာလအတွင်း တာဝန်အရ ဆောင်ရွက်ချက်များကို အကြောင်းပြုလျက် ၎င်းအားတရားစွဲဆိုခြင်းနှင့် အရေးယူခြင်း တို့ မရှိစေရဟု ဖော်ပြထားသည့် အချက်ကို နိုင်ငံရေးအသိုင်းအ၀ိုင်းက ဝေဖန်လျက်ရှိသည်။

ပြည်သူ့လွှတ်တော် ကိုယ်စားလှယ် ဦးဖေသန်းက“ဒီဥပဒေမှာ မပါသင့်ဘူးထင်လို့ သမ္မတ ဘာပဲလုပ်ခဲ့လုပ်ခဲ့ လုပ်ခဲ့တဲ့ အကြောင်း အရာပေါ်မှာ သူ့အနေနဲ့ အားနည်းချက်တွေ ရှိနိုင်တယ်။ လာဘ်ပေးမှုတွေ ရှိနိုင်တယ်။ ဖွဲ့စည်းပုံ အခြေခံဥပဒေ ပုဒ်မ ၃၇၃ မှာ မည်သူမဆို တည်ဆဲဥပဒေကို ကျူးလွန်ရင် အရေးယူရမယ်ဆိုတာ ပါတယ်။ သမ္မတမို့လို့ လွတ်ငြိမ်းခွင့် မပေးနိုင်ဘူး။ ဒါကြောင့် အဲဒီ အပိုဒ်ကို ဖျက်ပေးပါလို့ ပြောတာ”ဟု ပြောဆိုသည်။

အဆိုပါ ပုဒ်မကို ပြည်သူ့လွှတ်တော် ကိုယ်စားလှယ် ဦးဖေသန်းက ပယ်ဖျက်ရန် တင်ပြခဲ့သော်လည်း မအောင်မြင်ခဲ့ဘဲ မူလအတည်ပြုချက် အတိုင်းသာ ဖြစ်ခဲ့သည်။

ထိုဥပဒေကြမ်းအပေါ် အမျိုးသားလွှတ်တော် အမတ်လေးဦး၏ ဆွေးနွေးချက်နှင့် ပတ်သက်၍ အမျိုးသားလွှတ်တော် ဥပဒေကြမ်း ကော်မတီက ယနေ့တွင် ပြန်လည်ကြားနာ အစီရင်ခံစာ တင်သွင်းရန် အမျိုးသားလွှတ်တော် ဥက္ကဋ္ဌက ညွှန်ကြားခဲ့ကြောင်း သိရသည်။

ယင်း ဥပဒေကြမ်းကို ၂၀၁၅ ခုနှစ် ဒီဇင်ဘာလ ၂၁ ရက်က ပြည်သူ့ လွှတ်တော်တွင် စတင် ရေးဆွဲခဲ့ခြင်း ဖြစ်သည်။

မင်္ဂလာဈေး ဆိုင်ခန်းပိုင်ရှင် ပစ္စည်းတွေကို စပြီးထုတ်ပေး

ရေကြီးဒဏ်ခံခဲ့ရတဲ့ မင်းသမီးကျေးရွာ နေအိမ်တွေ အပြီးသတ်ပြန်ဆောက်မည်

ဖွဲ့စည်းပုံ အခြေခံဥပဒေ ကာကွယ်စောင့်ရှောက်ရေး ဥပဒေကြမ်းကို ပြည်သူ့လွှတ်တော်တွင် ဆွေးနွေးခြင်းမပြုရန် အတည်ပြု

ဦးလွင်

ပြည်ထောင်စုအစိုးရက ပေးပို့လာသည့် ဖွဲ့စည်းပုံအခြေခံဥပဒေ ကာကွယ်စောင့်ရှောက်ရေး ဥပဒေကြမ်းကို ပြည်သူ့လွှတ်တော်တွင် ဆွေးနွေးဆောင်ရွက်ခြင်းမပြုရန် ဇန်နဝါရီ ၁၁ ရက်နေ့ က ကျင်းပသည့် ပြည်သူ့လွှတ်တော် အစည်းအဝေးတွင် အတည်ပြု ဆုံးဖြတ်လိုက်ကြောင်းသိရသည်။

ပြည်သူ့လွှတ်တော်ဥပဒေကြမ်းကော်မတီက အစိုးရပေးပို့သည့် ဖွဲ့စည်းပုံ အခြေခံ ဥပဒေကို ကာကွယ်စောင့်ရှောက်ရေးဥပဒေကြမ်း၏ အခန်း ( ၂ ) ပါ တားမြစ်ချက်များဖြစ်သည့် အပိုဒ်( ၃ ) အပိုဒ်ခွဲ (ဂ) အပိုဒ်ခွဲ ( စ ) ပါ ဥပဒေကြမ်း အစိတ်အပိုင်းသည်၂၀၀၈ ခု နှစ် ဖွဲ့စည်းပုံ အခြေခံ ဥပဒေ ၏ အခန်း ( ၁ )နိုင်ငံတော်၏ အခြေခံရမည့် မူများနှင့် စပ်လျဉ်း၍ ကျယ်ကျယ်ပြန့် ပြန့် ဆွေးနွေးရန် လိုအပ် ခြင်းကြောင့် ပြည်သူ့လွှတ်တော် တွင် ဆွေးနွေး ဆောင်ရွက်ခြင်းဘဲ မှတ်တမ်းတင်ထားပြီး ပြည်ထောင်စုလွှတ်တော်သို့ ပြန်လည်ပေးပို့ရန် ဆုံးဖြတ်ခဲ့ကြောင်း ပြည်သူ့လွှတ်တော် အစည်းအဝေးမှ သိရသည်။

ဥပဒေကြမ်းတင်သွင်းသည့် အစိုးရအဖွဲ့ကိုယ်စား ပြည်ထဲရေးဝန်ကြီးဌာနမှ တာဝန်ရှိသူများ ပြည်သူ့လွှတ်တော်၏ပြည်သူ့ရေးရာစီမံခန့်ခွဲမှု ကော်မတီမှ တာဝန်ရှိသူများ၊ ဥပဒေရေးရာ နှင့် အထူးကိစ္စ ရပ်များ လေ့လာဆန်းစစ်သုံးသပ်ရေး ကော်မရှင်အဖွဲ့ဝင်များ ၊ ဥပဒေ ပြုရေးဆိုင် ရာ ပူးပေါင်းဆောင်ရွက်ရေးလုပ်ငန်း ကော်မတီ မှ တာဝန်ရှိသူ များသည်၂၀၁၅ခုနှစ် စက်တင်ဘာလ၃ ရက်နေ့တွင် တစ်ကြိမ်၂၀၁၆ခုနှစ် ဇန်နဝါရီလ ၁ရက်နေ့တွင် တစ်ကြိမ် တွေ့ ဆုံမှု ပြုလုပ်ပြီး ပြည်ထဲရေးဝန်ကြီးဌာ န နှင့်ညှိုနှိုင်းတိုင်ပင်၍ လတ်တလော အတည်ပြုဆောင်ရွက်ခြင်းမပြုဘဲ ပြည်သူ့လွှတ်တော်တွင် မှတ်တမ်းတင်ထားရှိပြီး ပြည်ထောင်စု လွှတ်တော်တွင် ပြန်လည် ပေးပို့ရန် သဘော တူ ဆုံးဖြတ်ခဲ့ကြောင်း ပြည်သူလွှတ်တော် ဥပဒေကြမ်း ကော်မတီက လွှတ်တော် တွင် အစီအရင်ခံခဲ့သည်။

ဖွဲ့စည်းပုံ အခြေခံ ဥပဒေကို ကာကွယ်စောင့်ရှောက်ရေးဥပဒေကြမ်း၏အခန်း ( ၂ ) ပါ တားမြစ်ချက်များဖြစ်သည့် အပိုဒ်( ၃ ) အပိုဒ်ခွဲ (ဂ) တွင် ဖွဲ့စည်းပုံအခြေခံ ဥပဒေပါ ပြဌာန်းချက်များကို ဆန့်ကျင်၍ မည်သည့် အာဏာရှင် နိုင်ငံရေး စနစ်ကိုမဆို ရှေးရှုရန် သို့မဟုတ် ကျင့်သုံးရန် တစ်စုံ တရာ ပြုလုပ်ခြင်း ထောက်ခံခြင်း တိုက်တွန်းခြင်း လှုံ့ ဆော်ခြင်း အားပေးခြင်း သို့မဟုတ် ဝါဒဖြန့်ချိခြင်း မည်သူမျှ တစ်ဦးချင်းအနေဖြင့် သော်လည်းကောင်း အသင်းအနေဖြင့်သော်လည်ကောင်း အမှု ဆောင်အဖွဲ့အနေဖြင့် သော်လည်းကောင်း မပြုလုပ်ရဟု ပါရှိသည်။

အပိုဒ်ခွဲ ( စ )တွင် လည်းဖွဲ့စည်းပုံ အခြေခံဥပဒေတွင် ပါရှိသောအခြေခံမူများကို ဆန့်ကျင်သည့် အဖွဲ့အစည်း များနှင့် လုပ်ငန်းများကို ထောက်ခံခြင်း အားပေးခြင်း သို့မဟုတ်ဝါဒ ဖြန့် ချိ ခြင်း မည်သူမျှ တစ်ဦးချင်းအနေဖြင့်သော်လည်းကောင်း အသင်းအနေဖြင့်သော်လည်ကောင်း အမှု ဆောင်အဖွဲ့အနေဖြင့် သော်လည်းကောင်း မပြု လုပ် ရ ဟု ပါ ရှိသည်။

တန်ဖိုးနည်းအိမ်ယာ ဈေးနှုန်း အခြေခံလူတန်းစား လက်လှမ်းမမှီ

အစိုးရသစ်လက်ထက် ဘဏ်လုပ်ငန်း အလေးထား ထူထောင်သင့်

အစိုးရသစ်အတွက် ဝန်ထုပ်ဝန်ပိုးသစ်များ ထပ်မပေးပါနှင့်

ဧရာဝတီ

ရွေးကောက်ပွဲ အနိုင်ရ အမျိုးသားဒီမိုကရေစီ အဖွဲ့ချုပ် (NLD) ၏ အစိုးရသစ်ထံ အာဏာလွှဲအပ်ရန် နီးကပ်လာချိန်တွင် အစိုးရဌာတချို့ ဘတ်ဂျက်ငွေများကို ပုံအော အသုံးပြုခြင်း၊ ဖားကန့် ကျောက်စိမ်းတူးဖော်မှု ကဲ့သို့သော လုပ်ငန်းများကို အလွန်အကျွံ လုပ်ဆောင်ခြင်းနှင့် မျှတမှု မရှိဟု ဝေဖန်ခံနေရသော ကျောက်ဖြူစီမံကိန်းကို ရက်ပိုင်းအတွင်း အများစုမဲ အင်အားဖြင့် ခွင့်ပြုလိုက်ပြီး တရုတ်ကုမ္ပဏီသို့ အားချင်း ချပေးလိုက်ခြင်း စသည့် မေးခွန်းထုတ်စရာ လုပ်ရပ်တို့ကို လုပ်ဆောင်လာကြောင်း တွေ့ရသည်။

NLD ခေါင်းဆောင် ဒေါ်အောင်ဆန်းစုကြည်က အစိုးရယန္တယား ပြုပြင်ပြောင်းလဲရေး ပြုလုပ်ရန် ထုတ်ဖော် ပြောဆိုထားသည်။ NLD ၏ ရွေးကောက်ပွဲ ကြေညာစာတမ်းတွင် သဘာဝအရင်းအမြစ်များ ထုတ်ယူရာမှ ရရှိလာသည့် အကျိုးအမြတ်များကို ဖက်ဒရယ်ပြည်ထောင်စု မူနှင့်အညီ ဒေသအလိုက် မျှတစွာခွဲဝေ ခံစားခွင့်ရှိရေး၊ ပွင့်လင်းမြင်သာသော ပြည်သူ့ဘဏ္ဍာရေး စီမံခန့်ခွဲမှုစနစ် ပေါ်ပေါက်လာစေရေး၊ သဘာဝအရင်းအမြစ်များ ထုတ်ယူရာတွင် ပွင့်လင်းမြင်သာသော အစီအမံများကို ပြည်သူများသို့ အသိပေးရန်၊ အလွန်အကျွံ သစ်ထုတ်လုပ်မှု လျှော့ချရေး၊ သဘာဝအရင်းအမြစ်များကို လက်ဝါးကြီးအုပ် စီမံခန့်ခွဲခြင်းနှင့် ညီမျှခြင်း မရှိသော ခွဲဝေသုံးစွဲခြင်းတို့ ပပျောက်ရေးတို့ကို ဖော်ဆောင်ရန် ကတိပြုထားရာ ယင်းအချက်များက လက်ကျန်အစိုးရ သက်တမ်းအတွင်း ထင်တိုင်းကြဲ လုပ်ဆောင်သွားရန် တွန်းအားများ ဖြစ်လာပုံရသည်။

ဖားကန့်တွင် ကြီးမားသော ယန္တယားကြီးများဖြင့် တူးဖော်နေမှုကို တာဝန်သိပြည်သူများက ဓာတ်ပုံသက်သေများဖြင့် လူမှုကွန်ရက်များတွင် ဖြန့်ကာ တပ်လှန့်နေခြင်း၊ လွှတ်တော်အမတ်များက မေးခွန်းထုတ်ခြင်းတို့ကို အစိုးရက အရုပ်ဆိုးစွာပင် လျစ်လျူရှုခဲ့ကြသည်။ တာဝန်ရှိ အစိုးရဌာနက လွှတ်တော်တွင် ဖြေရှင်းရာတွင် ပို၍ တာဝန်မဲ့သော ဖြေရှင်းချက်များကိုသာ ကြားခဲ့ကြရသည်။

ရခိုင်ပြည်နယ်၊ ကျောက်ဖြူ အထူးစီးပွားရေးဇုန် စီမံကိန်း လုပ်ကိုင်ခွင့်ချပေးရေး ဆုံးဖြတ်ချက်တွင်လည်း ထို့အတူဖြစ်သည်။ မျှတမှု မရှိသော အကျိုးအမြတ်ခွဲဝေမှုကို ထောက်ပြနေကြသည့်ကြားမှ ကြံ့ခိုင်ရေးပါတီ အင်အားများမှုကို အသာစီးယူကာ ဆုံးဖြတ်လိုက်ကြသည်။ နောက်အစိုးရအတွက် ကိုင်တွယ်ရခက်စေမည့် ဝန်ထုပ်ဝန်ပိုးကို တာဝန်မဲ့ ချန်ပစ်ခဲ့ခြင်းသာ ဖြစ်သည်။

လွှဲမှားသော စီမံခန့်ခွဲမှု၊ ကိုယ်ကျိုးစီးပွား တခုတည်းကိုသာ ကြည့်ခဲ့မှု၊ အကျင့်ပျက်ခြစားမှုများကြောင့် အဘက်ဘက်က ယိုယွင်းပျက်စီးခဲ့ပြီးဖြစ်သော မြန်မာပြည်၏ လက်ရှိအခြေအနေတွင် အစိုးရသစ် မတိုင်မီ ရသလောက်ယူမည်ဟူသော လုပ်ဆောင်ချက်များက ဗူးလေးရာ ဖရုံဆင့်သကဲ့သို့ ဖြစ်နေသည်။ ယင်းအခြေအနေများကို ထိရောက်စွာ ကိုင်တွယ်ခြင်း မရှိသော ယခုအစိုးရအတွက်လည်း ထပ်မံစွန်းထင်ဦးမည့် သမိုင်းအမည်းစက်ဖြစ်သည်။

မကျန်တော့သော အစိုးရသက်တမ်းတွင် စိတ်စေတနာကောင်းဖြင့် အာဏာလွှဲပြောင်းပေးရန် လိုပါသည်။ အစိုးရသစ်အတွက် ဝန်ထုပ်ဝန်ပိုးအသစ်များ ထပ်ပေးရန် မသင့်တော့ပါ။

ဥပဒေနဲ့ မညီညွတ်တဲ့ ဆောက်လုပ်ဆဲ အဆောက်အအုံတွေ ရပ်ဆိုင်းပေးဖို့ အဆိုတင်

သံရုံးများဖွင့်ရန် နေပြည်တော်တွင် မြေငှားရမ်းနေ

မင်းမင်း

အစိုးရရုံးစိုက်ရာ နေပြည်တော်တွင် နိုင်ငံတစ်ကာသံရုံးများ ဖွင့်လှစ်ရန် ဒက္ခိဏသီရိမြို့နယ်ရှိ ဟိုတယ်ဇုန်နောက်ကျောတွင် မြေကွက်များ ငှားရမ်းနေပြီ ဟု နေပြည်တော်ကောင်စီဝင် ဦးကံချွန်က ပြောသည်။

"သံရုံးများ မဆောက်သေးသော်လည်း ဘင်္ဂလားဒေ့ရ်ှနိုင်ငံ၊ မလေးရှားနိုင်ငံတို့က စာချုပ်ချုပ်ဆို ငှားရမ်းထားပြီး ဖြစ်ပါတယ်။ တရုတ်နိုင်ငံ၊ ကာတာနိုင်ငံ၊ ဘရူနှိုင်းနိုင်ငံ၊ အိန္ဒိယနိုင်ငံတို့မှလည်း ငှားရမ်းရေးနှင့် စာချုပ်ချုပ်ဆိုရေး စီစဉ်ဆောင်ရွက်ဆဲ ဖြစ်ပါတယ်" ဟု ဇန်နဝါရီ ၁၁ရက်၊ အမျိုးသားလွှတ်တော်အစည်းအဝေးတွင် ဦးကံချွန်က ပြောဆိုလိုက်ခြင်း ဖြစ်သည်။

နိုဝင်ဘာရွေးကောက်ပွဲရလဒ်အရ ဒေါ်အောင်ဆန်းစုကြည်ဦးဆောင်သည့် အမျိုးသားဒီမိုကရေစီအဖွဲ့ချုပ်မှ အစိုးရတစ်ရပ်ပေါ်ပေါက်လာရန် နီးကပ်လာသည့်အချိန်တွင် သံရုံးများကို နေပြည်တော်တွင်ဖွင့်လှစ်ရန် မြေငှားရမ်းလာကြခြင်းလည်း ဖြစ်သည်။ သံရုံးများ ဆောက်လုပ်နိုင်ရန်အတွက် အစိုးရက ဒက္ခိဏသီရိမြို့နယ်ရှိ ဟိုတယ်ဇုန်နောက်ကျောတွင် ပေ ၅၀၀ ပတ်လည်(၅၀၀'× ၅၀၀')အကျယ်ရှိ မြေကွက်ပေါင်း ၁၂၀ကိုလည်းကောင်း၊ စစ်သံမှူးရုံးဆောက်လုပ်ရန် ပေ ၃၀၀ ပတ်လည်(၃၀၀'× ၃၀၀')အကျယ်ရှိ မြေကွက်ပေါင်း ၅၀ကိုလည်းကောင်း ဖော်ထုတ်ထားပြီးဖြစ်သည်ဟု သမ္မတဦးသိန်းစိန် တိုက်ရိုက်ခန့်အပ်ထားသည့် နေပြည်တော်ကောင်စီဝင် ဦးကံချွန်က ပြောသည်။

ဇန်နဝါရီ ၁၁ရက်၊ အမျိုးသားလွှတ်တော်အစည်းအဝေးတွင် ရန်ကုန်တိုင်း၊ မဲဆန္ဒနယ်အမှတ်(၅)မှ အမျိုးသားလွှတ်တော်အမတ် ဦးဝင်းနောင်က "အုပ်ချုပ်ရေးမြို့တော် နေပြည်တော်၏ အလားအလာ"ကို သိလိုသည်ဟု မေးခွန်းထုတ်ခဲ့သည်။ ယင်းမေးခွန်းအပေါ် နေပြည်တော်ကောင်စီဝင် ဦးကံချွန်က လာရောက်ဖြေကြားခဲ့ခြင်းဖြစ်ပြီး သံရုံးဆောက်ရန် မြေငှားရမ်းမှုအခြေအနေများကိုပါ ထည့်သွင်း ပြောဆိုခဲ့ခြင်း ဖြစ်သည်။

ဦးကံချွန်၏ ပြောဆိုချက်အရ လက်ရှိတွင် နေပြည်တော်ရှိ GRAND ACE Villa တွင် တရုတ်သံရုံး ရုံးခွဲဖွင့်လှစ်ထားပြီး နိုင်ငံခြားသား ၂၆ဦး နေထိုင်လျက်ရှိသည်။ မြေဧကပေါင်း ၁,၇၄၃,၈၄၄ဧက ကျယ်ဝန်းသည့် နေပြည်တော်တွင် လူဦးရေ တစ်သန်းကျော် နေထိုင်လျက် ရှိသည်။ သမ္မတဦးသိန်းစိန်၏ အစိုးရသက်တမ်းသည် လာမည့် မတ်လကုန်တွင် သက်တမ်းကုန်ဆုံးမည် ဖြစ်သည်။

ဝန်ကြီးဌာနများ အစိုးရသစ်ကို လွှဲပြောင်းစာရင်း မတ် ၁၅ အပြီးလုပ်ရန် သမ္မတညွှန်ကြား

ပိုင်စိုး

ပြည်ထောင်စုဝန်ကြီးဌာနတွေနဲ့ အဖွဲ့အစည်းတွေအနေနဲ့ အစိုးရသစ်ကို လွှဲပြောင်းဖို့ စာရင်းတွေကို မတ်လ ၁၅ ရက်နေ့အပြီးလုပ်ဖို့ သမ္မတက လမ်းညွှန်ထားပါတယ်။

မွေးမြူရေး၊ ရေလုပ်ငန်းနဲ့ ကျေးလက်ဒေသဖွံ့ဖြိုးရေးဝန်ကြီးဌာနရဲ့ ဇန်န၀ါရီ ၁၅ ရက် သတင်းထုတ်ပြန်ချက်မှာ ဖော်ပြထားတာပါ။

ပြည်ထောင်စုဝန်ကြီးဌာနတွေနဲ့ အဖွဲ့အစည်းတွေရဲ့ ငွေကြေး၊ မြေယာအဆောက်အဦ ကိစ္စတွေ၊ မော်တော်ယာဉ်နဲ့ အသုံးအဆောင်ပစ္စည်း စတာတွေကို အမြဲတမ်းအတွင်းဝန် ဦးဆောင်တဲ့ အဖွဲ့က စာရင်းပြုစုရမှာပါ။ ပြီးတော့ စာရင်းတွေကို ၂၀၁၆ ခုနှစ် မတ်လ ၁၅ ရက်နေ့ အပြီးဆောင်ရွက်ဖို့နဲ့ ပြည်ထောင်စု အစိုးရအဖွဲ့ရုံးကို ပေးပို့ဖို့ ညွှန်ကြားခဲ့တယ်လို့ ဆိုပါတယ်။

ဒါနဲ့ပတ်သက်လို့ သမ္မတရုံးဝန်ကြီးဌာန ပြည်ထောင်စုဝန်ကြီး ဦးလှထွန်းက အမြဲတမ်း အတွင်းဝန်တွေကို တွေ့ဆုံပြီး တာဝန် လွှဲအပ်ပေးရေးနဲ့ စာရင်းတွေ လုပ်ရာမှာ ၂၀၁၅ ခုနှစ် ဒီဇင်ဘာ ၃၁ အထိ စာရင်းပိတ်ဖို့ လမ်းညွှန်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

ဆက်လုပ်ဖို့ရှိတဲ့ ဘဏ္ဍာရေး၊ စီမံကိန်းနဲ့ ငွေစာရင်းတွေကိုတော့ လွှဲပြောင်းချိန်အထိ နောက်ဆုံးဖြည့်တင်း ဆောင်ရွက်ရမှာဖြစ်ပါတယ်။

မွေးမြူရေး၊ ရေလုပ်ငန်းနဲ့ ကျေးလက်ဒေသဖွံ့ဖြိုးရေးဝန်ကြီးဌာနအနေနဲ့ မွေးမြူရေး အစားအစာနဲ့ နို့ထွက်ပစ္စည်း လုပ်ငန်းလက်ထက်က ရရှိဖို့ ကျန်ရှိနေတဲ့ ကြွေးကျန်စုစုပေါင်း ကျပ်သန်းပေါင်း ၂၃၀၀၀ ကျော် (၂၃၄၁၈ သန်းကျော်) ရှိနေတာပါ။

ယနေ့ မြန်မာ့ရေးရာသတင်းများ January,18th,2016

( 20 )အလွတ်ကျက်ဖြေ ပညာရေးစနစ် ပြု ပြင်ဖို့ ဒေါ်စုတိုက်တွန်း

( 19 )နိုဘယ်မြန်မာ စာပေပွဲတော် စတင်ဖွင့်လှစ်

( 18 ) နိုင်ကျဉ်းအားလုံး လွှတ်ပေးဖို့ HRW တောင်းဆို

( 17 )လက်ပံတောင်း တောင်သူတွေ ဝမ်ပေါင်ကုမ္ပဏီရုံးရှေ့ မှာ တောင်းဆိုဆန္ဒပြ

( 16 )မူဆယ်-မန္တလေးလမ်း ဆိုးရွားစွာ ပိတ်ဆို့နေ

( 15 )7 Day ဂျာနယ်ဖော်ပြချက် မဘသအဖွဲ့ ကန့်ကွက်

( 14 )အစိုးရဖွဲ့စည်းရေးအတွက် NLDဆွေးနွေး၊ အခက်အခဲများစွာ ရှိနေဟုဆို

( 13 )ငြိမ်းချမ်းရေး ညီလာခံတွင် ဒေါ်အောင်ဆန်းစုကြည် မိန့်ခွန်းပြောမည်ဟုဆို

( 12 )ရန်ကုန်မြို့ ကမ်းနားလမ်းတလျောက် မြို့တွင်း လျှပ်စစ်ရထား TRAM စတင်ပြေးဆွဲသည့် အခမ်းအနားကို ဒီဇင်ဘာလ ၁၀ ရက် နံနက် ၇ နာရီ က ရန်ကုန်မြို့ ၀ါတန်းလမ်း ဘူတာတွင်ပြုလုပ်ကျင်းပ

( 11 )အစ္စရေးသစ်သီးဝလံများ မြန်မာ့ဈေးကွက်သို့ ပထမဆုံး စတင်ဝင်ရောက်လာ

( 10 )မင်္ဂလာဈေးမီးလောင်မှု သိန်းပေါင်း ၃၆၀၀၀ ကျော်ဆုံးရှုံး၊ မီးငြိမ်းသော်လည်း အဆင့် ၃ သတ်မှတ် ထားဆဲ

( 9 )လှိုင်သာယာမှာ အလုပ်သမား ၁၅ဝဝ ကျော် လမ်းလျှောက်ဆန္ဒပြ

( 8 ) ဟားခါး မိုးကြီးရေဘေးဒုက္ခသည်များအတွက် နေအိမ် ထက်ဝက်ပြီးစီး

( 7 )ကျောင်းသားတွေ လွှတ်ပေးရေး တောင်းဆိုဆန္ဒပြသူ ၄ ဦး တရားစွဲခံရ

( 6 )တအာင်း/ပလောင် လွတ်မြောက်ရေးတပ်က တအာင်းပြည်နယ် ဖွဲ့စည်းပုံမူကြမ်း ရေးဆွဲမည်

( 5 )NCA မှာ အဖွဲ့အားလုံးပါဝင်ရေး ကြိုးပမ်းပေးဖို့ NLD အစိုးရကို တိုက်တွန်း

( 4 )ကာလရှည် စွမ်းအင်ဆိုင်ရာ ပင်မစီမံချက် စတင်

( 3 ) ဆီးရီးယားရှိ IS အဖွဲ့ဝင်ဖို့သွားတဲ့ ရိုဟင်ဂျာ အိန္ဒိယမှာ ဖမ်းမိ

( 2 )ပြည်ထောင်စုငြိမ်းချမ်းရေးညီလာခံ ဒုတိယနေ့ အစုအဖွဲ့လိုက် ဆွေးနွေးမှုမြင်ကွင်း

( 1 ) RCSS အဖွဲ့ ဆွစ်ဇာလန်လေ့လာရေး စတင်

ဆေးသုတေသန ဦးစီးဌာနက တရားဝင် ဝပ်ဆိုဒ် တခု ထုတ်လွှင့်

ကားတင်သွင်းခွင့် မူဝါဒ ဖြေလျော့မှု နောက်ပိုင်း အရောင်းအ၀ယ်မရှိ

အစိုးရသစ်မှာ ရှမ်းပြည်နယ်ကို ဘယ်သူဦးဆောင်မလဲ

ထွန်းထွန်း

၂၀၁၅ အထွေထွေ ရွေးကောက်ပွဲမှာ အမျိုးသား ဒီမိုကရေစီ အဖွဲ့ချုပ် (NLD) က တပြည်လုံးအတိုင်းအတာနဲ့ အနိုင်ရခဲ့ပေမယ့် ရှမ်းပြည်နယ်အတွင်း ပြည်နယ် လွှတ်တော် ကိုယ်စားပြုယှဉ်ပြိုင်ရာမှာတော့ ပြိုင်ဘက် အင်အားကြီးပါတီ နှစ်ခုကို ရှုံးနိမ့်ခဲ့တယ်လို့ ဆိုရ မှာ ဖြစ်ပါတယ်။

ရှမ်းပြည်နယ် လွှတ်တော်မှာ တပ်မတော်သား ၂၅ ရာခိုင်နှုန်း အပါအ၀င် စုစုပေါင်း အမတ်နေရာ ၁၅၆ နေရာ ရှိတဲ့အနက် ရှမ်း တိုင်းရင်းသားများ ဒီမိုကရေစီ အဖွဲ့ချုပ်(SNLD) က ၂၄ နေရာ၊ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ(USDP) က ၃၃ နေရာနဲ့ NLD က ၂၃ နေရာသာ အနိုင်ရရှိခဲ့ပါတယ်။

ပြည်နယ်လွှတ်တော်မှာ USDPနဲ့ တပ်မတော်သား အမတ်တွေရဲ့ နှစ်ခုပေါင်း အရေအတွက်ဟာလည်း NLD နဲ့ SNLD ၂ ပါတီပေါင်း အရေအတွက်ထက် ပိုများနေပါတယ်။

ဒီအတွက် အစိုးရသစ်လက်ထက်မှာ ရှမ်းပြည်နယ်အစိုးရအဖွဲ့နဲ့ ပြည်နယ် လွှတ်တော်ကို ဦးဆောင်ဖို့ တပြည်လုံး အတိုင်းအတာနဲ့ အနိုင် ရရှိထားတဲ့ NLD နဲ့ နိုင်ငံရေးပါတီတွေကြား ဘယ်လိုအပေးအယူ ညှိနှိုင်းမှုတွေ ရှိလာမလဲဆိုတာ ကလည်း စိတ်ဝင်စားစရာ ကောင်းနေပါတယ်။

ရှမ်းပြည်နယ် ၀န်ကြီးချုပ်ကိုတော့ ၂၀၀၈ ဖွဲ့စည်းပုံအရ သမ္မတက တိုက်ရိုက်ခန့်အပ်ရမှာဖြစ်လို့ တနိုင်ငံလုံး အတိုင်းအတာနဲ့ အနိုင် ရ ထားတဲ့ NLD က ရှမ်းပြည်နယ်လွှတ်တော်မှာ ဦးဆောင်နိုင်ရေးအတွက် ဘယ်ပါတီနဲ့ ဆွေးနွေးညှိနှိုင်းမှုတွေ ပြုလုပ်မလဲဆိုတာ လည်း ရှမ်းနိုင်ငံရေး အသိုင်းအ၀ိုင်းက စိတ်ဝင်စားနေပါတယ်။

NLD ကတော့ ဘယ်သူနဲ့မှ မဆွေးနွေးရသေးဘူးလို့ ဆိုပါတယ်။

ဒီလိုအခြေအနေမှာ ပြည်နယ်ဝန်ကြီးချုပ် ခန့်အပ်ရေးအတွက် ပါတီတွေကြားမှာ အပေးအယူညှိနှိုင်းမှုတွေ ရှိလာမှာဖြစ်ပြီး ပြည်နယ် လွှတ်တော်မှာတော့ ရွေးကောာက်ပွဲရလဒ်အရ အများဆုံးအနေနဲ့ ၃၃ ဦး အနိုင်ရထားတဲ့ USDP က ပြန်လည် ဦးဆောင်နိုင်မယ့် အနေအထား ဖြစ်နေပါတယ်။

ပြည်နယ် လွှတ်တော်ကို ဦးဆောင်နိုင်ဖို့အတွက် ၂၀၁၅ ရွေးကောက်ပွဲမှာ ပြည်နယ်အတွက် ၇ ဦးအနိုင်ရထားတဲ့ ပလောင် (တအာင်း) အမျိုးသား ပါတီနဲ့ ၆ ဦး အနိုင်ရထားတဲ့ ပအို့ဝ် အမျိုးသား အဖွဲ့ချုပ်(PNO)ပါတီ တို့ကိုလည်း ထည့်သွင်းစဉ်းစားရမှာ ဖြစ် ပါတယ်။

ရွေးကောက်ပွဲတုန်းက USDP ဟာ PNO ပါတီ ၀င်ပြိုင်တဲ့နေရာတွေမှာ ၀င်ရောက်ယှဉ်ပြိုင်ခြင်း မရှိခဲ့ပါဘူး။

ဒီအခြေအနေအရ PNO က USDP နဲ့ မဟာမိတ်အဖြစ် ပူးပေါင်းလိုက်မယ်ဆိုရင် ပြည်နယ်လွှတ်တော်အတွင်း USDP က အင်အား ပိုမိုအသာစီးရသွားမှာ ဖြစ်ပါတယ်။

SNLD ပါတီရဲ့ ဒု ဥက္ကဋ္ဌ ဖြစ်သူ ဦးစိုင်းလိတ်က“ကျနော်လည်း တွက်ကြည့်ပြီးပြီ။ ကျနော်တို့နဲ့ NLD ပေါင်းရင်တောင် တပ်မတော်က ၂၅ ရာခိုင်နှုန်းရှိနေတဲ့အတွက် သူတို့က ပိုများပါတယ်။ ၀န်ကြီးချုပ် ခန့်အပ်ဖို့ကတော့ NLD ရဲ့ သဘောထားက အဓိကကျပါတယ်” လို့ ဆိုပါတယ်။

NLD နဲ့ SNLD ပါတီ တို့ဟာ ၁၉၉၀ ပြည့်နှစ် ရွေးကောက်ပွဲမှာကတည်းက အနိုင်ရရှိခဲ့ကြတာ ဖြစ်သလို ပါတီနှစ်ခုကြားမှာလည်း မဟာမိတ် ဆက်ဆံရေး ပုံစံရှိခဲ့ပါတယ်။

၁၉၉၀ ရွေးကောက်ပွဲအနိုင်ရ ကိုယ်စားလှယ်တွေနဲ့ ဖွဲ့စည်းထားတဲ့ ပြည်သူ့လွှတ်တော် ကိုယ်စားပြုကော်မတီ (CRPP) မှာလည်း NLD နဲ့ SNLD ပါတီ ကိုယ်စားလှယ်တွေရဲ့ အတူတကွ ပူးပေါင်းဆောင်ရွက်မှုတွေ ရှိပါတယ်။

အစိုးရသစ်လက်ထက် ပြည်နယ်အစိုးရဖွဲ့ရေး နဲ့ လွှတ်တော်တွင်း ပူးပေါင်းဆောင်ရွက်ရေးတို့နဲ့ ပတ်သက်လို့တော့ NLD နဲ့ SNLD ကြားမှာ ဒီနေ့အထိ ညှိနှိုင်းဆွေးနွေးမှုတွေ မရှိသေးဘူးလို့ နှစ်ဖက် တာဝန်ရှိသူတွေက ဧရာဝတီကို ပြောပါတယ်။

NLD အနေနဲ့တော့ ရှမ်းပြည်နယ်အစိုးရဖွဲ့ရေးနဲ့ ပတ်သက်လို့ အရင်ကတည်းက မဟာမိတ်အဖြစ်ရှိနေတဲ့ SNLD နဲ့သာ ဆွေးနွေး ညှိနှိုင်းမှုတွေ ပြုလုပ်မယ့် အနေအထားမျိုးပါ။

NLD ပါတီ ဗဟိုအလုပ်အမှုဆောင်အဖွဲ့ဝင် ဦးထွန်းထွန်းဟိန်ကလည်း“သူ့အမြင် ကိုယ့်အမြင် သုံးသပ်နေကြတာတွေကို ဘာမှပြော စရာ မရှိပါဘူး။ ပြည်နယ်တွေမှာ အစိုးရဖွဲ့ဖို့ ဘာတို့ကို ကျနော်တို့က ဗဟို အလုပ်အမှုဆောင် အစည်းအဝေးထိုင်ပြီးမှ ဆုံးဖြတ်လို့ရမှာပါ။ အခုထိတော့ အစည်းဝေးထိုင်ထားတာ မရှိသေးပါဘူး”လို့ ပြောပါတယ်။

ဒေသခံ ရှမ်းတိုင်းရင်းသားပြည်သူ အများစုရဲ့ သဘောထားကတော့ ကိုယ်ပိုင်ပြဋ္ဌာန်းခွင့်၊ တန်းတူ အခွင့်အရေးတွေ ရရှိရေးအတွက် မိမိတို့ တိုင်းရင်းသားပါတီရဲ့ ဦးဆောင်မှုကိုသာ အလိုရှိတာ ဖြစ်ပါတယ်။

ဖွဲ့စည်းပုံအခြေခံဥပဒေ ပြဌာန်းချက်အရ ရှမ်းပြည်နယ်အတွင်း ကိုယ်ပိုင်အုပ်ချုပ်ခွင့်ရဒေသတွေဖြစ်တဲ့ ကိုးကန့် ကိုယ်ပိုင်အုပ်ချုပ်ခွင့် ရ ဒေသ၊ ‘၀’ ကိုယ်ပိုင် အုပ်ချုပ်ခွင့်ရဒေသ၊ ပလောင်(တအာင်း) ကိုယ်ပိုင်အုပ်ချုပ်ခွင့်ရ ဒေသ၊ ဓနု ကိုယ်ပိုင်အုပ်ချုပ်ခွင့်ရဒေသ၊ ပအို့ဝ် ကိုယ်ပိုင် အုပ်ချုပ်ခွင့်ရဒေသတို့ ပါဝင်နေပါတယ်။

ထို့အတွက် ရှမ်းပြည်နယ် လွှတ်တော်အတွင်းမှာ ပလောင်(တအာင်း)နဲ့ ကိုးကန့်တို့လို ပြီးခဲ့တဲ့ ရွေးကောက်ပွဲအတွင်း အနိုင်ရထား တဲ့ တိုင်းရင်းသား ပါတီတွေက ကိုယ်စားလှယ်တွေ ရှိနေမှာ ဖြစ်ပါတယ်။

SNLD ပါတီအနေနဲ့ကတော့ ပြည်နယ်အစိုးရ ဖွဲ့ရေးထက် ပြည်ထောင်စုအရေးဖြစ်တဲ့ ဖွဲ့စည်းပုံပြင်ဆင်ရေးသာ အဓိက ဖြစ်ကြောင်း၊ စစ်မှန်တဲ့ ဖက်ဒရယ်ပြည်ထောင်စု တည်ဆောက်ရေးကိုသာ ဦးတည်ဆောင်ရွက်သွားမှာ ဖြစ်ကြောင်း ဦးစိုင်းလိတ်က ဆိုပါတယ်။

ပြည်တွင်း ငြိမ်းချမ်းရေးနဲ့ ပတ်သက်လို့လည်း ရှမ်းပြည်နယ်အတွင်းမှာ အစိုးရ တပ်မတော်နဲ့ တိုင်းရင်းသား လက်နက်ကိုင်အဖွဲ့တခုဖြစ်တဲ့ ပလောင်(တအာင်း) အမျိုးသား လွတ်မြောက်ရေး တပ်ဖွဲ့(TNLA) တို့အကြား တိုက်ပွဲတွေ ဆက်လက်ဖြစ်ပွားလျက် ရှိပါတယ်။

ရှမ်းပြည်နယ်အတွင်း တိုင်းရင်းသား လက်နက်ကိုင် တပ်ဖွဲ့တွေ အနေနဲ့ ‘၀’ ပြည် သွေးစည်းညီညွတ်ရေး တပ်မတော်(UWSA)၊ ရှမ်းပြည် တပ်မတော် တောင်ပိုင်း(RCSS/SSA)၊ ရှမ်းပြည်တပ်မတော် မြောက်ပိုင်း (SSPP/SSA)၊ မြန်မာအမျိုးသား မဟာမိတ်တပ်ပေါင်း စု (MNDAA)၊ PNLO နဲ့ TNLA တပ်ဖွဲ့တို့ ရှိနေတဲ့အပြင် ရှမ်းပြည် မြောက်ပိုင်း နယ်မြေ တချို့မှာလည်း ကချင်လွတ်လပ်ရေး တပ်မတော် (KIA) တပ်ဖွဲ့တချို့ လှုပ်ရှားလျက် ရှိပါတယ်။

အဲဒီအဖွဲ့တွေထဲမှာ လက်ရှိအစိုးရနဲ့ တနိုင်ငံလုံးဆိုင်ရာ အပစ်အခတ်ရပ်စဲရေး စာချုပ်(NCA)ကို ပါဝင် လက်မှတ်ရေးထိုးခဲ့တာ RCSS/SSA နဲ့ PNLO တို့သာ ရှိပါတယ်။ ကျန်တဲ့အဖွဲ့တွေကတော့ ပါဝင်လက်မှတ်ထိုးခြင်းမရှိဘဲ ဒေါ်အောင်ဆန်းစုကြည် ဦးဆောင် တဲ့ အစိုးရသစ် လက်ထက်မှသာ ပူးပေါင်းဆောင်ရွက်မှုတွေ လုပ်သွားဖို့ ထုတ်ဖော်ပြောကြားတာတွေ ရှိနေပါတယ်။

ရှမ်းပြည်နယ်အတွင်း တပ်မတော်နဲ့ SSPP/SSA၊ ကိုးကန့်တပ်ဖွဲ့တွေကြား ဖြစ်ပွားခဲ့တဲ့ တိုက်ပွဲဖြစ်စဉ်တွေ အတွင်း စစ်ဘေးသင့် ဒေသခံ အရေအတွက်ကလည်း သိန်းဂဏန်းအထိ ရှိနေပါတယ်။

အစိုးရသစ်အနေနဲ့ ဒီလို စစ်ဘေးသင့်ဒုက္ခသည်တွေ အတွက် ပြန်လည်ထူထောင်ရေး၊ နေရာချထားရေး ကိစ္စရပ်တွေအပြင် မပြီး ဆုံး သေးတဲ့ မြေယာသိမ်းဆည်းမှု ပြဿနာတွေကိုလည်း ကိုင်တွယ်ဖြေရှင်းပေးဖို့ တာဝန်ရှိပါတယ်။

ရေရှည်ပြဿနာတွေဖြစ်တဲ့ ဘိန်းစိုက်ပျိုးမှုနဲ့ မူးယစ်ဆေးဝါး ပြဿနာတွေလည်း ရှိနေပါသေးတယ်။ လက်ရှိ အစိုးရသက်တမ်းမှာ တော့ ရှမ်းပြည်နယ်အတွင်း ဘိန်းစိုက်ပျိုးထုတ်လုပ်မှုကို လျော့နည်းသွားအောင် ကိုင်တွယ်ဖြေရှင်းနိုင်မှု မရှိခဲ့ပါဘူး။

ဒေသခံပြည်သူတွေ အနေနဲ့လည်း ဘိန်းစိုက်ပျိုးမှုလျှော့ချရေး အတွက် အစားထိုးသီးနှံစိုက်ပျိုးရေးမှာ မျိုးစေ့မလုံလောက်တာတွေ၊ ပြန်လည် ရောင်းချဖို့အတွက် ဈေးကွက်မရှိတာတွေ စတဲ့အခြေအနေမျိုးစုံ အခက်အခဲတွေလည်း ကြုံတွေ့နေရပါတယ်။

ဒေသခံပြည်သူတချို့ကတော့ ဘိန်းစိုက်ပျိုးမှုအတွက် ဒေသတွင်း လက်နက်ကိုင်အဖွဲ့ပေါင်းစုံရဲ့ ဖိအားပေး ခြိမ်းခြောက်ကာ စေခိုင်း မှုတွေလည်း ရှိတယ်လို့ ပြောဆိုကြပါတယ်။

အဲဒီ တနိုင်ငံလုံး အတိုင်းအတာနဲ့ ဖြေရှင်းဆောင်ရွက်ရမယ့် ကိစ္စတွေဖြစ်တဲ့ တိုင်းရင်းသား လက်နက်ကိုင်အဖွဲ့တွေနဲ့ စေ့စပ်ညှိနှိုင်း ရေး၊ မူးယစ်ဆေးဝါး ပြဿနာ၊ သယံဇာတ တရားမ၀င် ရောင်းဝယ်မှု စတာတွေကတော့ အစိုးရသစ်ဖွဲ့ရမယ့် NLD ကသာ အဓိက ကိုင်တွယ် ဖြေရှင်းရမှာ ဖြစ်ပါတယ်။

ဒီလို ရှမ်းပြည်နယ်ကို ဦးဆောင်ရေးအတွက် NLD ရဲ့ သဘောထားအပေါ် မူတည်နေတဲ့အခြေအနေမှာ သူတို့အနေနဲ့ ဘယ်လို အင်အားစုတွေနဲ့ အပေးအယူညှိနှိုင်းမှုတွေ ပြုလုပ် လက်တွဲသွားမလဲဆိုတာ စောင့်ကြည့်ရမှာပဲ ဖြစ်ပါတယ်။ ။

နိုင်ငံရေးအကျဉ်းသား ရေးရာကော်မတီ ဖျက်သိမ်းဖို့ လိုလား

အခြေခံလုပ်ခ သတ်မှတ်ပြီးနောက်ပိုင်း အလုပ်ရှင် အလုပ်သမား ပြဿနာတွေ မပြေလည်သေး

တိုက်ပွဲများ မဖြစ်ပွားရန် စောင့်ကြည့်ရေး လုပ်ငန်းစဉ် အတွက် ဒေါ်လာ ၂၁ သန်းကျော် လိုအပ်ဟု ဆို

နန်းလွင်နှင်းပွင့်

အစိုးရနှင့် တနိုင်ငံလုံး ပစ်ခတ် တိုက်ခိုက်မှု ရပ်စဲရေး(NCA) ချုပ်ဆိုထားသည့် တိုင်းရင်းသား လက်နက်ကိုင် ၈ ဖွဲ့တို့အကြား တိုက် ပွဲများ ပြန်လည် မဖြစ်ပွားစေရန် စောင့်ကြည့်ရေး လုပ်ငန်းစဉ်များအတွက် ၃ နှစ်စာ သုံးစွဲရမည့် ဘတ်ဂျက် အမေရိကန် ဒေါ်လာ ၂၁ သန်းကျော် လိုအပ်နေကြောင်း သတင်းရရှိသည်။

ပြန်လည် ပစ်ခတ်မှုများ မဖြစ်ပွားစေရေးအတွက် စောင့်ကြည့်ရမည့် လုပ်ငန်းစဉ်များ အဖြစ် ပြည်ထောင်စုအဆင့် ပစ်ခတ် တိုက်ခိုက် မှု ရပ်စဲရေး ကော်မတီ(JMC-U )ကို ဖွဲ့စည်းပြီး ဖြစ်သော်လည်း လုပ်ငန်းစဉ် အရ JMC-U ၏ အောက်တွင် ပြည်နယ်အဆင့် ပစ်ခတ် တိုက်ခိုက်မှု ရပ်စဲရေး ကော်မတီ(JMC-S) နှင့် ဒေသန္တရအဆင့် ပစ်ခတ် တိုက်ခိုက်မှု ရပ်စဲရေး ကော်မတီ(JMC-L)တို့ ထပ်မံ ဖွဲ့စည်း ရမည် ဖြစ်သဖြင့် ထိုလုပ်ငန်း အဆင့်ဆင့် လည်ပတ်ရန် ဒေါ်လာ ၂၁ သန်းကျော် လိုအပ်နေခြင်း ဖြစ်ကြောင်း JMC-U ၏ အတွင်း ရေးမှူး(၁) ဒေါက်တာ ရွှေခါးက ဧရာဝတီသို့ ပြောသည်။

ဒေါက်တာရွှေခါးက“JMC တခုရဲ့ ၃နှစ်စာက ဒေါ်လာ ဘတ်ဂျက် ၂၁ သန်းကျော်စာလောက် ကျနော်တို့ လိုအပ်နေပါတယ်”ဟု ပြော ဆိုသည်။

အဆိုပါ ဒေါ်လာ ၂၁ သန်းကျော်သည် အစိုးရနှင့် NCA စာချုပ် ချုပ်ဆိုထားသည့် တိုင်းရင်းသား လက်နက်ကိုင် အဖွဲ့အစည်းများရှိရာ ဒေသများတွင် တပ်မတော်နှင့် နယ်မြေပိုင်းခြားမှုများ၊ ပစ်ခတ်တိုက်ခိုက်မှု ပြန်မဖြစ်ရေး အတွက် စောင့်ကြည့်ရေး ကော်မတီများ ထားရန် သုံးစွဲရမည့် ငွေ ဖြစ်သည်ဟုလည်း ဆိုသည်။

ဇန်န၀ါရီလ ၈ ရက်တွင် JMC-U က ကမ္ဘာ့ကုလသမဂ္ဂ(UN) ကိုယ်စားလှယ် အပါအ၀င် အလှူငွေပေးနိုင်မည့် နိုင်ငံတကာ အဖွဲ့အစည်း ကိုယ်စားလှယ် ၃၀ ကျော်တို့နှင့် ရန်ကုန်မြို့ ရွှေလီလမ်းရှိ မြန်မာနိုင်ငံ ငြိမ်းချမ်းရေးနှင့် ပြန်လည် ထူထောင်ရေး လုပ်ငန်း ဗဟိုဌာန(MPC)တွင် တွေ့ဆုံ ဆွေးနွေးပြီး ဘတ်ဂျက်လိုငွေ ရှိနေကြောင်း ပြောဆိုခဲ့ကြသည်ဟု သိရသည်။

JMC-U ၏ အတွင်းရေးမှူး(၂) ဖြစ်သည့် တပ်မတော်မှ ဗိုလ်မှူးကြီး ၀ဏ္ဏအောင်က “ကျနော်တို့ ဘတ်ဂျက်ကိစ္စ ချပြတော့ သူတို့ဘက် က သဘောကျတဲ့ အပိုင်းတွေလည်း ရှိပါတယ်။ နောက်ပိုင်းတော့ သူတို့လည်း လှူမယ့် သဘော ရှိပါတယ်။ အချက်အလက်တွေ ကတော့ လှူမယ်ဆိုမှပဲ ကျနော်တို့ ပြောလို့ ရပါလိမ့်မယ်”ဟု ပြောသည်။

JMC-U အနေဖြင့် ရှမ်းပြည်နယ်အတွင်း JMC-S ကို ပထမဦးဆုံး ဖွဲ့စည်းသွားမည်ဖြစ်ပြီး ဖွဲ့စည်းရေး ဆွေးနွေးရန် ဇန်န၀ါရီလ ၉ ရက် တွင် ရှမ်းပြည်နယ်၊ ခိုလမ်မြို့ရှိ အရှေ့အလယ်ပိုင်းတိုင်း စစ်ဌာနချုပ်မှ တာဝန် ရှိသူများ၊ ရှမ်းပြည်ပြန်လည်ထူထောင်ရေး ကောင်စီ(RCSS)မှ တာဝန်ရှိသူများ၊ အရပ်သား ပြည်သူ ကိုယ်စားပြုသူများနှင့် အစည်းအဝေး ပြုလုပ်သွားမည် ဖြစ်သည်ဟု သိရ သည်။

လက်ရှိတွင် မြန်မာနိုင်ငံငြိမ်းချမ်းရေး ပြန်လည်ထူထောင်ရေး လုပ်ငန်းဗဟိုဌာန(MPC) ၏ မတ်လအထိ ရရှိထားသည့် ဘတ်ဂျက် လက်ကျန်ကို အသုံးပြုနေရပြီး ခိုလမ်မြို့ ခရီးစဉ်တွင်လည်း တပ်မတော်မှ ၎င်းတို့၏ တပ်ဘတ်ဂျက်ဖြင့် ဆွေးနွေးပွဲများ၊ လုပ်ငန်းများ ဆောင်ရွက်သွားမည်ဟုလည်း ဗိုလ်မှူးကြီး ၀ဏ္ဏအောင်က ပြောသည်။

JMC များကို ဖွဲ့စည်းပြီးနောက် ပစ်ခတ်မှုများ ပြန်လည် ဖြစ်ပွားပါက JMC ကိုယ်စားလှယ်များက အပြစ်ပေး အရေးယူခြင်းများ ပြုလုပ် သွားမည်ဖြစ်ပြီး ရာဇ၀တ်မှုများ ဖြစ်ပါက ရာဇ၀တ်မှု ပုဒ်မများဖြင့် အရေးယူသွားမည်ဟု ဆိုသည်။

လုပ်ငန်းစဉ်များ လုပ်ကိုင်ရန်အတွက် လိုအပ်ငွေများကို နိုင်ငံတကာ အလှူရှင်များထံမှ ရရှိရန် ညှိနှိုင်းနေသည့် အပြင် နိုင်ငံတော် ဘတ်ဂျက်မှလည်း ရရှိရန် လွှတ်တော်သို့ တောင်းဆိုသွားမည်ဟု သိရသည်။

လွှတ်တော်ထံမှ လည်းကောင်း၊ နိုင်ငံတကာ အလှူရှင်များထံမှ လည်းကောင်း အလှူငွေ မရရှိသေးသည့် အချိန်တွင် တိုက်ရိုက် သက်ဆိုင်နေသည့် အစိုးရ၊ တပ်မတော်နှင့် တိုင်းရင်းသား လက်နက်ကိုင် အဖွဲ့အစည်းများမှ ငွေကြေးနှင့် လိုအပ်သည်များ စိုက် ထုတ်၍ လုပ်ဆောင်သွားရလိမ့်မည်ဟုလည်း ဒေါက်တာရွှေခါး က ပြောဆိုသည်။

ဒေါက်တာ ရွှေခါး က“ဘယ်ကနေမှ ဘတ်ဂျက် မလာသည့်တိုင်အောင် JMC ကတော့ လုပ်ကို လုပ်ရမယ်လေ။ တကယ့် ငြိမ်းချမ်း ရေး၊ တကယ့် ပစ်ခတ်တိုက်ခိုက်မှု ရပ်စဲရေး လိုချင်တယ်ဆိုရင်တော့ ကိုယ့်ဟာနဲ့ ကိုယ်လည်း လုပ်ရမှာပေါ့”ဟု ပြောသည်။

JMC အဆင့်ဆင့်ကို ရှမ်းပြည်နယ်တွင် ဖွဲ့စည်းပြီးပါက တနင်္သာရီတိုင်း၊ ကရင်ပြည်နယ်နှင့် ချင်းပြည်နယ်တို့တွင်လည်း ဖွဲ့စည်း သွားမည်ဟု သိရသည်။

အစိုးရနှင့် ၂၀၁၅ ခုနှစ် အောက်တိုဘာလ ၁၅ ရက်တွင် NCA လက်မှတ်ထိုးထားသည့် အဖွဲ့အစည်းများမှာ ကရင် အမျိုးသား အစည်း အရုံး(KNU)၊ ကရင်ငြိမ်းချမ်းရေးကောင်စီ (KNU/KNLA-PC)၊ ဒီမိုကရေစီ အကျိုးပြု ကရင် အမျိုးသား တပ်မတော်(DKBA)၊ ပအို့ဝ် အမျိုးသား လွတ်မြောက်ရေး အဖွဲ့ချုပ်(PNLO)၊ ချင်း အမျိုးသား တပ်ဦး(CNF)၊ ဗမာနိုင်ငံလုံး ဆိုင်ရာ ကျောင်းသားများ ဒီမိုက ရက်တစ် တပ်ဦး(ABSDF)၊ ရခိုင် လွတ်မြောက်ရေး တပ်မတော်(ALP) နှင့် ရှမ်းပြည် ပြန်လည်ထူထောင်ရေး ကောင်စီ(RCSS)တို့ ဖြစ် သည်။

လယ်သိမ်းကိစ္စများ NLD ဖြေရှင်းမည့်အပေါ် သူတို့ပြောစကား